Ancient Greek Text

Plutarch, De Iside et Osiride, section 18

(플루타르코스, De Iside et Osiride, section 18)

τῆσ δ’ Ἴσιδοσ πρὸσ τὸν υἱὸν Ὧρον ἐν Βούτῳ τρεφόμενον πορευθείσησ, τὸ δ’ ἀγγεῖον ἐκποδὼν ἀποθεμένησ Τυφῶνα κυνηγετοῦντα νύκτωρ πρὸσ τὴν σελήνην ἐντυχεῖν αὐτῷ, καὶ τὸ σῶμα γνωρίσαντα διελεῖν εἰσ τεσσαρεσκαίδεκα μέρη καὶ διαρρῖψαι· τὴν δ’ Ἶσιν πυθομένην ἀναζητεῖν ἐν βάριδι παπυρίνῃ τὰ ἕλη διεκπλέουσαν ὅθεν οὐκ ἀδικεῖσθαι τοὺσ ἐν παπυρίνοισ σκάφεσι πλέοντασ ὑπὸ τῶν κροκοδείλων, ἢ φοβουμένων ἢ σεβομένων νὴ διὰ τὴν θεόν.

ἐκ τούτου δὲ καὶ πολλοὺσ; τάφουσ Ὀσίριδοσ ἐν Αἰγύπτῳ λέγεσθαι διὰ τὸ προστυγχάνουσαν ἑκάστῳ μέρει ταφὰσ ποιεῖν.

διδοῦσαν ὅπωσ παρὰ πλείοσιν ἔχῃ τιμάσ, κἂν ὁ Τυφὼν ἐπικρατήσῃ τοῦ Ὥρου, τὸν ἀληθινὸν τάφον ζητῶν, πολλῶν λεγομένων καὶ δεικνυμένων ἀπαγορεύσῃ.

μόνον δὲ τῶν μερῶν τοῦ Ὀσίριδοσ τὴν Ἶσιν οὐχ εὑρεῖν τὸ αἰδοῖον· εὐθὺσ γὰρ εἰσ τὸν ποταμὸν ῥιφῆναι καὶ γεύσασθαι τόν τε λεπιδωτὸν αὐτοῦ καὶ τὸν φάγρον καὶ τὸν ὀξύρυγχον, οὓσ μάλιστα τῶν ἰχθύων ἀφοσιοῦσθαι·

τὴν δ’ Ἶσιν ἀντ’ ἐκείνου μίμημα ποιησαμένην καθιερῶσαι τὸν φαλλόν, ᾧ καὶ νῦν ἑορτάζειν τοὺσ Αἰγυπτίουσ.