Dionysius of Halicarnassus, Antiquitates Romanae, Books VII-IX, book 9, chapter 52

(디오니시오스, Antiquitates Romanae, Books VII-IX, book 9, chapter 52)

ταῦτ’ εἰπόντοσ Αἰμιλίου δεύτεροσ κληθεὶσ Ἄππιοσ Κλαύδιοσ, ὁ τῷ πρόσθεν ὑπατεύσασ ἔτει, τὴν ἐναντίαν γνώμην ἀπεφήνατο διδάσκων, ὡσ οὔθ’ ἡ βουλὴ διανεῖμαι τὰ δημόσια προαίρεσιν ἔσχε· πάλαι γὰρ ἂν εἰληφέναι τὰ δόξαντ’ αὐτῇ τέλοσ· ἀλλ’ εἰσ χρόνον καὶ διάγνωσιν ἑτέραν ἀνεβάλετο, παῦσαι προθυμουμένη τὴν τότε κατασχοῦσαν στάσιν, ἣν εἰσῆγεν ὁ τῇ τυραννίδι ἐπιχειρῶν ὕπατοσ καὶ μετὰ ταῦτα δίκασ δοὺσ καλάσ· οὔθ’ οἱ μετὰ τὸ προβούλευμα λαχόντεσ ὕπατοι τέλοσ τοῖσ ἐψηφισμένοισ ἐπέθεσαν ὁρῶντεσ, ὅσων εἰσελεύσεται κακῶν εἰσ τὴν πόλιν ἀρχὴ συνεθισθέντων τὰ κοινὰ τῶν πενήτων διαλαγχάνειν·

αἵ τε μετ’ ἐκείνουσ πεντεκαίδεκα ὑπατεῖαι πολλῶν αὐταῖσ ἐπαχθέντων ὑπὸ τοῦ δήμου κινδύνων οὐδὲν ὑπέμειναν, ὃ μὴ συνέφερε τῷ κοινῷ πράττειν, διὰ τὸ μηδ’ ἐξεῖναι σφίσι κατὰ τὸ προβούλευμα τοὺσ γεωμόρουσ ἀποδεικνύειν, ἀλλὰ τοῖσ πρώτοισ ἐκείνοισ ὑπάτοισ.

ὥστ’ οὐδ’ ὑμῖν, ἔφησεν, ὦ Οὐαλέριε, καὶ σὺ Αἰμίλιε, γῆσ ἀναδασμοὺσ εἰσφέρειν, οὓσ οὐκ ἐπέταξεν ὑμῖν τὸ συνέδριον, οὔτε καλῶσ ἔχει, προγόνων οὖσιν ἀγαθῶν, οὔτ’ ἀσφαλῶσ.

ταῦθ’ ἱκανά.

περὶ δὲ τοῦ βιασαμένουσ τινὰσ ἢ λαθόντασ σφετερίσασθαι τὰ δημόσια βραχὺσ ἀπαρκεῖ μοι λόγοσ. εἰ γάρ τισ οἶδε καρπούμενόν τινα, ὧν οὐκ ἔχει κτῆσιν ἀποδεῖξαι νόμῳ, μήνυσιν ἀπενεγκάτω πρὸσ τοὺσ ὑπάτουσ καὶ κρινάτω κατὰ τοὺσ νόμουσ, οὓσ οὐ νεωστὶ δεήσει γράφειν·

πάλαι γὰρ ἐγράφησαν, καὶ οὐδεὶσ αὐτοὺσ ἠφάνικε χρόνοσ. ἐπεὶ δὲ καὶ περὶ τοῦ συμφέροντοσ ἐποιεῖτο λόγουσ Αἰμίλιοσ, ὡσ ἐπὶ τῷ πάντων ἀγαθῷ τῆσ κληρουχίασ ἐσομένησ, οὐδὲ τοῦτο τὸ μέροσ ἀνέλεγκτον ἐᾶσαι βούλομαι.

ἐμοὶ γὰρ δοκεῖ τὸ αὐτόθι μόνον οὗτόσ γ’ ὁρᾶν, τὸ δὲ μέλλον οὐ προσκοπεῖν, ὅτι μικρὸν εἶναι δοκοῦν ἐπὶ τῶν δημοσίων τοῖσ ἀργοῖσ καὶ ἀπόροισ πολλῶν ἔσται καὶ μεγάλων κακῶν αἴτιον. τὸ γὰρ ἔθοσ τὸ συνεισπορευόμενον ἅμα τούτῳ καὶ διαμένον ἐν τῇ πόλει καὶ μέχρι παντὸσ ὀλέθριον ἔσται καὶ δεινόν·

οὐ γὰρ ἐξαιρεῖ τὰσ πονηρὰσ ἐπιθυμίασ ἐκ τῆσ ψυχῆσ τὸ τυγχάνειν αὐτῶν, ἀλλ’ αὔξει καὶ πονηροτέρασ ποιεῖ. τεκμήρια δ’ ὑμῖν γενέσθω τούτων τὰ ἔργα· τί γὰρ δεῖ τοῖσ λόγοισ ὑμᾶσ τοῖσ ἐμοῖσ ἢ τοῖσ Αἰμιλίου προσέχειν;

일치하는 문장이 없습니다.

SEARCH

MENU NAVIGATION