호흡부호 보기
강세부호 보기
장단부호 보기
작은 Iota 보기
모든 부호 보기
εἰ τούτουσ τε καὶ τοὺσ τούτοισ πλησιοχώρουσ καταστρεψόμεθα, οἳ Πέλοποσ τοῦ Φρυγὸσ νέμονται χώραν, γῆν τὴν Περσίδα ἀποδείξομεν τῷ Διὸσ αἰθέρι ὅμορον οὖσαν. οὐ γὰρ δὴ χώραν γε οὐδεμίαν κατόψεται ὁ ἥλιοσ ὅμορον οὖσαν τῇ ἡμετέρᾳ, ἀλλ’ αὐτὰσ ἁπάσασ ἐγὼ ἅμα ὑμῖν μίαν χώραν θήσω, διὰ πάσησ ἐξελθὼν τῆσ Εὐρώπησ. πυνθάνομαι γὰρ ὧδε ἔχειν· οὔτε τινὰ πόλιν αὐτῶν οὐδεμίαν οὔτε ἔθνοσ ἀνθρώπων οὐδὲν ὑπολείπεσθαι ἡμῖν, ὃ οἱο͂́ν τε ἔσται ἐλθεῖν εἰσ μάχην, τούτων, ὧν ἔλεξα, ὑπεξῃρημένων. οὕτωσ οἵ τε ἡμῖν αἴτιοι ἕξουσι δούλιον ζυγὸν οἵ τε ἀναίτιοι. ὑμεῖσ δ’ ἄν μοι τάδε ποιοῦντεσ χαρίζοισθε· ἐπειδὰν ὑμῖν σημήνω τὸν χρόνον, εἰσ ὃν ἡμῖν ἥκειν δοκεῖ, προθύμωσ ὑμᾶσ ἅπαντασ δεῖ παρεῖναι. ὃσ δ’ ἂν ἔλθῃ ἔχων κατεσκευασμένον στρατὸν κάλλιστα, δώσω αὐτῷ δωρεάν, ἣ δὴ τιμιωτάτη νομίζεται ἐν ἡμετέρου.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기