Dionysius of Halicarnassus, Antiquitates Romanae, Books VII-IX, book 9, chapter 2

(디오니시오스, Antiquitates Romanae, Books VII-IX, book 9, chapter 2)

ἄλλων οἱ δυνατώτατοι, πολλῇ θεραπείᾳ διεπράξαντο τοὺσ τέτταρασ ἐκ τῶν δημάρχων οἰκείουσ τῇ βουλῇ γενέσθαι. οἱ δὲ τέωσ μὲν λόγῳ μεταπείθειν τὸν Ἰκίλιον ἐπεχείρουν ἀποστῆναι τῶν περὶ τῆσ κληρουχίασ πολιτευμάτων, ἑώσ οἱ πόλεμοι λάβωσι τέλοσ·

ὡσ δ’ ἠναντιοῦτο καὶ διώμνυτο λόγον τε τὸν αὐθαδέστερον εἰπεῖν ἐτόλμησε τοῦ δήμου παρόντοσ, ὅτι μᾶλλον ἂν βούλοιτο Τυρρηνοὺσ καὶ τοὺσ ἄλλουσ πολεμίουσ κρατήσαντασ τῆσ πόλεωσ ἐπιδεῖν, ἢ τοὺσ κατέχοντασ τὴν χώραν τὴν δημοσίαν ἀφεῖναι, δόξαντεσ ἀφορμὴν εἰληφέναι καλὴν πρὸσ αὐθάδειαν τοσαύτην τοῦ τἀναντία λέγειν τε καὶ πράττειν, οὐδὲ τοῦ δήμου τὸν λόγον ἡδέωσ δεξαμένου, κωλύειν αὐτὸν ἔφησαν, καὶ φανερῶσ ἔπραττον, ὅσα τῇ βουλῇ τε καὶ τοῖσ ὑπάτοισ δοκοίη· μονωθεὶσ δ’ Ἰκίλιοσ οὐδενὸσ ἔτι κύριοσ ἦν.

μετὰ τοῦθ’ ἡ στρατιὰ κατεγράφετο καί, ὅσων ἔδει τῷ πολέμῳ πάντα ὑπηρετεῖτο, τὰ μὲν ἐκ τῶν δημοσίων, τὰ δ’ ἐκ τῶν ἰδίων ἁπάσῃ προθυμίᾳ· καὶ διὰ τάχουσ οἱ ὕπατοι διακληρωσάμενοι τὰ στρατεύματα ἐξῄεσαν, Σπόριοσ μὲν Φούριοσ ἐπὶ τὰσ Αἰκανῶν πόλεισ, Καίσων δὲ Φάβιοσ ἐπὶ Τυρρηνούσ.

Σπορίῳ μὲν οὖν ἅπαντα κατὰ νοῦν ἐχώρησεν οὐχ ὑπομεινάντων εἰσ χεῖρασ ἐλθεῖν τῶν πολεμίων, καὶ πολλὰ ἐκ τῆσ στρατείασ ἐξεγένετο χρήματά τε καὶ σώματα λαβεῖν.

ἐπῆλθε γὰρ ὀλίγου δεῖν πᾶσαν ὅσην οἱ πολέμιοι χώραν κατεῖχον, ἄγων καὶ φέρων, καὶ τὰ λάφυρα τοῖσ στρατιώταισ ἅπαντα ἐχαρίσατο. δοκῶν δὲ καὶ τὸν πρὸ τοῦ χρόνον εἶναι φιλόδημοσ, ἔτι μᾶλλον ἐκ ταύτησ τῆσ στρατηγίασ ἐθεράπευσε τὸ πλῆθοσ.

καί, ἐπειδὴ παρῆλθεν ὁ χρόνοσ τῆσ στρατείασ, ἄγων τὴν δύναμιν ὁλόκληρόν τε καὶ ἀπαθῆ χρήμασιν εὔπορον κατέστησε τὴν πατρίδα.

일치하는 문장이 없습니다.

SEARCH

MENU NAVIGATION