헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 38)

ταῦτ’ εἰπὼν καὶ παρακαλέσασ ἅπαντασ ἥκειν ἐπὶ τὴν δίκην, καθ’ ἱερῶν τ’ ὀμόσασ ἦ μὴν ἐμμένειν τοῖσ ἐγνωσμένοισ καὶ πάσῃ προθυμίᾳ τῶν ἀνδρῶν κατηγορεῖν, ἡμέραν προεῖπεν, ἐν ᾗ τὴν δίκην ἔμελλεν ἐπιτελέσειν. τοὺσ δὲ πατρικίουσ, ὡσ ἔμαθον ταῦτα, πολὺ δέοσ εἰσέρχεται καὶ φροντίσ, ὅτῳ χρὴ τρόπῳ τούσ τ’ ἄνδρασ ἐκλύσασθαι τῆσ αἰτίασ καὶ τοῦ δημαγωγοῦ τὸ θράσοσ ἐπισχεῖν.

καὶ δὴ ἐδέδοκτο αὐτοῖσ, εἴ τι ψηφίσαιτο κατὰ τῆσ ἀρχῆσ τῶν ὑπάτων ὁ δῆμοσ, μὴ ἐπιτρέπειν αὐτῷ κατὰ τὸ καρτερὸν ἐνισταμένουσ καὶ εἰ δέοι καὶ εἰσ ὅπλα χωροῦντασ. οὐ μὴν ἐδέησέ γε τῶν βιαίων οὐδενὸσ αὐτοῖσ ταχεῖαν λαβόντοσ τοῦ κινδύνου καὶ παράδοξον τὴν λύσιν·

μιᾶσ γὰρ ἡμέρασ οὔσησ ἔτι λοιπῆσ τῇ δίκῃ νεκρὸσ Γενύκιοσ ἐπὶ τῆσ ἑαυτοῦ κοίτησ εὑρέθη, σημεῖον οὐδὲν ἔχων οὔτε σφαγῆσ οὔτ’ ἀγχόνησ οὔτε φαρμάκου οὔτ’ ἄλλου τῶν ἐξ ἐπιβουλῆσ θανάτων οὐδενόσ. ὡσ δ’ ἐγνώσθη τὸ πάθοσ, καὶ προηνέχθη τὸ σῶμα εἰσ τὴν ἀγοράν, δαιμόνιόν τι κωλύσεωσ συγκύρημα ἔδοξεν εἶναι, καὶ αὐτίκα ἡ δίκη διελέλυτο. τῶν γὰρ ἄλλων οὐδεὶσ ἐτόλμα δημάρχων ἀνακαλεῖν τὴν στάσιν, ἀλλὰ καὶ τοῦ Γενυκίου κατεγίνωσκον πολλὴν μανίαν.

εἰ μὲν οὖν μηδὲν ἔτι πολυπραγμονοῦντεσ οἱ ὕπατοι διετέλεσαν, ἀλλ’ ἀφῆκαν ὡσ ὁ δαίμων ἐκοίμησε τὴν στάσιν, οὐδεὶσ ἂν αὐτοὺσ ἔτι κατέλαβε κίνδυνοσ, νῦν δ’ εἰσ αὐθάδειαν καὶ καταφρόνησιν τοῦ δημοτικοῦ τραπόμενοι καὶ τὸ τῆσ ἀρχῆσ κράτοσ, ὅσον ἐστίν, ἐπιδεῖξαι βουλόμενοι, κακὰ ἐξειργάσαντο μεγάλα. προθέντεσ γὰρ στρατολογίαν καὶ τοὺσ οὐχ ὑπακούοντασ ταῖσ τ’ ἄλλαισ ζημίαισ καὶ πληγαῖσ ῥάβδων προσαναγκάζοντεσ εἰσ ἀπόνοιαν ἐποίησαν τραπέσθαι τοῦ δημοτικοῦ τὸ πλέον, ἀπὸ τοιαύτησ μάλισταἰ̓τίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books VII-IX, book 9, chapter 38

(디오니시오스, Antiquitates Romanae, Books VII-IX, book 9, chapter 38)

상위

목록

SEARCH

MENU NAVIGATION