헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 30)

καὶ οὐκ ἐμοὶ ταῦτα πρώτῳ πολεμίοισ ὁμόσε χωρήσαντι συνέβη παθεῖν, ἅπασι δ’ ὡσ εἰπεῖν, ὅσοι μάχασ παρακεκινδυνευμένασ σὺν ἐλάττοσι ταῖσ σφετέραισ δυνάμεσι πρὸσ μείζονασ τὰσ τῶν ἐχθρῶν ἐποιήσαντο. ἐδίωξαν γὰρ ἤδη τινὲσ ἐχθροὺσ καὶ αὐτοὶ ἔφυγον καὶ ἀπέκτεινάν τε τῶν ἐναντίων πολλοὺσ καὶ ἀπώλεσαν ἔτι πλείουσ τῶν σφετέρων. ἐῶ γὰρ λέγειν, ὅτι πολλοὶ καὶ τὸ παράπαν ἡττηθέντεσ σὺν αἰσχύνῃ τε καὶ βλάβῃ μεγάλῃ ἀνέστρεψαν, ὧν οὐδεὶσ τῆσ τύχησ δέδωκε δίκασ·

ἱκανὴ γὰρ ἡ συμφορά, καὶ τὸ μηδενὸσ ἐπαίνου τυχεῖν, εἰ καὶ μηδὲν ἄλλο, μεγάλη τοῖσ ἡγεμόσι καὶ χαλεπὴ ζημία. ἐγὼ μόνοσ οὐ παραιτοῦμαι, ἀλλὰ συγχωρῶ τὴν τύχην ἐξετάζεσθαι τὴν ἐμὴν οὐχ ἧττον τῆσ γνώμησ, ἐκεῖνο προειπών·

ἐγὼ τὰσ ἀνθρωπίνασ πράξεισ τάσ τε δυστυχεῖσ καὶ τὰσ εὐτυχεῖσ οὐκ ἐκ τῶν κατὰ μέροσ ἔργων πολλῶν ὄντων καὶ ποικίλων ὁρῶ κρινομένασ, ἀλλ’ ἐκ τοῦ τέλουσ·

καὶ ὅταν μὲν τοῦτο χωρήσῃ κατὰ νοῦν, κἂν τὰ μεταξὺ πολλὰ ὄντα μὴ καθ’ ἡδονὰσ γένηται, οὐδὲν ἧττον ἐπαινουμένασ ὑπὸ πάντων ἀκούω καὶ ζηλουμένασ καὶ τῆσ ἀγαθῆσ νομιζομένασ τύχησ· ὅταν δὲ πονηρὰσ λάβωσι τελευτάσ, καὶ ἐὰν ἅπαντα τὰ πρὸ τοῦ τέλουσ ἐκ τοῦ ῥᾴστου γένηται, οὐ τῇ σπουδαίᾳ τύχῃ τῶν πραξάντων ἀποδιδομένασ, ἀλλὰ τῇ κακῇ. τοῦτον δὴ τὸν σκοπὸν προιδόντεσ αὐτοὶ ἐξετάζετε καὶ τὴν ἐμὴν τύχην, ᾗ παρὰ τοὺσ πολέμουσ κέχρημαι. καὶ ἐὰν μὲν εὑρ́ητε ἡττημένον με ὑπὸ τῶν πολεμίων, πονηρὰν καλεῖτέ μου τὴν τύχην, ἐὰν δὲ κεκρατηκότα τῶν ἐχθρῶν, ἀγαθήν·

περὶ μὲν οὖν τῆσ τύχησ, οὐκ ἀγνοῶν, ὅτι φορτικοὶ πάντεσ εἰσὶν οἱ περὶ αὐτῆσ λέγοντεσ, ἔχων ἔτι πλείω λέγειν παύσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 30

(디오니시오스, Antiquitates Romanae, Books VII-IX, book 9, chapter 30)

상위

목록

SEARCH

MENU NAVIGATION