Dionysius of Halicarnassus, Antiquitates Romanae, Books VII-IX, book 9, chapter 13

(디오니시오스, Antiquitates Romanae, Books VII-IX, book 9, chapter 13)

ὁ δ’ ὕπατοσ ἐπειδὴ τὸ δεινὸν ἀπεώσατο, παρεβοήθει πάλιν τοῖσ ἐν τῷ πεδίῳ. αὕτη μεγίστη λέγεται τῶν πρὸ αὐτῆσ γενέσθαι Ῥωμαίοισ μάχη, πλήθει τ’ ἀνθρώπων καὶ μήκει χρόνου καὶ τῷ ἀγχιστρόφῳ τῆσ τύχησ. ἡ κρατίστη τε καὶ ἐπίλεκτοσ ἀκμὴ δισμυρίων μάλιστα πεζῶν ἐγένετο, καὶ τῶν συντεταγμένων τοῖσ τέτταρσι τάγμασιν ἱππέων ὁμοῦ τι χιλίων καὶ διακοσίων, ἀποίκων δὲ καὶ συμμάχων ἑτέρα τοσαύτη.

χρόνοσ δ’ ἐμηκύνθη τοῦ ἀγῶνοσ ὀλίγῳ πρότερον τῆσ μεσημβρίασ ἀρξάμενοσ μέχρι δύσεωσ ἡλίου.

τὰ δὲ τῆσ τύχησ μέχρι πολλοῦ τῇδε καὶ τῇδε νίκαισ τε καὶ ἥτταισ ταλαντευόμενα διέμεινεν· ὑπάτου δὲ θάνατοσ ἐγένετο καὶ πρεσβευτοῦ δὶσ ὑπατεύσαντοσ καὶ ἄλλων πολλῶν ἡγεμόνων καὶ ταξιάρχων καὶ λοχαγῶν, ὅσων οὐδέπω πρότερον. τὸ μέντοι κράτοσ τοῦ ἀγῶνοσ ἐδόκει περὶ τοὺσ Ῥωμαίουσ γεγονέναι κατ’ ἄλλο μὲν οὐδέν, ὅτι δὲ τῇ ἐπιούσῃ νυκτὶ καταλιπόντεσ τὸν χάρακα οἱ Τυρρηνοὶ ἀνέζευξαν. τῇ δ’ ἑξῆσ ἡμέρᾳ πρὸσ ἁρπαγὰσ τῆσ ἐκλειφθείσησ ὑπὸ τῶν Τυρρηνῶν παρεμβολῆσ οἱ Ῥωμαῖοι τραπόμενοι καὶ ταφὰσ ποιησάμενοι τῶν σφετέρων νεκρῶν ἀπῆλθον εἰσ τὸν ἑαυτῶν χάρακα.

ἐκεῖ δ’ ἐκκλησίαν ποιησάμενοι τοῖσ ἀγωνισαμένοισ λαμπρῶσ τὰσ ἀριστείουσ ἀπέδοσαν τιμάσ, πρώτῳ μὲν Καίσωνι Φαβίῳ τῷ τοῦ ὑπάτου ἀδελφῷ μεγάλα καὶ θαυμαστὰ ἔργα ἀποδειξαμένῳ, δευτέρῳ δὲ τῷ Σικκίῳ, τῷ διαπραξαμένῳ τὸν χάρακα ἀνασώσασθαι, τρίτῳ δὲ Μάρκῳ Φλαβοληίῳ τῷ ἡγεμόνι τοῦ τάγματοσ, τοῦ θ’ ὁρ́κου χάριν καὶ τῆσ παρὰ τὰ δεινὰ ῥώμησ.

διαπραξάμενοι δὲ ταῦτα καὶ μείναντεσ ἡμέρασ ὀλίγασ ἐπὶ τοῦ χάρακοσ, ὡσ οὐδεὶσ ἀντεπεξῄει τῶν πολεμίων μαχησόμενοσ, ἀπῄεσαν ἐπ’ οἴκου.

πάντων δὲ τῶν κατὰ τὴν πόλιν, ὡσ ἐπὶ μεγίστῳ ἀγῶνι κάλλιστον τέλοσ εἰληφότι, τὴν ἐπινίκιον τιμὴν τοῦ θριάμβου τῷ περιόντι ὑπάτῳ προσθεῖναι βουλομένων, ἠρνήσατο τὴν χάριν αὐτῶν ὁ ὕπατοσ, οὔτε ὅσιον εἶναι λέγων οὔτε θεμιτὸν ἐπ’ ἀδελφοῦ θανάτῳ καὶ συνάρχοντοσ ἀποβολῇ πομπεύειν καὶ στεφανηφορεῖν· ἀποθεὶσ δὲ τὰσ σημαίασ καὶ τοὺσ στρατιώτασ ἀπολύσασ ἐπὶ τὰ οἰκεῖα τὴν ὑπατείαν ἀπωμόσατο, δυεῖν ἔτι μηνῶν εἰσ τὸν ἐνιαύσιον χρόνον λειπομένων, ἀδύνατοσ, ὢν τὰ τῆσ ἀρχῆσ ἔτι πράττειν. ἐταλαιπώρει γὰρ ὑπὸ τραύματοσ ἐξαισίου καὶ ἦν κλινοπετήσ.

일치하는 문장이 없습니다.

SEARCH

MENU NAVIGATION