Dionysius of Halicarnassus, Antiquitates Romanae, Books VII-IX, book 9, chapter 33

(디오니시오스, Antiquitates Romanae, Books VII-IX, book 9, chapter 33)

τοιούτουσ εἰπὼν λόγουσ καὶ οὔτε πρὸσ ὀλοφυρμοὺσ καὶ ἀνακλαύσεισ τῆσ συμφορᾶσ τραπόμενοσ, οὔτ’ ἐν δεήσεσι καὶ προκυλισμοῖσ ἀσχήμοσι ταπεινὸσ φανείσ, οὔτ’ ἄλλην ἀγεννῆ διάθεσιν ἀποδειξάμενοσ οὐδεμίαν παρέδωκε τὸν λόγον τοῖσ συναγορεύειν ἢ μαρτυρεῖν βουλομένοισ. πολλοὶ μὲν οὖν καὶ ἄλλοι παριόντεσ ἀπέλυον αὐτὸν τῆσ αἰτίασ, μάλιστα δὲ Οὐεργίνιοσ ὁ κατὰ τὸν αὐτὸν ὑπατεύσασ χρόνον καὶ τῆσ νίκησ αἴτιοσ εἶναι δοκῶν· ὃσ οὐ μόνον ἀναίτιον αὐτὸν ἀπέφαινεν, ἀλλὰ καὶ ὡσ κράτιστον ἀνδρῶν τὰ πολέμια καὶ στρατηγῶν φρονιμώτατον ἐπαινεῖσθαί τε καὶ τιμᾶσθαι ὑπὸ πάντων ἠξίου. ἔφη δὲ δεῖν, εἰ μὲν ἀγαθὸν οἰόνται τέλοσ εἰληφέναι τὸν πόλεμον ἀμφοτέροισ σφίσι τὴν χάριν εἰδέναι·

εἰ δὲ πονηρὸν ἀμφοτέρουσ ζημιοῦν· κοινὰ γὰρ αὐτοῖσ καὶ τὰ βουλεύματα καὶ τὰ ἔργα καὶ τὰσ ἐκ τοῦ δαιμονίου τύχασ γεγονέναι. ἦν δ’ οὐ μόνον ὁ λόγοσ τοῦ ἀνδρόσ, ἀλλὰ καὶ ὁ βίοσ πείθων, ἐν ἅπασιν ἐξητασμένοσ ἔργοισ ἀγαθοῖσ.

προσῆν δὲ τούτοισ, ὃ πλεῖστον ἐκίνησεν οἶκτον, ὄψεωσ σχῆμα συμπαθέσ, οἱο͂ν περὶ αὐτοὺσ τοὺσ πεπονθότασ ἢ μέλλοντασ πάσχειν τὰ δεινὰ γίνεσθαι φιλεῖ.

ὥστε καὶ τοὺσ προσήκοντασ τοῖσ ἀπολωλόσι καὶ δοκοῦντασ ἀδιαλλάκτωσ ἔχειν πρὸσ τὸν αἴτιον σφίσι τῆσ συμφορᾶσ, μαλακωτέρουσ γενέσθαι καὶ ἀποθέσθαι τὴν ὀργήν, ὡσ ἐδήλωσαν. ἀναδοθεισῶν γὰρ τῶν ψήφων οὐδεμία φυλὴ τοῦ ἀνδρὸσ κατεψηφίσατο. ὁ μὲν οὖν τὸν Σερουίλιον καταλαβὼν κίνδυνοσ τοιούτου τέλουσ ἔτυχεν.

일치하는 문장이 없습니다.

SEARCH

MENU NAVIGATION