헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 56)

ἐν δὲ τῷ μετὰ τούτουσ τοὺσ ὑπάτουσ ἔτει, κατὰ τὴν ἑβδομηκοστὴν καὶ ὀγδόην ὀλυμπιάδα, ἣν ἐνίκα στάδιον Παρμενίδησ Ποσειδωνιάτησ Ἀθήνῃσι τὴν ἐνιαύσιον ἀρχὴν ἔχοντοσ Θεαγενίδου, κατεστάθησαν ὕπατοι Ῥωμαίων Αὖλοσ Οὐεργίνιοσ Καιλιμοντανὸσ καὶ Τῖτοσ Νομίκιοσ Πρίσκοσ. ἄρτι δ’ αὐτῶν τὴν ἀρχὴν παρειληφότων ἀγγέλλεται στρατιὰ Οὐολούσκων πολλὴ παροῦσα. καὶ μετ’ οὐ πολὺ τῶν περιπολίων τι τῶν Ῥωμαϊκῶν ἐξ ἐφόδου καταληφθὲν ἐκαίετο· ἦν δ’ οὐ διὰ μακροῦ τῆσ Ῥώμησ, καὶ ὁ καπνὸσ ἤγγελλε τοῖσ ἐν τῇ πόλει τὸ πάθοσ. τότε μὲν οὖν ‐ καὶ γὰρ ἦν ἔτι νύξ ‐ ἱππεῖσ τινασ ἀποστείλαντεσ ἐπὶ κατασκοπὴν οἱ ὕπατοι καὶ φυλακὰσ καταστήσαντεσ ἐπὶ τοῖσ τείχεσι καὶ αὐτοὶ ταξάμενοι τρὸ τῶν πυλῶν σὺν τοῖσ εὐζωνοτάτοισ, ἐξεδέχοντο τὰσ παρὰ τῶν ἱππέων ἀγγελίασ·

ὡσ δ’ ἡμέρα τ’ ἐγένετο, καὶ συνήθροιστο αὐτοῖσ ἡ ἐν τῇ πόλει δύναμισ, ἦγον ἐπὶ τοὺσ πολεμίουσ.

οἱ δὲ διαρπάσαντεσ καὶ κατακαύσαντεσ τὸ φρούριον ἀπῄεσαν διὰ τάχουσ. τότε μὲν οὖν οἱ ὕπατοι σβέσαντεσ τὰ ἔτι καιόμενα καὶ τοῦ χωρίου φυλακὴν καταλιπόντεσ ἀπῄεσαν εἰσ τὴν πόλιν·

ὀλίγαισ δ’ ὕστερον ἡμέραισ τάσ τ’ οἰκείασ ἔχοντεσ δυνάμεισ καὶ τὰσ παρὰ τῶν συμμάχων ἐξῄεσαν ἀμφότεροι, Οὐεργίνιοσ μὲν ἐπὶ τὴν Αἰκανῶν, Νομίκιοσ δ’ ἐπὶ τὴν Οὐολούσκων· καὶ αὐτοῖσ ἀμφοτέροισ κατὰ γνώμην τὰ τοῦ πολέμου ἐχώρησεν. Οὐεργινίῳ τε γὰρ Αἰκανοὶ δῃοῦντι τὴν χώραν αὐτῶν οὐκ ἐτόλμησαν εἰσ χεῖρασ ἐλθεῖν, ἀλλὰ καὶ λόχον τινὰ ὑποκαθίσαντεσ ἐν ὕλαισ ἐπιλέκτων ἀνδρῶν, οἳ ἔμελλον ἐσκεδασμένοισ ἐπιθήσεσθαι τοῖσ πολεμίοισ, διήμαρτον τῆσ ἐλπίδοσ ταχείασ γενομένησ τοῖσ Ῥωμαίοισ αἰσθήσεωσ καὶ μάχησ καρτερᾶσ, ἐξ ἧσ πολλοὺσ τῶν σφετέρων οἱ Αἰκανοὶ ἀπέβαλον·

ὥστ’ οὐδ’ εἰσ πεῖραν ἑτέρασ μάχησ ἔτ’ ἤρχοντο.

Νομικίῳ τ’ ἄγοντι τὴν στρατιὰν ἐπὶ τὴν Ἀντιατῶν πόλιν, ἣ ἐν ταῖσ πρώταισ τότε τῶν Οὐολούσκων πόλεσιν ἦν, οὐδεμία ἠναντιώθη δύναμισ, ἀλλ’ ἀπὸ τῶν τειχῶν ἀναγκάζοντο ἕκαστοι ἀμύνεσθαι.

ἐν δὲ τούτῳ ἥ τε γῆ αὐτῶν ἡ πολλὴ ἐτμήθη, καὶ πολίχνη τισ ἐπιθαλάττιοσ ἑάλω, ᾗ ἐπινείῳ τε καὶ ἀγορᾷ τῶν εἰσ τὸν βίον ἀναγκαίων ἐχρῶντο, ἐκ θαλάττησ τε καὶ διὰ λῃστηρίων τὰσ πολλὰσ ἐπαγόμενοι ὠφελείασ. ἀνδράποδα μὲν οὖν καὶ χρήματα καὶ βοσκήματα καὶ τοὺσ ἐμπορικοὺσ φόρτουσ ἡ στρατιὰ συγχωρήσει τοῦ ὑπάτου διήρπασε, τὰ δ’ ἐλεύθερα σώματα, ὁπόσα μὴ ὁ πόλεμοσ ἔφθη διειργασμένοσ, ἐπὶ τὸ λαφυροπώλιον ἀπήχθη. ἐλήφθησαν δὲ καὶ νῆεσ τῶν Ἀντιατῶν εἴκοσι καὶ δύο μακραὶ καὶ ἄλλα νεῶν ὅπλα τε καὶ παρασκευαί. μετὰ ταῦτα κελεύσαντοσ τοῦ ὑπάτου τάσ τ’ οἰκίασ ἐνεπίμπρασαν οἱ Ῥωμαῖοι καὶ τοὺσ νεωσοίκουσ κατέσκαπτον καὶ τὸ τεῖχοσ ἤρειπον ἐκ θεμελίων·

ὥστε μηδ’ ἀπελθόντων σφῶν χρηστὸν ἔτι τοῖσ Ἀντιάταισ εἶναι τὸ φρούριον.

ταῦτά τε δὴ ἐπράχθη χωρὶσ ἑκατέρῳ τῶν ὑπάτων, καὶ ἀμφοτέροισ ἔτι καινὴ στρατεία τοῖσ ἀνδράσιν ἐπὶ τὴν Σαβίνων γῆν, ἣν δῃώσαντεσ ἀπῆγον ἐπ’ οἴκου τὴν δύναμιν, καὶ ὁ ἐνιαυτὸσ οὗτοσ ἐτελεύτα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 56

(디오니시오스, Antiquitates Romanae, Books VII-IX, book 9, chapter 56)

상위

목록

SEARCH

MENU NAVIGATION