Dionysius of Halicarnassus, Antiquitates Romanae, Books VII-IX, book 9, chapter 50

(디오니시오스, Antiquitates Romanae, Books VII-IX, book 9, chapter 50)

καὶ μετ’ οὐ πολὺ στρατιὰσ ἐδόκει Ῥωμαίοισ καταγράφειν καὶ τοὺσ ὑπάτουσ ἐκπέμπειν ἀμφοτέρουσ ἐπί τ’ Αἰκανοὺσ καὶ Οὐολούσκουσ. δυνάμεισ γὰρ ἐξ ἑκατέρων τῶν ἐθνῶν ἐξεληλυθέναι ἠγγέλλοντο μεγάλαι καὶ προνομεύειν τοὺσ Ῥωμαίων συμμάχουσ. κλήρῳ διαλαχόντεσ τὰσ ἀρχάσ.

συνέβη δὲ τῶν ὑπάτων ἑκατέρῳ τὰ εἰκότα πάσχειν· ἡ μὲν γὰρ τῷ Κοιντίῳ προσνεμηθεῖσα στρατιὰ τὴν ἐπιείκειάν τε καὶ μετριότητα τοῦ ἀνδρὸσ ἀσπαζομένη πρόθυμοσ ἦν εἰσ ἅπαντα τὰ ἐπιταττόμενα, καὶ τὰ πλεῖστα αὐτοκέλευστοσ ὑφίστατο κινδυνεύματα δόξαν τῷ ἡγεμόνι καὶ τιμὴν πράττουσα·

καὶ διεξῆλθε πολλὴν τῆσ Αἰκανῶν χώρασ λεηλατοῦσα οὐ τολμώντων εἰσ χεῖρασ ἐλθεῖν τῶν πολεμίων, ἐξ ἧσ λάφυρα πολλὰ καὶ ὠφελείασ μεγάλασ ἐκτήσατο. χρόνον δ’ οὐ πολὺν ἐν τῇ πολεμίᾳ διατρίψασα παρῆν εἰσ τὴν πόλιν ἀπαθὴσ κακῶν, λαμπρὸν ἐπὶ τοῖσ ἔργοισ τὸν στρατηγὸν ἄγουσα. ἡ δὲ τῷ Ἀππίῳ συνεξελθοῦσα δύναμισ μίσει τῷ πρὸσ αὐτὸν πολλὰ ὑπερεῖδε τῶν πατρίων.

τά τε γὰρ ἄλλα ἐθελοκακοῦσα ἐν ὅλῃ τῇ στρατείᾳ καὶ ὀλιγωροῦσα τοῦ ἡγεμόνοσ διετέλεσε, καὶ ἐπειδὴ μάχεσθαι ἔδει τῇ Οὐολούσκων στρατιᾷ, κατασταθεῖσα ὑπὸ τῶν ἡγεμόνων εἰσ τάξιν οὐκ ἠξίωσε τοῖσ πολεμίοισ εἰσ χεῖρασ ἰέναι· ἀλλ’ οἵ τε λοχαγοὶ καὶ οἱ πρόμαχοι αὐτῶν, οἱ μὲν τὰ σημεῖα ῥίψαντεσ, οἱ δὲ τὴν τάξιν ἐγκαταλιπόντεσ ἐπὶ τὸν χάρακα ἔφευγον.

καὶ εἰ μὴ θαυμάσαντεσ τὸ παράλογον τῆσ φυγῆσ αὐτῶν οἱ πολέμιοι καὶ δείσαντεσ, μὴ ἐνέδρα τισ ᾖ, τῆσ ἐπὶ πλεῖον διώξεωσ ἀπετράποντο, τὸ πλεῖον ἂν μέροσ τῶν Ῥωμαίων διέφθαρτο.

ἐποίουν δὲ ταῦτα φθόνῳ τοῦ ἡγεμόνοσ, ἵνα μὴ καλὸν ἀγώνισμα ὁ ἀνὴρ διαπραξάμενοσ θριάμβῳ τε καὶ ταῖσ ἄλλαισ ἐπιλαμπρυνθῇ τιμαῖσ. τῇ δὲ κατόπιν ἡμέρᾳ τὰ μὲν ἐπιτιμῶντοσ αὐτοῖσ τοῦ ὑπάτου τῆσ ἀδόξου φυγῆσ, τὰ δὲ παρακαλοῦντοσ αἴσχιστον ἔργον ἀναλύσασθαι καλῷ ἀγῶνι, τὰ δ’ ἀπειλοῦντοσ, εἰ μὴ στήσονται παρὰ τὰ δεινά, χρήσεσθαι τοῖσ νόμοισ, ἀπειθείᾳ τε διεχρῶντο καὶ καταβοῇ καὶ ἀπάγειν σφᾶσ ἐκέλευον ἐκ τῆσ πολεμίασ ὡσ ἀδύνατοι ἔτι ὄντεσ ὑπὸ τραυμάτων ἀντέχειν·

κατεδήσαντο γὰρ αὐτῶν οἱ πολλοὶ τοὺσ ὑγιεῖσ χρῶτασ ὡσ τραυματίαι·

ὥστε ὁ Ἄππιοσ ἠναγκάσθη ἀπάγειν τὸν στρατὸν ἐκ τῆσ πολεμίασ, καὶ οἱ Οὐολοῦσκοι ἀπιοῦσιν ἑπόμενοι πολλοὺσ αὐτῶν ἀπέκτειναν. ὡσ δ’ ἐν τῇ φιλίᾳ ἐγένοντο, συναγαγὼν εἰσ ἐκκλησίαν αὐτοὺσ ὁ ὕπατοσ καὶ πολλὰ ὀνειδίσασ ἔφη χρήσεσθαι τῇ κατὰ τῶν λιποτακτῶν κολάσει.

καὶ πολλὰ δεομένων τῶν πρεσβευτῶν καὶ τῶν ἄλλων τῶν ἐν τέλει μετριάσαι, καὶ μὴ συμφορὰν ἐπὶ συμφορᾷ προσθεῖναι τῇ πόλει, λόγον οὐδενὸσ αὐτῶν ποιησάμενοσ ἐκύρωσε τὴν κόλασιν. καὶ μετὰ τοῦθ’ οἱ λοχαγοί τε, ὧν οἱ λόχοι ἔφυγον, καὶ οἱ πρόμαχοι τῶν σημείων, ὅσοι τὰ σημεῖα ἀπολωλέκεσαν, οἱ μὲν πελέκει τοὺσ αὐχένασ ἀπεκόπησαν, οἱ δὲ ξύλοισ παιόμενοι διεφθάρησαν·

ἐκ δὲ τοῦ ἄλλου πλήθουσ ἀπὸ δεκάδοσ ἑκάστησ εἷσ ἀνὴρ ὁ λαχὼν κλήρῳ πρὸ τῶν ἄλλων ἀπέθνησκεν. αὕτη Ῥωμαίοισ πάτριόσ ἐστι κατὰ τῶν λιπόντων τὰσ τάξεισ ἢ προεμένων τὰσ σημαίασ ἡ κόλασισ.

καὶ μετὰ ταῦτ’ αὐτόσ τε μισούμενοσ ὁ στρατηγὸσ καὶ τῆσ στρατιᾶσ ὅσον ἔτι περιῆν κατηφὲσ καὶ ἄτιμον ἐπαγόμενοσ, τῶν ἀρχαιρεσίων καθηκόντων ἀνέστρεψεν εἰσ τὴν πατρίδα.

일치하는 문장이 없습니다.

SEARCH

MENU NAVIGATION