헬라어 문장 검색 - Διονψσ́ΔεΔεμοσ́57́

(디오니시오스, De Demosthene, chapter 58)

Φιλίππῳ δ’ ἐξέσται καὶ πράττειν καὶ ποιεῖν, ὅ τι βούλεται καὶ τὸν Μειδίαν τοῦτον οὐκ εἰδώσ, ὅστισ ποτ’ ἐστίν, οὐδὲ γιγνώσκων καὶ τῆσ ἀδελφῆσ ἐναντίον κόρησ ἔτι καὶ παιδὸσ οὔσησ καὶ πάντα τὰ τοιαῦτα. ὅσοι μὲν οὖν ἰδίωμα τοῦ χαρακτῆροσ αὐτὸ ἀποφαίνουσι τοῦ Δημοσθένουσ, ὀρθῶσ λέγουσι· κέχρηται γὰρ αὐτῷ χρησίμωσ ὁ ἀνήρ, ὥσπερ καὶ τῇ τμητικῇ βραχυλογίᾳ πάντων γε μᾶλλον καὶ εὐκαιρότερον. ὅσοι δ’ ἐν ἁμαρτήματοσ αὐτὸ μοίρᾳ φέρουσι, τὰσ αἰτίασ οὐκ ἐξητακότεσ, δι’ ἃσ εἰώθει πλεονάζειν ἐνίοτε ἐν τοῖσ ὀνόμασιν, οὐ δεόντωσ αὐτοῦ κατηγοροῦσιν, ἀλλ’ ἐοίκασιν οἱ τοῦτο συκοφαντοῦντεσ τὴν βραχυλογίαν ἐκ παντὸσ ἀπαιτεῖν, ἥν, ὅπερ εἶπον, παντὸσ μᾶλλον καὶ εὐκαιρότερον παρέχεται, τῶν δὲ ἄλλων ἀρετῶν οὐδεμίαν, οὐκέτι συνορῶντεσ ὅτι καὶ τῆσ σαφηνείασ δεῖ στοχάζεσθαι τὸν ῥήτορα καὶ τῆσ ἐναργείασ καὶ τῆσ αὐξήσεωσ καὶ τῆσ περὶ τὴν σύνθεσιν τῶν ὀνομάτων εὐρυθμίασ, ὑπὲρ ἅπαντα δὲ ταῦτα τοῦ παθητικήν τε καὶ ἠθικὴν καὶ ἐναγώνιον ποιεῖν τὴν λέξιν, ἐν οἷσ ἐστιν ἡ πλείστη τοῦ πιθανοῦ μοῖρα. τούτων δὲ τῶν ἀρετῶν ἑκάστην οὐχ ἡ βραχυλογία κράτιστα δύναται ποιεῖν, ἀλλὰ καὶ ὁ πλεονασμὸσ ἐνίων ὀνομάτων, ᾧ καὶ ὁ Δημοσθένησ κέχρηται. ἔφερον δ’ ἄν σοι παραδείγματα τῶν εἰρημένων, εἰ μὴ κοπώδησ ἔμελλον φανήσεσθαι πρὸσ σὲ δῆτα λέγων. ταῦτα, ὦ κράτιστε Ἀμμαῖε, γράφειν εἴχομέν σοι περὶ τῆσ Δημοσθένουσ λέξεωσ. ἐὰν δὲ σῴζῃ τὸ δαιμόνιον ἡμᾶσ, καὶ περὶ τῆσ πραγματικῆσ αὐτοῦ δεινότητοσ, ἔτι μείζονοσ ἢ τοῦδε καὶ θαυμαστοτέρου θεωρήματοσ, ἐν τοῖσ ἑξῆσ γραφησομένοισ ἀποδώσομέν σοι τὸν λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 58

(디오니시오스, De Demosthene, chapter 58)

상위

목록

SEARCH

MENU NAVIGATION