헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 60)

ἦσαν δ’ ὑπ’ αὐτῶν ἀποδειχθέντεσ ὕπατοι Σπόριοσ Ποστόμιοσ Ἀλβῖνοσ καὶ Κόιντοσ Σερουίλιοσ Πρίσκοσ τὸ δεύτερον. ἐπὶ τούτων ἔδοξαν Αἰκανοὶ παραβαίνειν τὰσ πρὸσ Ῥωμαίουσ νεωστὶ γενομένασ ὁμολογίασ ἀπὸ τοιαύτησ αἰτίασ· Ἀντιατῶν ὅσοι μὲν εἶχον ἐφέστια καὶ κλήρουσ ἔμειναν ἐν τῇ γῇ, τά τ’ ἀπομερισθέντα σφίσι καὶ τὰ ὑπὸ τῶν κληρούχων ἀφορισθέντα κτήματα γεωργοῦντεσ ἐπὶ ῥηταῖσ τισι καὶ τεταγμέναισ μοίραισ, ἃσ ἐκ τῶν καρπῶν αὐτοῖσ ἐτέλουν·

οἷσ δ’ οὐδὲν τούτων ἦν, ἐξέλιπον τὴν πόλιν, καὶ ὑποδεχομένων αὐτοὺσ προθύμωσ τῶν Αἰκανῶν ἐκεῖθεν ὁρμώμενοι τοὺσ Λατίνων ἀγροὺσ ἐλῄστευον. ἐκ δὲ τούτου καὶ τῶν Αἰκανῶν ὅσοι τολμηροί τε καὶ ἄποροι ἦσαν συνελάμβανον αὐτοῖσ τῶν λῃστηρίων.

ταῦτα Λατίνων ἀποδυρομένων ἐπὶ τῆσ βουλῆσ καὶ ἀξιούντων ἢ στρατιὰν πέμπειν ἢ συγχωρῆσαι σφίσιν αὐτοῖσ τοὺσ ἄρξαντασ πολέμου ἀμύνασθαι, μαθόντεσ οἱ σύνεδροι στρατιὰν μὲν οὔτ’ αὐτοὶ ἐψηφίσαντο πέμπειν οὔτε Λατίνοισ ἐπέτρεψαν ἐξάγειν, πρεσβευτὰσ δ’ ἑλόμενοι τρεῖσ, ὧν ἡγεῖτο Κόιντοσ Φάβιοσ ὁ τὰσ πρὸσ τὸ ἔθνοσ συνθήκασ ποιησάμενοσ, ἀπέστειλαν ἐντολὰσ αὐτοῖσ δόντεσ πυνθάνεσθαι παρὰ τῶν ἡγουμένων τοῦ ἔθνουσ, πότερα κοινῇ γνώμῃ τὰ λῃστήρια ἐξαποστέλλουσιν εἴσ τε τὴν τῶν συμμάχων καὶ εἰσ τὴν τῶν Ῥωμαίων γῆν ‐ ἐγένοντο γάρ τινεσ καὶ εἰσ αὐτὴν καταδρομαὶ τῶν φυγάδων ‐ ἢ τῶν πραττομένων οὐδενόσ ἐστι τὸ κοινὸν αἴτιον·

καὶ ἐὰν φῶσιν ἰδιωτῶν ἔργα εἶναι μὴ ἐπιτρέψαντοσ τοῦ δήμου, τά θ’ ἡρπασμένα ἀπαιτεῖν καὶ τοὺσ ἐργασαμένουσ τἀδικήματα ἐκδότουσ . δὲ τῶν πρεσβευτῶν ἀκούσαντεσ τοὺσ λόγουσ οἱ Αἰκανοὶ πλαγίασ αὐτοῖσ ἔδοσαν ἀποκρίσεισ, τὸ μὲν ἔργον οὐκ ἀπὸ κοινῆσ λέγοντεσ γνώμησ γεγονέναι, τοὺσ δὲ δράσαντασ οὐκ ἀξιοῦντεσ ἐκδιδόναι, πόλιν τ’ ἀπολωλεκότασ καὶ ἀλήτασ γεγονότασ σφῶν τ’ ἐν τῇ πενίᾳ ἱκέτασ.

