헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 9)

βραδεῖα μὲν ἡ ἀγανάκτησισ ὑμῶν γίνεται περὶ ὧν ὑβρίζεσθε ὑπὸ τῶν πολεμίων, ἄνδρεσ στρατιῶταί τε καὶ ἡγεμόνεσ· καὶ τὸ βουλόμενον ἑκάστου χωρεῖν ὁμόσε τοῖσ ἐναντίοισ πολὺ τοῦ δέοντοσ ὕστερον φαινόμενον ἀώρόν ἐστι. παλαίτερον γὰρ ἔτι τοῦθ’ ὑμᾶσ ἔδει πράττειν, ὅτε πρῶτον αὐτοὺσ εἴδετε καταβαίνοντασ ἐκ τῶν ἐρυμάτων καὶ μάχησ ἄρχειν βουλομένουσ. τότε γὰρ δήπου καλὸσ ὁ περὶ τῆσ ἡγεμονίασ ἦν ἀγὼν καὶ τοῦ Ῥωμαίων φρονήματοσ ἄξιοσ. νῦν δ’ ἀναγκαῖοσ ἤδη γίνεται, καὶ οὐδ’, ἂν τὸ κράτιστον λάβῃ τέλοσ, ὁμοίωσ καλόσ.

εὖ δὲ καὶ νῦν ποιεῖτε ὅμωσ ἐπανορθώσασθαι τὴν βραδυτῆτα βουλόμενοι καὶ τὰ παραλειφθέντα ἀναλαβεῖν, καὶ πολλὴ χάρισ ὑμῖν τῆσ ἐπὶ τὰ κράτιστα ὁρμῆσ, εἴ γ’ ὑπ’ ἀρετῆσ γίνεται· κρεῖττον γάρ ἐστιν ὀψὲ ἄρξασθαι τὰ δέοντα πράττειν ἢ μηδέποτε·

εἴτ’ οὖν ἅπαντεσ ὁμοίουσ ἔχετε περὶ τῶν συμφερόντων λογισμούσ, καὶ ἡ προθυμία τῆσ ἐπὶ τὸν ἀγῶνα ὁρμῆσ ἅπαντασ ἡ αὐτὴ κατείληφε. νῦν δὲ φοβούμεθα, μὴ τὰ περὶ τῆσ κληρουχίασ προσκρούσματα τῶν δημοτικῶν πρὸσ τοὺσ ἐν τέλει μεγάλησ αἴτια τῷ κοινῷ γένηται βλάβησ·

ὑποψία τε ἡμᾶσ κατείληφεν, ὡσ ἡ περὶ τῆσ ἐξόδου καταβοὴ καὶ ἀγανάκτησισ οὐκ ἀπὸ τῆσ αὐτῆσ προαιρέσεωσ παρὰ πάντων γίνεται, ἀλλ’ οἱ μὲν ὡσ τιμωρησόμενοι τοὺσ πολεμίουσ προθυμεῖσθε τοῦ χάρακοσ ἐξελθεῖν, οἱ δ’ ὡσ ἀποδρασόμενοι. ἀπιόντασ ἐκ πολεμίασ γῆσ καὶ ταῦτ’ ἐν νυκτί, οὔτε τὴν αἰσχύνη, ὅση καθέξειν αὐτοὺσ ἔμελλεν, ὑπολογισάμενοι, ὅτι παρεχώρουν τοῖσ πολεμίοισ τῆσ ἡγεμονίασ, τὸ γοῦν ἐφ’ ἑαυτοῖσ μέροσ, καὶ ταῦθ’ οἱ νικήσαντεσ τοῖσ κεκρατημένοισ.

