Dionysius of Halicarnassus, Antiquitates Romanae, Books VII-IX, book 9, chapter 15

(디오니시오스, Antiquitates Romanae, Books VII-IX, book 9, chapter 15)

συναχθείσησ δὲ μετὰ τοῦτο τῆσ βουλῆσ ὑπὸ τῶν ὑπάτων καὶ σκέψεωσ γενομένησ, τίνα χρὴ πολεμεῖν τοῖσ Οὐιεντανοῖσ τρόπον, ἡ νικῶσα ἦν γνώμη, στράτευμα συνεστηκὸσ ἔχειν ἐπὶ τοῖσ ὁρίοισ, ὃ διὰ φυλακῆσ ἕξει τὴν χώραν θυραυλοῦν καὶ αἰεὶ μένον ἐν τοῖσ ὅπλοισ. ἐλύπει δ’ αὐτοὺσ ἥ τ’ εἰσ τοὺσ φρουροὺσ δαπάνη πολλὴ σφόδρα ἐσομένη, τοῦ τε κοινοῦ ταμιείου διὰ τὰσ συνεχεῖσ στρατείασ ἐξαναλωμένου καὶ τῶν ἰδίων βίων ἀπειρηκότων ταῖσ εἰσφοραῖσ· ἂν γένοιτο, ὡσ οὐκ ἂν ἑκουσίων γέ τινων προκειμένων ἁπάντων, καὶ μὴ ἐκ διαδοχῆσ, ἀλλὰ συνεχῶσ ταλαιπωρεῖν ὑποστησομένων.

ἀδημονούσησ δ’ αὐτῆσ ἐπ’ ἀμφοτέροισ τούτοισ συγκαλέσαντεσ οἱ δύο Φάβιοι τοὺσ μετέχοντασ τοῦ σφετέρου γένουσ καὶ βουλευσάμενοι μετ’ αὐτῶν ὑπέσχοντο τῇ βουλῇ τοῦτο τὸ κινδύνευμα αὐτοὶ περὶ πάντων ἑκόντεσ ὑπομενεῖν, πελάτασ τε τοὺσ ἑαυτῶν ἐπαγόμενοι καὶ φίλουσ καὶ τέλεσι τοῖσ ἰδίοισ, ὅσον ἂν χρόνον ὁ πόλεμοσ διαμένῃ, στρατευόμενοι.

ἀγασθέντων δ’ αὐτοὺσ ἁπάντων τοῦ γενναίου τῆσ προθυμίασ καὶ τὸ νικᾶν παρ’ ἓν τοῦτο τὸ ἔργον τιθεμένων, κλεινοὶ καὶ περιβόητοι καθ’ ὅλην τὴν πόλιν ὄντεσ ἐξῄεσαν ἀναλαβόντεσ τὰ ὅπλα σὺν εὐχαῖσ καὶ θυσίαισ.

ἡγεῖτο δ’ αὐτῶν Μάρκοσ Φάβιοσ ὁ τῷ παρελθόντι ὑπατεύσασ ἔτει καὶ νικήσασ τοὺσ Τυρρηνοὺσ τῇ μάχῃ, τετρακισχιλίουσ μάλιστα ἐπαγόμενοσ, ὧν τὸ μὲν πλεῖον πελατῶν τε καὶ ἑταίρων ἦν, ἐκ δὲ τοῦ Φαβίων γένουσ ἓξ καὶ τριακόσιοι ἄνδρεσ. αὐτοῖσ μετ’ οὐ πολὺ καὶ ἡ Ῥωμαίων δύναμισ, ἧσ ἡγεῖτο Καίσων Φάβιοσ ὁ ἕτεροσ τῶν ὑπάτων.

