헬라어 문장 검색 - Διονψσ́ΔεΔεμοσ́50́

(디오니시오스, De Demosthene, chapter 51)

ταυτί μοι δοκεῖ μηνύματα τῆσ συνθέσεωσ εἶναι τῆσ Δημοσθένουσ ἀνυφαίρετα καὶ χαρακτηρικά, ἐξ ὧν ἄν τισ αὐτὴν διαγνοίη πᾶσαν, ἐξετάζειν βουληθείσ. εἰ δέ τισ ὑποτεύξεται πρὸσ ταῦτα θαυμάζειν λέγων, εἰ καὶ κακοδαίμων οὕτωσ ἦν ὁ τηλικοῦτοσ ἀνήρ, ὥσθ’ ὅτε γράφοι τοὺσ λόγουσ, ἄνω καὶ κάτω στρέφειν τὰ μόρια τῆσ λέξεωσ καὶ τὰ ἐκ τούτων συντιθέμενα κῶλα, ἐμμελείασ τε καὶ ῥυθμοὺσ καὶ μέτρα, μουσικῆσ οἰκεῖα θεωρίασ πράγματα καὶ ποιητικῆσ, εἰσ τὴν πολιτικὴν ἐναρμόττων φράσιν, ᾗ τούτων οὐδενὸσ μέτεστιν, πρῶτον μὲν ἐκεῖνο ἐνθυμηθήτω, ὅτι ὁ τοσαύτησ δόξησ ἠξιωμένοσ ἀνὴρ ἐπὶ λόγοισ, ὅσησ οὐδεὶσ τῶν πρότερον, αἰώνια συνταττόμενοσ ἔργα καὶ τῷ πάντα βασανίζοντι χρόνῳ παραδιδούσ, οὐδὲν ἐκ τοῦ ἐπιτυχόντοσ ἔγραφεν. ἀλλ’ ὥσπερ τῆσ ἐν τοῖσ νοήμασιν οἰκονομίασ πολλὴν ἐποιεῖτο δόσιν, οὕτω καὶ τῆσ ἐν τοῖσ ὀνόμασιν ἁρμονίασ, ὁρῶν γε δὴ τούτουσ τοὺσ θαυμαζομένουσ ἐπὶ σοφίᾳ καὶ κρατίστων λόγων ποιητὰσ νομιζομένουσ Ἰσοκράτην καὶ Πλάτωνα γλυπτοῖσ καὶ τορευτοῖσ ἐοικότασ ἐκφέροντασ λόγουσ, ἐνθυμούμενοσ δ’, ὅτι τοῦ λέγειν εὖ διττὴ ἡ διαίρεσίσ ἐστιν, εἴσ τε τὸν πραγματικὸν τόπον καὶ εἰσ τὸν λεκτικόν, καὶ τούτων πάλιν ἀμφοτέρων εἰσ τὰσ ἴσασ διαιρεθέντων τομάσ, τοῦ πραγματικοῦ μὲν εἴσ τε τὴν παρασκευήν, ἣν οἱ παλαιοὶ καλοῦσιν εὑρ́εσιν, καὶ εἰσ τὴν χρῆσιν τῶν παρεσκευασμένων, ἣν προσαγορεύουσιν οἰκονομίαν, τοῦ λεκτικοῦ δὲ εἴσ τε τὴν ἐκλογὴν τῶν ὀνομάτων καὶ εἰσ τὴν σύνθεσιν τῶν ἐκλεγέντων, ἐν ἑκατέρῳ τούτων πλείω μοῖραν ἔχει τὰ δεύτερα τῶν προτέρων· τὸ μὲν οἰκονομικὸν ἐν τᾷ πραγματικῷ, τὸ δὲ συνθετικὸν ἐν τῷ λεκτικῷ.

περὶ ὧν οὐ καιρὸσ ἐν τῷ παρόντι μηκύνειν. ταῦτα γὰρ ἐννοηθείη ἄν, εἴ τισ μὴ κομιδῇ σκαιὸσ ἤ δύσερισ, καὶ οὐκ ἂν θαυμάσειεν, εἰ φροντὶσ ἐγένετο Δημοσθένει μελῶν καὶ ῥυθμῶν καὶ σχημάτων, καὶ τῶν ἄλλων πάντων, οἷσ ἡδεῖα καὶ καλὴ γίνεται σύνθεσισ. τῶν λόγων ἢ φαύλην τινά, βουλόμενον μνημεῖα τῆσ ἑαυτοῦ διανοίασ ἀθάνατα καταλιπεῖν.

οὐ γὰρ δή τοι πλάσται μὲν καὶ γραφεῖσ ἐν ὕλῃ φθαρτῇ χειρῶν εὐστοχίασ ἐνδεικνύμενοι τοσούτουσ εἰσφέρονται πόνουσ, ὥστε καὶ φλέβια καὶ πτίλα καὶ χνοῦσ καὶ τὰ τούτοισ ὅμοια εἰσ ἄκρον ἐξεργάζεσθαι καὶ κατατήκειν εἰσ ταῦτα τὰσ τέχνασ, πολιτικὸσ δ’ ἄρα δημιουργόσ, πάντασ ὑπεράρασ τοὺσ καθ’ αὑτὸν φύσει τε καὶ πόνῳ, τῶν ἐλαχίστων τινὸσ εἰσ τὸ εὖ λέγειν, εἰ δὴ καὶ ταῦτα ἐλάχιστα, ὠλιγώρησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 51

(디오니시오스, De Demosthene, chapter 51)

상위

목록

SEARCH

MENU NAVIGATION