헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 46)

Ἄππιοσ μὲν δὴ ταῦτ’ εἶπεν, ἐκ δὲ τῶν δημάρχων ὁ πρεσβύτατοσ καὶ πλείστου ἀξιώματοσ τυγχάνων, Γάιοσ Λαιτώριοσ, ἀνὴρ ἔν τε τοῖσ πολέμοισ ἐγνωσμένοσ εἶναι ψυχὴν οὐ κακὸσ καὶ τὰ πολιτικὰ πράττειν οὐκ ἀδύνατοσ, ἀνίσταται πρὸσ ταῦτ’ ἀπολογησόμενοσ· καὶ διῆλθεν ὑπὲρ τοῦ δήμου λόγον πολὺν ἀπὸ τῶν ἄνωθεν ἀρξάμενοσ·

ὡσ πολλὰσ μὲν καὶ χαλεπὰσ στρατείασ οἱ βλασφημούμενοι πρὸσ αὐτοῦ πένητεσ ἐστρατεύσαντο, οὐ μόνον ἐπὶ τῶν βασιλέων, ὅτε τὴν ἀνάγκην ἄν τισ ᾐτιάσατο, ἀλλὰ καὶ μετὰ τὴν ἐκείνων ἐκβολὴν ἐλευθερίαν κτώμενοι τῇ πατρίδι καὶ ἡγεμονίαν· ἀμοιβὴν δ’ οὐδεμίαν ἐκομίσαντο παρὰ τῶν πατρικίων, οὐδ’ ἀπήλαυσαν οὐδενὸσ τῶν κοινῶν ἀγαθῶν, ἀλλ’ ὡσ πολέμῳ ἁλόντεσ ἀφῃρέθησαν ὑπ’ αὐτῶν καὶ τὴν ἐλευθερίαν, ἣν ἀνασώσασθαι βουλόμενοι καταλιπεῖν ἠναγκάσθησαν τὴν πατρίδα πόθῳ γῆσ ἑτέρασ, ἐν ᾗ τὸ μὴ ὑβρίζεσθαι αὐτοῖσ ἐλευθέροισ οὖσιν ὑπάρξει·

δεομένῃ τὰ ἐκλειφθέντα ἀπολαβεῖν εἴξαντεσ .

τούσ θ’ ὁρ́κουσ διεξῄει καὶ τὰσ συνθήκασ τὰσ ἐπὶ τῇ καθόδῳ γενομένασ ἀνεκαλεῖτο·

ἐν αἷσ ἦν ἀμνηστία μὲν πρῶτον ἁπάντων, ἔπειτ’ ἐξουσία τοῖσ πένησιν ἀρχὰσ ἀποδεικνύναι, τιμωροὺσ μὲν ἐσομένασ σφίσιν αὐτοῖσ, τοῖσ δὲ κατισχύειν βουλομένοισ ἀντιπάλουσ. διεξελθὼν δὲ ταῦτα τοὺσ νόμουσ ἐπεδείκνυτο, οὓσ ὁ δῆμοσ ἐπεκύρωσεν οὐ πρὸ πολλοῦ, τόν τε περὶ τῶν δικαστηρίων τῆσ μεταγωγῆσ, ὡσ ἔδωκεν ἡ βουλὴ τῷ δήμῳ τὴν ἐξουσίαν κρίνειν οὓσ ἂν αὐτοῖσ δόξειε τῶν πατρικίων, καὶ τὸν ὑπὲρ τῆσ ψηφοφορίασ, ὃσ οὐκ ἔτι τὴν λοχῖτιν ἐκκλησίαν, ἀλλὰ τὴν κουριᾶτιν ἐποίει τῶν ψήφων κυρίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books VII-IX, book 9, chapter 46

(디오니시오스, Antiquitates Romanae, Books VII-IX, book 9, chapter 46)

상위

목록

SEARCH

MENU NAVIGATION