τούτουσ δὴ τοὺσ ἄνδρασ ὀρρωδοῦντεσ, ὦ ταξίαρχοί τε καὶ λοχαγοὶ καὶ στρατιῶται, τοὺσ οὔτ’ ἄρχειν δυναμένουσ οὔτ’ ἄρχεσθαι βουλομένουσ πολλοὺσ καὶ αὐθάδεισ ὄντασ καὶ τὰ ὅπλα ἔχοντασ ἐν χερσίν, οὔτε πρότερον ἐβουλόμεθα μάχην συνάπτειν οὔτε νῦν ἔτι θαρσοῦμεν ἐπὶ τοιούτοισ συμμάχοισ τὸν ὑπὲρ τῶν μεγίστων ἀγῶνα ἄρασθαι, μὴ κωλύματα καὶ βλάβαι γένωνται τοῖσ ἅπαντα τὰ καθ’ ἑαυτοὺσ πρόθυμα παρεχομένοισ.

προβαλλομένουσ ἐλπίδασ.

ἔχομεν δὲ πολλὰσ μὲν καὶ ἄλλασ ἀφορμὰσ εἰσ τὸ νικᾶν, μεγίστασ δὲ καὶ κυριωτάτασ, ἃσ τὸ τῶν πολεμίων ἀνόητον ἡμῖν παρέχει, οἵ γε πλήθει στρατιᾶσ μακρῷ προὔχοντεσ ἡμῶν καὶ τούτῳ μόνῳ δυνηθέντεσ ἂν πρὸσ τὰσ ἡμετέρασ τόλμασ τε καὶ ἐμπειρίασ ἀντέχειν ἀπεστερήκασι τῆσ μόνησ ὠφελείασ ἑαυτοὺσ ἀπαναλώσαντεσ τὸ πλεῖον τῆσ δυνάμεωσ μέροσ εἰσ τὰσ τῶν φρουρίων φυλακάσ.

ἔπειτα δέον αὐτοὺσ σὺν εὐλαβείᾳ καὶ λογισμῷ σώφρονι πράττειν ἕκαστα, ἐνθυμουμένουσ, πρὸσ οἱούσ ἄνδρασ ὁ κίνδυνοσ ἔσται, θρασέωσ καὶ ἀπερισκέπτωσ ἐπὶ τὸν ἀγῶνα χωροῦσιν, ὡσ ἄμαχοί τινεσ καὶ ὡσ ἡμῶν καταπεπληγότων αὐτούσ.

αἱ γοῦν ἀποταφρεύσεισ καὶ αἱ μέχρι τοῦ χάρακοσ ἡμῶν καθιππεύσεισ καὶ τὰ πολλὰ ἐν λόγοισ τε καὶ ἔργοισ ὑβρίσματα τοῦτο δύναται. ταῦτά τε δὴ ἐνθυμούμενοι καὶ τῶν προτέρων ἀγώνων μεμνημένοι πολλῶν ὄντων καὶ καλῶν, ἐν οἷσ αὐτοὺσ ἐνικᾶτε, χωρεῖτε μετὰ προθυμίασ καὶ ἐπὶ τόνδε τὸν ἀγῶνα·

καὶ ἐν ᾧ ἂν ὑμῶν ἕκαστοσ χωρίῳ ταχθῇ, τοῦθ’ ὑπολαβέτω καὶ οἶκον εἶναι καὶ κλῆρον καὶ πατρίδα·

καὶ ὅ τε σώζων τὸν παραστάτην ἑαυτῷ πράττειν τὴν σωτηρίαν ὑπολαβέτω, καὶ ὁ ἐγκαταλιπὼν τὸν πέλασ ἑαυτὸν ἡγείσθω τοῖσ πολεμίοισ προδιδόναι. μάλιστα δ’ ἐκεῖνο μεμνῆσθαι προσῆκεν, ὅτι μενόντων μὲν ἀνδρῶν καὶ μαχομένων ὀλίγον τὸ ἀπολλύμενόν ἐστιν, ἐγκλινάντων δὲ καὶ φευγόντων κομιδῇ βραχὺ σωζόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 9

(디오니시오스, Antiquitates Romanae, Books VII-IX, book 9, chapter 9)

상위

목록

SEARCH

MENU NAVIGATION