Dionysius of Halicarnassus, Antiquitates Romanae, Books VII-IX, book 9, chapter 14

(디오니시오스, Antiquitates Romanae, Books VII-IX, book 9, chapter 14)

ἑλομένησ δὲ τῆσ βουλῆσ μεσοβασιλεῖσ τῶν ἀρχαιρεσίων ἕνεκα, καὶ τοῦ δευτέρου μεσοβασιλέωσ συγκαλέσαντοσ εἰσ τὸ πεδίον τοὺσ λόχουσ, ἀποδείκνυται Καίσων Φάβιοσ ὁ τὰ ἀριστεῖα λαβὼν ἐκ τῆσ μάχησ, ἀδελφὸσ δὲ τοῦ τὴν ἀρχὴν ἀποθεμένου, τὸ τρίτον ὕπατοσ καὶ σὺν αὐτῷ Τῖτοσ Οὐεργίνιοσ. οὗτοι διαλαχόντεσ τὰσ δυνάμεισ ἐξῄεσαν εἰσ τὴν ὕπαιθρον· Φάβιοσ μὲν Αἰκανοῖσ πολεμήσων προνομεύουσι τοὺσ Λατίνων ἀγρούσ, Οὐεργίνιοσ δὲ Οὐιεντανοῖσ.

Αἰκανοὶ μὲν οὖν ἐπειδὴ στρατὸν ἐλευσόμενον ἐπ’ αὐτοὺσ ἔγνωσαν, ἀναστάντεσ ἐκ τῆσ πολεμίασ διὰ τάχουσ ἀπῆλθον εἰσ τὰσ ἑαυτῶν πόλεισ· καὶ μετὰ ταῦτα λεηλατουμένησ τῆσ σφετέρασ γῆσ ἠνείχοντο, ὥστε πολλῶν κρατῆσαι χρημάτων τὸν ὕπατον καὶ σωμάτων καὶ τῆσ ἄλλησ λείασ ἐξ ἐφόδου. Οὐιεντανοὶ δὲ κατ’ ἀρχὰσ ἐντὸσ τείχουσ μένοντεσ, ἐπειδὴ καιρὸν ἔχειν ἔδοξαν ἐπιτήδειον, ἐπέθεντο τοῖσ πολεμίοισ ἐσκεδασμένοισ ἀνὰ τὰ πεδία καὶ πρὸσ ἁρπαγὴν τετραμμένοισ τῆσ λείασ.

ἔχοντεσ δὲ πολλὴν καὶ συντεταγμένην δύναμιν ἐμβάλλουσιν εἰσ αὐτούσ, καὶ τήν τε λείαν ἀφαιροῦνται, καὶ τοὺσ ὁμόσε χωροῦντασ, οὓσ μὲν ἀποκτείνουσιν, οὓσ δ’ εἰσ φυγὴν τρέπουσι·

καὶ εἰ μὴ Τῖτοσ Σίκκιοσ πρεσβευτὴσ τότ’ ὢν στίφει συντεταγμένῳ πεζῶν τε καὶ ἱππέων παραβοηθήσασ ἐπέσχεν αὐτούσ, οὐδὲν ἂν τὸ κωλῦσον ἦν ἅπασαν ἀπολέσθαι τὴν στρατιάν. ἐκείνου δ’ ἐμποδὼν γενομένου συνελθεῖν ἔφθασαν οἱ λοιποὶ οἱ καθ’ ἕνα διεσκεδασμένοι· πάντεσ δ’ ἐν ταὐτῷ γενόμενοι λόφον τινὰ καταλαμβάνονται περὶ δείλην ὀψίαν, καὶ τὴν ἐπιοῦσαν νύκτα ἐν τούτῳ ἔμειναν. ἐπαρθέντεσ δὲ Οὐιεντανοὶ τῷ κατορθώματι πλησίον τοῦ λόφου τίθενται τὰ ὅπλα, καὶ τοὺσ ἐκ τῆσ πόλεωσ ἐκάλουν ὡσ κατακεκλεικότεσ τοὺσ Ῥωμαίουσ εἰσ χωρίον, ἔνθα οὐδὲν τῶν ἐπιτηδείων ἔμελλον ἕξειν, καὶ προσαναγκάσοντεσ οὐκ εἰσ μακρὰν παραδοῦναι σφίσι τὰ ὅπλα.

