헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 21)

τῇ δ’ ἑξῆσ ἡμέρᾳ μαθόντεσ τὴν κατασχοῦσαν τοὺσ σφετέρουσ τύχην οἱ κατέχοντεσ τὸ φρούριον, καὶ ὅτι τὸ μὲν πλεῖον ἀπόλωλε τῆσ στρατιᾶσ μέροσ ἐν ταῖσ ἁρπαγαῖσ, τὸ δὲ κράτιστον ἐν ὄρει πολιορκεῖται κατακεκλεισμένον ἐρήμῳ, καὶ εἰ μὴ ταχεῖά τισ αὐτοῖσ ἥξει βοήθεια, σπάνει τῶν ἀναγκαίων φθάσουσιν ἐξαιρεθέντεσ, ἐξῄεσαν κατὰ σπουδὴν ὀλίγουσ πάνυ καταλιπόντεσ ἐν τῷ φρουρίῳ φύλακασ. καὶ αὐτοὺσ οἱ Τυρρηνοί, πρὶν ἢ συμμῖξαι τοῖσ ἑτέροισ ἐπικαταδραμόντεσ ἐκ τῶν χωρίων κυκλοῦνταί τε, καὶ πολλὰ γενναῖα ἔργα ἀποδειξαμένουσ διαφθείρουσιν ἅπαντασ σὺν χρόνῳ.

μετ’ οὐ πολὺ δὲ καὶ οἱ τὸν λόφον καταλαβόμενοι λιμῷ τε καὶ δίψῃ πιεζόμενοι ὁμόσε χωρεῖν τοῖσ πολεμίοισ ἔγνωσαν·

καὶ συμπεσόντεσ ὀλίγοι πρὸσ πολλοὺσ ἑώθεν ἀρξάμενοι μέχρι νυκτὸσ ἐμάχοντο· καὶ τοσοῦτον ἐποίησαν τῶν πολεμίων φόνον, ὥστε τοὺσ σωροὺσ τῶν νεκρῶν ἐμποδὼν αὐτοῖσ εἶναι τῆσ μάχησ πολλαχῇ κεχυμένουσ. ἀπολωλεκότεσ καὶ περὶ τοῦ λοιποῦ δείσαντεσ, μικρὸν ἀνασχόντεσ τὰ ὅπλα διὰ τῶν ἀνακλητικῶν ἐπεκηρυκεύοντο πρὸσ τοὺσ ἄνδρασ, ἄδειαν αὐτοῖσ ὑπισχνούμενοι καὶ δίοδον, ἐὰν τὰ ὅπλα ἀποθῶνται καὶ τὸ φρούριον ἐκλίπωσιν.

οὐ προσδεξαμένων δὲ τῶν ἀνδρῶν τὰσ προκλήσεισ, ἀλλὰ τὸν εὐγενῆ θάνατον αἱρουμένων ἐπῄεσαν αὐτοῖσ αὖθισ ἐκ διαδοχῆσ, συστάδην μὲν καὶ ἐκ χειρὸσ οὐκέτι μαχόμενοι, πρόσωθεν δὲ βάλλοντεσ ἀθρόοι λόγχαισ καὶ χερμάσι, καὶ ἦν νιφετῷ παραπλήσιοσ ἡ πληθὺσ τῶν βελῶν.

οἱ δὲ Ῥωμαῖοι συστρεφόμενοι κατὰ λόχουσ προσέτρεχον αὐτοῖσ οὐχ ὑφισταμένοισ καὶ πολλὰσ πληγὰσ λαμβάνοντεσ ὑπὸ τῶν πέριξ ὑπέμενον. ὡσ δὲ τά τε ξίφη πολλοῖσ ἄχρηστα ἦν τὰ μὲν ἀπεστομωμένα τὰσ ἀκμάσ, τὰ δὲ κατεαγότα, καὶ τῶν ἀσπίδων τὰ πέριξ ἴτυοσ ἐχόμενα διετέθρυπτο, ἔξαιμοί τε οἱ πλείουσ καὶ καταβελεῖσ καὶ παράλυτοι τὰ μέλη διὰ πλῆθοσ τραυμάτων ἦσαν, καταφρονήσαντεσ αὐτῶν οἱ Τυρρηνοὶ χωροῦσιν ὁμόσε·

καὶ οἱ Ῥωμαῖοι προσπίπτοντεσ ὥσπερ θηρία δόρατά τ’ αὐτῶν ἐπιλαμβανόμενοι κατέκλων, καὶ ξίφη δραττόμενοι κατὰ τὰσ ἀκμὰσ ἀπέσπων, καὶ περικυλίοντεσ εἰσ τὴν γῆν τὰ σώματα συνεφύροντο θυμῷ τὸ πλεῖον ἢ δυνάμει διαγωνιζόμενοι.

ὥστ’ οὐκέτι συνῄεσαν αὐτοῖσ εἰσ χεῖρασ οἱ πολέμιοι, τό τε καρτερικὸν ἐκπληττόμενοι τῶν ἀνδρῶν, καὶ τὴν ἀπόνοιαν, ἣν προσειλήφεσαν, κατὰ τὴν ἀπόγνωσιν τοῦ ζῆν δεδιότεσ·

ἀλλ’ ἀποστάντεσ αὖθισ ἔβαλλον ἀθρόοι καὶ ξύλοισ καὶ λίθοισ καὶ ὅτῳ ἄλλῳ ἐντύχοιεν, καὶ τελευτῶντεσ ἐγκατέχωσαν αὐτοὺσ τῷ πλήθει τῶν βελῶν. διαφθείραντεσ δὲ τοὺσ ἄνδρασ ἔθεον ἐπὶ τὸ φρούριον, ἔχοντεσ τὰσ τῶν ἐπιφανεστάτων κεφαλάσ, ὡσ ἐξ ἐφόδου τοὺσ ἐκεῖ παραληψόμενοι. οὐ μὴν ἐχώρησέ γ’ αὐτοῖσ κατ’ ἐλπίδα τὸ ἔργον·

οἱ γὰρ καταλειφθέντεσ ἐν αὐτῷ ζηλώσαντεσ τὸ εὐγενὲσ τοῦ θανάτου τῶν θ’ ἑταίρων καὶ τῶν συγγενῶν ἐξῆλθον ὀλίγοι παντάπασιν ὄντεσ, καὶ πολὺν ἀγωνισάμενοι χρόνον τὸν αὐτὸν τρόπον τοῖσ ἑτέροισ ἅπαντεσ διεφθάρησαν·

τὸ δὲ χωρίον ἔρημον οἱ Τυρρηνοὶ παρέλαβον. ἐμοὶ μὲν δὴ ὁ λόγοσ οὗτοσ πιστότεροσ ἐφαίνετο πολὺ τοῦ προτέρου· φέρονται δ’ ἐν γραφαῖσ Ῥωμαίων ἀξιοχρέοισ ἀμφότεροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 21

(디오니시오스, Antiquitates Romanae, Books VII-IX, book 9, chapter 21)

상위

목록

SEARCH

MENU NAVIGATION