헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 41)

ἡ δ’ ἐκ πολλοῦ χρόνου διαμένουσα ἐν τῇ πόλει στάσισ, ἣν οἱ δημόται πρὸσ τοὺσ πατρικίουσ ἐστασίαζον, ἀνίστατο πάλιν. ὡσ ἀφαιρησόμενοσ αὐτῶν τὴν ἰσχύν.

ὃσ ἐπειδὴ τάχιστα ἐξεγένετο αὐτῷ λωφήσαντοσ τοῦ δαιμονίου χόλου τὰ πολιτικὰ πράττειν, συναγαγὼν τὸν δῆμον εἰσ ἐκκλησίαν νόμον εἰσφέρει περὶ τῶν δημαρχικῶν ἀρχαιρεσίων, μετάγων αὐτὰ ἐκ τῆσ φρατριακῆσ ψηφοφορίασ, ἣν οἱ Ῥωμαῖοι καλοῦσιν κουριᾶτιν, ἐπὶ τὴν φυλετικήν. τίσ δὲ τούτων διαφορὰ τῶν ἀρχαιρεσίων, ἐγὼ σημανῶ. τὰσ μὲν φρατριακὰσ ψηφοφορίασ ἔδει προβουλευσαμένησ τῆσ βουλῆσ καὶ τοῦ πλήθουσ κατὰ φράτρασ τὰσ ψήφουσ ἐπενέγκαντοσ, καὶ μετ’ ἀμφότερα ταῦτα τῶν παρὰ τοῦ δαιμονίου σημείων τε καὶ οἰωνῶν μηδὲν ἐναντιωθέντων, τότε κυρίασ εἶναι·

τὰσ δὲ φυλετικὰσ μήτε προβουλεύματοσ γενομένου μήτε τῶν ἱερέων τε καὶ οἰωνοσκόπων ἐπιθεσπισάντων, ἐν ἡμέρᾳ μιᾷ τελεσθείσασ ὑπὸ τῶν φυλετῶν τέλοσ ἔχειν.

καὶ ἦσαν ἐκ τῶν λοιπῶν τεττάρων δημάρχων οἱ συνεισφέροντεσ αὐτῷ δύο δήμαρχοι τὸν νόμον· οὓσ προσεταιρισάμενοσ ἐλαττόνων ὄντων τῶν μὴ ταὐτὰ βουλομένων περιῆν. οἱ δ’ ὕπατοι καὶ ἡ βουλὴ καὶ πάντεσ οἱ πατρίκιοι κωλύειν ἐπεχείρουν τὸν νόμον·

ἀφικόμενοί τε κατὰ πλῆθοσ εἰσ τὴν ἀγοράν, ἐν ᾗ προεῖπον οἱ δήμαρχοι κυρώσειν τὸν νόμον ἡμέρᾳ, παντοδαποὺσ διῆλθον λόγουσ, τῶν θ’ ὑπάτων καὶ τῶν πρεσβυτάτων ἐκ τῆσ βουλῆσ καὶ ἄλλου παντόσ, ὅτῳ βουλομένῳ ἦν, τὰσ ἐνούσασ ἐν τῷ νόμῳ διεξιόντοσ ἀτοπίασ. ἀντιλεξάντων δὲ τῶν δημάρχων καὶ αὖθισ τῶν ὑπάτων, καὶ μέχρι πολλοῦ τῆσ ἁψιμαχίασ τῶν λόγων ἐκμηκυνθείσησ, ἐκείνην μὲν τὴν ἐκκλησίαν διέλυσεν εἰσ νύκτα συγκλεισθεὶσ ὁ χρόνοσ. προθέντων δὲ πάλιν τῶν δημάρχων εἰσ τρίτην ἀγορὰν τὴν περὶ τοῦ νόμου διάγνωσιν, καὶ συνελθόντοσ ἔτι πλείονοσ εἰσ αὐτὴν ὄχλου τὸ παραπλήσιον τῷ προτέρῳ συνέβη γενέσθαι πάθοσ.

τοῦτο συνιδὼν ὁ Πόπλιοσ ἔγνω μήτε τοῖσ ὑπάτοισ ἐπιτρέπειν ἔτι τοῦ νόμου κατηγορεῖν μήτε πατρικίουσ ἐᾶν τῇ ψηφοφορίᾳ παρεῖναι·

καθ’ ἑταιρείασ γὰρ ἐκεῖνοι καὶ κατὰ συστροφὰσ ἄμα τοῖσ ἑαυτῶν πελάταισ οὐκ ὀλίγοισ οὖσι πολλὰ μέρη τῆσ ἀγορᾶσ κατεῖχον, ἐπικελεύοντέσ τε τοῖσ κατηγοροῦσι τοῦ νόμου καὶ θορυβοῦντεσ τοὺσ ἀπολογουμένουσ καὶ ἄλλα πολλὰ πράττοντεσ, ἀκοσμίασ τε καὶ βίασ τῆσ ἐν ταῖσ ψήφοισ ἐχομένησ μηνύματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 41

(디오니시오스, Antiquitates Romanae, Books VII-IX, book 9, chapter 41)

상위

목록

SEARCH

MENU NAVIGATION