ἐφ’ οἷσ ὁ Φάβιοσ ἀγανακτῶν καὶ τὰσ ψευσθείσασ πρὸσ αὐτῶν ὁμολογίασ ἀνακαλούμενοσ, ὡσ εἶδεν εἰρωνευομένουσ τοὺσ Αἰκανοὺσ καὶ εἰσ βουλὴν χρόνον αἰτουμένουσ ξενισμοῦ τε χάριν ἐπικατέχοντασ αὐτόν, ὑπέμεινέ τε κατοπτεῦσαι τὰ ἐν τῇ πόλει πράγματα βουλόμενοσ·

καὶ διεξιὼν ἅπαντα τόπον κατὰ πρόφασιν θεωρίασ δημόσιόν τε καὶ ἱερόν, τά τ’ ἐργαστήρια πλήρη ὁρῶν ἅπαντα πολεμικῶν ὅπλων, τῶν μὲν ἤδη συντετελεσμένων, τῶν δ’ ἔτι ἐν χερσὶν ὄντων, ἔγνω τὴν διάνοιαν αὐτῶν. καὶ ἀφικόμενοσ εἰσ τὴν Ῥώμην ἀπήγγειλε πρὸσ τὴν βουλήν, ἅ τ’ ἤκουσε καὶ ἃ εἶδε.

κἀκείνη οὐδὲν ἔτι ἐνδοιάσασα τοὺσ εἰρηνοδίκασ ἐψηφίσατο πέμπειν καταγγελοῦντασ Αἰκανοῖσ τὸν πόλεμον, ἐὰν μὴ τούσ τ’ Ἀντιατῶν φυγάδασ ἀπελάσωσιν ἐκ τῆσ πόλεωσ καὶ δίκασ τοῖσ ἠδικημένοισ ὑπόσχωνται. οἱ δ’ Αἰκανοὶ θρασυτέρασ πρὸσ τοὺσ ἄνδρασ ἐποιήσαντο τὰσ ἀποκρίσεισ, καὶ τὸν πόλεμον οὐκ ἀκούσιοι δέχεσθαι ὡμολόγησαν.

ἀλλὰ γὰρ οὐκ ἐξεγένετο Ῥωμαίοισ στρατιὰν ἐν ἐκείνῳ τῷ ἐνιαυτῷ ἐπ’ αὐτοὺσ ἀποστεῖλαι, εἴτε τοῦ δαιμονίου κωλύοντοσ, εἴτε διὰ τὰσ νόσουσ, αἳ κατέσχον τὴν πληθὺν ἐπὶ πολὺ μέροσ τοῦ ἔτουσ·

ἀλλὰ φυλακῆσ ἕνεκα τῶν συμμάχων ὀλίγη τισ ἐξελθοῦσα δύναμισ, ἧσ ἡγεῖτο Κόιντοσ Σερουίλιοσ ἅτεροσ τῶν ὑπάτων, ἐν τοῖσ Λατίνων ὁρ́οισ διέτριψεν. ἐν δὲ τῇ πόλει τὸν νεὼν τοῦ Πιστίου Διὸσ Σπόριοσ Ποστόμιοσ ὁ συνύπατοσ αὐτοῦ καθιέρωσε μηνὸσ Ιοὐνίου ταῖσ καλουμέναισ Νώναισ ἐπὶ τοῦ Ἐνυαλίου λόφου, κατασκευασθέντα μὲν ὑπὸ τοῦ τελευταίου βασιλέωσ Ταρκυνίου, τῆσ δὲ νομιζομένησ παρὰ Ῥωμαίοισ ἀνιερώσεωσ οὐ τυχόντα ὑπ’ ἐκείνου.

τότε δὲ τῇ βουλῇ δόξαν ὁ Ποστόμιοσ ἔλαβεν αὐτοῦ τὴν ἐπιγραφήν.

ἄλλο δ’ οὐδὲν ἐπὶ τῶν ὑπάτων τούτων λόγου ἄξιον ἐπράχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 60

(디오니시오스, Antiquitates Romanae, Books VII-IX, book 9, chapter 60)

상위

목록

SEARCH

MENU NAVIGATION