γίνεταί τ’ αὐτῶν συχνοῦ ἐλθόντοσ ὄχλου δύο στρατεύματα περὶ τὰσ ἐπιμάχουσ λαγόνασ τοῦ λόφου, πολλά τ’ ἄλλα φρούρια βραχύτερα κατὰ τοὺσ ἧττον ἐπικαίρουσ τόπουσ·

καὶ πάντα ἦν μεστὰ ὅπλων. ὁ δ’ ἕτεροσ τῶν ὑπάτων Φάβιοσ γραμμάτων παρὰ τοῦ συνάρχοντοσ ἀφικομένων ἐπιγνούσ, ὅτι ἐν ἐσχάτοισ εἰσὶν οἱ κατακλεισθέντεσ ἐν τῷ λόφῳ, καὶ κινδυνεύσουσιν, εἰ μή τισ αὐτοῖσ βοηθήσει, λιμῷ ἁλῶναι, ἀναστήσασ τὸν στρατὸν ἦγεν ἐπὶ τοὺσ Οὐιεντανοὺσ σὺν τάχει·

καὶ εἰ μιᾷ βραδύτερον ἡμέρᾳ διήνυσε τὴν ὁδόν, οὐδὲν ἂν ὤνησεν, ἀλλὰ διεφθαρμένην τὴν ἐκεῖ στρατιὰν κατέλαβε. πιεζόμενοι γὰρ τῇ σπάνει τῶν ἀναγκαίων οἱ κατέχοντεσ τὸν λόφον ἐξῆλθον ὡσ τὸν εὐπρεπέστατον αἱρησόμενοι τῶν θανάτων, καὶ συμβαλόντεσ τοῖσ πολεμίοισ ἐμάχοντο κεκμηκότεσ οἱ πλείουσ τὰ σώματα λιμῷ τε καὶ δίψῃ καὶ ἀγρυπνίᾳ καὶ τῇ ἄλλῃ κακώσει. μετ’ οὐ πολὺ δ’ ὡσ τὸ τοῦ Φαβίου στράτευμα προσιὸν ὤφθη πολύ τε καὶ συντεταγμένον, θάρσοσ μὲν ἔφερε τοῖσ σφετέροισ, δέοσ δὲ τοῖσ πολεμίοισ·

καὶ οἱ Τυρρηνοὶ οὐκέτι ἀξιόμαχοι εἶναι νομίσαντεσ πρὸσ ἀγαθήν τε καὶ ἀκμῆτα δύναμιν εἰσ ἀγῶνα χωρεῖν, ᾤχοντο ἐκλιπόντεσ τοὺσ χάρακασ.

ὡσ δ’ εἰσ ταὐτὸ συνῆλθον αἱ τῶν Ῥωμαίων δυνάμεισ ἀμφότεραι, στρατόπεδόν τε ποιοῦνται μέγα πλησίον τῆσ πόλεωσ ἐν ἐχυρῷ, καὶ πολλὰσ ἡμέρασ αὐτόθι διατρίψαντεσ καὶ τὴν ἀρίστην τῶν Οὐιεντανῶν χώραν λεηλατήσαντεσ ἀπῆγον ἐπ’ οἴκου τὴν στρατιάν. ὡσ δ’ ἔγνωσαν οἱ Οὐιεντανοὶ τὰσ δυνάμεισ τῶν Ῥωμαίων ἀφειμένασ ἀπὸ τῶν σημαιῶν, τὴν εὔζωνον ἀναλαβόντεσ νεότητα, ἥν τ’ αὐτοὶ συντεταγμένην εἶχον καὶ τὴν παρὰ τῶν πλησιοχώρων παροῦσαν, ἐμβάλλουσιν εἰσ τὰ προσκείμενα τῇ σφετέρᾳ χώρᾳ πεδία, καὶ διαρπάζουσι καρπῶν τε καὶ βοσκημάτων καὶ ἀνθρώπων ὄντα μεστά.

σφετέρᾳ στρατιᾷ προκαθημένῃ καὶ οὐ φθάσαντεσ ἀπελθούσησ ἀνασκευάσασθαι πάλιν, οὐκ ἐλπίσαντεσ τοσαῦτα κεκακωμένουσ τοὺσ Οὐιεντανοὺσ ταχεῖαν οὕτωσ ἀντεπιχείρησιν κατὰ τοῦ ἀντιπάλου ποιήσεσθαι.

αὕτη χρόνου μὲν μήκει βραχεῖα ἐγένετο ἡ τῶν Οὐιεντανῶν εἰσ τὴν Ῥωμαίων γῆν ἐμβολή, πλήθει δὲ χώρασ, ἣν ἐπῆλθον, ἐν τοῖσ πάνυ μεγάλη, καὶ ἀχθηδόνα σὺν αἰσχύνῃ Ῥωμαίοισ ἀήθη παρέσχεν ἄχρι Τιβέριόσ τε ποταμοῦ καὶ ὄρουσ Ιἀνίκλου στάδια τῆσ Ῥώμησ οὐδ’ εἴκοσιν ἀφεστῶτοσ ἀφικομένη.

κωλύσουσα γὰρ δύναμισ ἐπὶ πλεῖον χωρεῖν τὰ πολέμια οὐκ ἦν ὑπὸ σημαίαισ. πρὶν ἢ συνελθεῖν τε καὶ λοχισθῆναι τοὺσ Ῥωμαίουσ ἀπελθόν.

일치하는 문장이 없습니다.

SEARCH

MENU NAVIGATION