Dionysius of Halicarnassus, Antiquitates Romanae, Books VII-IX, book 9, chapter 55

(디오니시오스, Antiquitates Romanae, Books VII-IX, book 9, chapter 55)

οἱ δ’ ὕπατοι καταγράψαντεσ τὰσ δυνάμεισ ἐξῆγον ἐκ τῆσ πόλεωσ· Λεύκιοσ μὲν Οὐαλέριοσ Αἰκανοῖσ πολεμήσων, Τιβέριοσ δ’ Αἰμίλιοσ Σαβίνοισ. καὶ γὰρ οὗτοι κατὰ τὸν τῆσ στάσεωσ καιρὸν ἐνέβαλον εἰσ τὴν Ῥωμαίων χώραν καὶ πολλὴν αὐτῆσ κακώσαντεσ ἀπῆλθον λείαν ἄφθονον περιβαλόμενοι. Αἰκανοὶ μὲν οὖν πολλάκισ εἰσ χεῖρασ ἐλθόντεσ καὶ πολλὰσ πληγὰσ λαβόντεσ εἰσ τὸν χάρακα ἐν ἐχυρῷ χωρίῳ κείμενον κατέφυγον καὶ τὸ λοιπὸν οὐκέτι προῄεσαν εἰσ μάχην. ὁ δὲ Οὐαλέριοσ ἐπεχείρησε μὲν ἐκπολιορκεῖν αὐτῶν τὸ στρατόπεδον, ἐκωλύθη δ’ ὑπὸ τοῦ δαιμονίου.

γὰρ αὐτῷ καὶ ἤδη ἔργου ἐχομένῳ ζόφοσ ἐξ οὐρανοῦ γίνεται καὶ ὄμβροσ πολύσ, ἀστραπαὶ δὲ καὶ βρονταὶ σκληραί.

διασκεδασθείσησ δὲ τῆσ στρατιᾶσ ὅ τε χειμὼν εὐθὺσ ἐπαύσατο καὶ πολλὴ κατέσχε τὸν τόπον αἰθρία. τοῦτό τε δὴ τὸ ἔργον ὀττευσάμενοσ ὁ ὕπατοσ, καὶ τῶν μάντεων κωλυόντων ἔτι πολιορκεῖν τὸ χωρίον, ἀποτραπεὶσ τὴν γῆν αὐτῶν ἐκάκου, καὶ ὅσῃ ἐπέτυχε λείᾳ τοῖσ στρατιώταισ ἅπασαν ὠφελεῖσθαι ἐφείσ, ἀπῆγεν ἐπ’ οἴκου τὴν δύναμιν. Τιβερίῳ δ’ Αἰμιλίῳ διεξιόντι τὴν πολεμίαν σὺν πολλῇ καταφρονήσει κατ’ ἀρχὰσ καὶ οὐδὲν ἔτι προσδοκῶντι ἀντίπαλον ἐπῆλθεν ἡ Σαβίνων δύναμισ καὶ γίνεται μάχη αὐτῶν ἐκ παρατάξεωσ μεσούσησ μάλιστα τῆσ ἡμέρασ ἀρξαμένη μέχρι δύσεωσ ἡλίου.

σκότουσ δ’ ἐπιλαμβάνοντοσ ἀνεχώρουν αἱ δυνάμεισ ἐπὶ τοὺσ ἑαυτῶν χάρακασ οὔτε νικῶσαι οὔτε λειπόμεναι. ταῖσ δ’ ἑξῆσ ἡμέραισ νεκρούσ τε τοὺσ ἑαυτῶν ἐκήδευσαν οἱ ἡγεμόνεσ καὶ χάρακασ ἐξωρύξαντο, καὶ γνώμασ τὰσ αὐτὰσ εἶχον ἑκάτεροι, διὰ φυλακῆσ τὰ οἰκεῖα ἔχειν καὶ μηκέτι ἄρχειν μάχησ.

λύσαντεσ ἀπῆγον τὰσ δυνάμεισ.

일치하는 문장이 없습니다.

SEARCH

MENU NAVIGATION