헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 27)

καταλυθέντων δὲ τῶν ὑπαιθρίων πολέμων ἡ πολιτικὴ στάσισ αὖθισ ἀνεκαίετο τῶν δημάρχων πάλιν ταραττόντων τὸ πλῆθοσ, καὶ τὰ μὲν ἄλλα πολιτεύματα διεσκέδασαν αὐτῶν ἀντιταττόμενοι πρὸσ ἕκαστον οἱ πατρίκιοι, τὴν δὲ κατὰ Μενηνίου δίκην τοῦ νεωστὶ ὑπατεύσαντοσ καίτοι πολλὰ πραγματευθέντεσ ἀδύνατοι ἐγένοντο διαλῦσαι· Ἀγρίππα Μενηνίου τοῦ καταγαγόντοσ ἐκ τῆσ φυγῆσ τὸν δῆμον καὶ διαλλάξαντοσ πρὸσ τοὺσ πατρικίουσ, ὃν ἀποθανόντα ἡ βουλὴ ἐκ τῶν δημοσίων χρημάτων λαμπροτάταισ ἐκόσμησε ταφαῖσ, αἱ δὲ γυναῖκεσ αἱ Ῥωμαίων ἐνιαύσιον ἐπένθησαν χρόνον πορφύραν καὶ χρυσὸν ἀποθέμεναι.

οὐ μέντοι θανάτου γ’ αὐτὸν οἱ καταδικασάμενοι ἐτίμησαν, ἀλλ’ ἐκτίσματοσ, ὃ πρὸσ μὲν τοὺσ νῦν ἐξεταζόμενον βίουσ γέλωτοσ ἂν ἄξιον φανείη, τοῖσ δὲ τότ’ ἀνθρώποισ αὐτουργοῖσ οὖσι καὶ πρὸσ αὐτὰ τὰ ἀναγκαῖα ζῶσι, μάλιστα δ’ ἐκείνῳ τῷ ἀνδρὶ πενίαν κληρονομήσαντι παρὰ τοῦ πατρὸσ ἀφειδὲσ ἦν καὶ βαρύ, δισχιλίων ἀριθμὸσ ἀσσαρίων.

ἦν δ’ ἀσσάριον τότε χάλκεον νόμισμα βάροσ λιτριαῖον, ὥστε τὸ σύμπαν ὄφλημα ταλάντων ἑκκαίδεκα εἰσ ὁλκὴν χαλκοῦ γενέσθαι. καὶ τοῦτ’ ἐπίφθονον ἐφάνη τοῖσ τότ’ ἀνθρώποισ, καὶ ἐπανορθώσασθαι βουλόμενοι αὐτὸ τὰσ μὲν χρηματικὰσ ἔπαυσαν ζημίασ, μετήνεγκαν δ’ εἰσ προβάτων ἐκτίσματα καὶ βοῶν, τάξαντεσ καὶ τούτων ἀριθμὸν ταῖσ ὕστερον ἐσομέναισ ὑπὸ τῶν ἀρχόντων τοῖσ ἰδιώταισ ἐπιβολαῖσ.

ἐκ δὲ τῆσ Μενηνίου καταδίκησ ἀφορμὴν αὖθισ εἰλήφεσαν οἱ πατρίκιοι τῆσ πρὸσ τὸ δημοτικὸν ὀργῆσ καὶ οὔτε τὴν κληρουχίαν ἐπέτρεπον ἔτι αὐτῷ ποιεῖσθαι, οὔτ’ ἄλλο ἐβούλοντο ἐνδιδόναι μαλακὸν οὐδέν. μετ’ οὐ πολὺ δὲ καὶ τῷ δήμῳ μετέμελε τῶν δεδικασμένων, ἐπειδὴ τὴν τελευτὴν τοῦ ἀνδρὸσ ἐπύθετο· οὐδὲ γὰρ εἰσ ἀνθρώπων ἔτι συνῆλθεν ὁμιλίασ, οὐδ’ ἐν δημοσίῳ τινὶ πρὸσ οὐδενὸσ ὤφθη τόπῳ, ἐξόν τ’ αὐτῷ τὴν ζημίαν ἐκτίσαντι μηδενὸσ ἀπελαύνεσθαι τῶν καινῶν ‐ ἕτοιμοι γὰρ ἦσαν οὐκ ὀλίγοι τῶν ἐπιτηδείων αὐτοῦ τὴν καταδίκην ἀπαριθμεῖν ‐ οὐκ ἠξίωσεν, ἀλλὰ θανάτου τὴν συμφορὰν τιμησάμενοσ οἴκοι μένων καὶ οὐδένα προσιέμενοσ ὑπό τ’ ἀθυμίασ καὶ σίτων ἀποχῆσ μαρανθεὶσ ἀπέστη τοῦ βίου.

καὶ τὰ μὲν ἐν τούτῳ πραχθέντα τῷ ἐνιαυτῷ τοιάδε ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 27

(디오니시오스, Antiquitates Romanae, Books VII-IX, book 9, chapter 27)

상위

목록

SEARCH

MENU NAVIGATION