Dionysius of Halicarnassus, Antiquitates Romanae, Books VII-IX, book 9, chapter 45

(디오니시오스, Antiquitates Romanae, Books VII-IX, book 9, chapter 45)

εἰ μὲν οὖν, ἔφη, ἥδε ἡ ἀρχὴ μεθ’ ὁμονοίασ εἰσῆλθεν εἰσ τὴν πόλιν ἐπὶ τῷ πάντων ἀγαθῷ παροῦσα σὺν οἰωνοῖσ τε καὶ ὀττείαισ, πολλῶν ἂν ἡμῖν ἐγίνετο καὶ μεγάλων ἀγαθῶν αἰτία, χαρίτων, ὁμοφροσύνησ, εὐνομίασ, ἐλπίδων χρηστῶν παρὰ τοῦ δαιμονίου, μυρίων ἄλλων· νῦν δέ, βία γὰρ αὐτὴν εἰσήγαγε καὶ παρανομία καὶ στάσισ καὶ πολέμου δέοσ ἐμφυλίου καὶ πάντα τὰ ἔχθιστα ἐν ἀνθρώποισ τί οὖν ἔτι καὶ μέλλει χρηστὸν ἔσεσθαί ποτ’ ἢ σωτήριον τοιαύτασ λαβούσησ τὰσ ἀρχάσ; τῶν ἀναβλαστανόντων ἐξ αὐτῆσ κακῶν ζητεῖν, ὁπόσα εἰσ ἀνθρώπινον πίπτει λογισμόν, μενούσησ ἔτι τῆσ πονηρᾶσ ῥίζησ.

οὐ γὰρ ἔσται πέρασ οὐδ’ ἀπαλλαγὴ τῶν δαιμονίων χόλων, ἑώσ ἂν ἥδε ἡ βάσκανοσ ἐρινὺσ καὶ φαγέδαινα ἐγκαθημένη πάντα σήπῃ καὶ διαφθείρῃ τὰ καλά.

ἀλλ’ ὑπὲρ μὲν τούτων ἕτεροσ ἔσται λόγοσ καὶ καιρὸσ ἐπιτηδειότεροσ, νῦν δ’ ἐπεὶ τὰ παρόντα εὖ τίθεσθαι χρή, πᾶσαν εἰρωνείαν ἀφεὶσ τάδε ὑμῖν λέγω· οὔθ’ ὅδε ὁ νόμοσ οὔτ’ ἄλλοσ οὐδείσ, ὃν οὐχ ἡ βουλὴ προβουλεύσει, κύριοσ ἐπὶ τῆσ ἐμῆσ ὑπατείασ γενήσεται, ἀλλὰ καὶ λόγοισ ἀγωνιοῦμαι περὶ τῆσ ἀριστοκρατίασ, κἂν εἰσ τὰ ἔργα δέῃ χωρεῖν οὐδ’ ἐν τούτοισ τῶν ἐναντιουμένων λελείψομαι· καὶ εἰ μὴ πρότερον ἔγνωτε, ὅσην ἰσχὺν ἔχει τὸ τῶν ὑπάτων κράτοσ, ἐπὶ τῆσ ἐμῆσ ἀρχῆσ μαθήσεσθε.

일치하는 문장이 없습니다.

SEARCH

MENU NAVIGATION