γενόμενοι δὲ ποταμοῦ Κρεμέρασ πλησίον, ὃσ οὐ μακρὰν ἀπέχει τῆσ Οὐιεντανῶν πόλεωσ, ὑπὲρ ὄχθου τινὸσ ἀποτόμου καὶ περιρρῶγοσ ἐπετείχιζον αὐτοῖσ φρούριον ἱκανὸν φυλάττεσθαι τοσαύτῃ στρατιᾷ τάφρουσ τ’ ὀρυξάμενοι περὶ αὐτὸ διπλᾶσ καὶ πύργουσ ἐγείραντεσ πυκνούσ·

καὶ ὠνομάσθη τὸ φρούριον ἐπὶ τοῦ ποταμοῦ Κρεμέρα. οἱᾶ δὲ πολυχειρίασ τ’ ἐργαζομένησ καὶ ὑπάτου συλλαμβάνοντοσ, θᾶττον ἢ κατὰ δόξαν ἐτελέσθη τὸ ἔργον. καὶ μετὰ τοῦτ’ ἐξαγαγὼν τὴν δύναμιν παρήλασεν ἐπὶ θάτερα μέρη τῆσ Οὐιεντανῶν χώρασ τὰ πρὸσ τὴν ἄλλην ἐστραμμένα Τυρρηνίαν, ἔνθα ἦν τοῖσ Οὐιεντανοῖσ τὰ βοσκήματα, οὐδέποτε στρατὸν ἥξειν Ῥωμαίων ἐκεῖ προσδεχομένοισ.

περιβαλόμενοσ δὲ πολλὴν λείαν ἀπῆγεν ἐπὶ τὸ νεόκτιστον φρούριον, χαίρων ἐπὶ τῇ ἄγρᾳ κατ’ ἀμφότερα, τῆσ τ’ οὐ διὰ μακροῦ τῶν πολεμίων τιμωρίασ ἕνεκα, καὶ ὅτι τοῖσ φρουροῖσ τοῦ χωρίου πολλὴν ἔμελλε παρέξειν εὐπορίαν. οὐδὲν γὰρ οὔτ’ εἰσ τὸ δημόσιον ἀνήνεγκεν, οὔτε τοῖσ στρατευομένοισ ἀπένειμεν, ἀλλὰ καὶ πρόβατα καὶ ὑποζύγια καὶ ζεύγη βοεικὰ καὶ σίδηρον καὶ τἆλλα, ὅσα εἰσ γεωργίαν ἐπιτήδεια ἦν, τοῖσ περιπόλοισ τῆσ χώρασ ἐχαρίσατο.

ταῦτα διαπραξάμενοσ ἀπῆγεν ἐπ’ οἴκου τὴν στρατιάν.

τοῖσ δὲ Οὐιεντανοῖσ μετὰ τὸν ἐπιτειχισμὸν τοῦ χωρίου κακῶσ πάνυ τὰ πράγματ’ εἶχεν, οὔτε τὴν γῆν ἔτι δυναμένοισ ἀσφαλῶσ γεωργεῖν οὔτε τὰσ ἔξωθεν εἰσαγομένασ ἀγορὰσ δέχεσθαι. νείμαντεσ γὰρ εἰσ τέτταρα μέρη τὴν στρατιὰν οἱ Φάβιοι, τῷ μὲν ἑνὶ διεφύλαττον τὸ χωρίον, τοῖσ δὲ τρισὶ τὴν χώραν τῶν πολεμίων ἄγοντέσ τε καὶ φέροντεσ ἀεὶ διετέλουν·

καὶ πολλάκισ τῶν Οὐιεντανῶν ἐκ τοῦ φανεροῦ τ’ αὐτοῖσ ἐπιθεμένων χειρὶ οὐκ ὀλίγῃ καὶ εἰσ χωρία ἐνέδραισ κατεχόμενα ὑπαγομένων, περιῆσαν ἀμφοτέρωσ καὶ πολλοὺσ νεκροὺσ ποιήσαντεσ ἀσφαλῶσ ἀπῄεσαν εἰσ τὸ χωρίον. ὥστ’ οὐδ’ ὁμόσε χωρεῖν αὐτοῖσ ἔτι οἱ πολέμιοι ἐτόλμων, ἀλλὰ τειχήρεισ μένοντεσ τὰ πολλὰ καὶ κλέπτοντεσ τὰσ ἐξόδουσ διετέλουν, καὶ ὁ μὲν χειμὼν ἐκεῖνοσ οὕτωσ ἐτελεύτα.

일치하는 문장이 없습니다.

SEARCH

MENU NAVIGATION