호흡부호 보기
강세부호 보기
장단부호 보기
작은 Iota 보기
모든 부호 보기
ἆρά γε ἀπαιτήσει μέ τισ ἐνταυθοῖ λόγον μελῶν τε καὶ ῥυθμῶν καὶ τῶν ἐν ταῖσ μεταβολαῖσ σχημάτων καὶ τοῦ ἐν ἑκάστῳ πρέποντοσ, ἀξιῶν ἀκοῦσαι, τίνα τε αὐτῶν ἐστιν, οἷσ ἡ φιλάρχαιοσ ἁρμονία κοσμεῖται, καὶ τίνα τῆσ κωτίλησ γένοιτ’ ἂν ἁρμονίασ; ἢ οἰκειοτέραν τὴν ἐκ παιδὸσ ἐπιφερόμενοσ εὐμουσίαν, ἣν ἔκ τε μουσικῆσ καὶ γραμματικῆσ ἔσχηκεν, αἳ ταῦτ’ ἔχουσι τὰ θεωρήματα, ἐπιλαβόντα τὸ χρονίζειν ἐν τοῖσ κοινοῖσ καὶ γνωρίμοισ τὸν λόγον οὐ συκοφαντήσει, ἄλλωσ τε καὶ τοῦ καιροῦ τὰ μέτρα ὁρῶν; οἰόμαι μὲν οὖν, ὡσ καὶ δόξαν ἐπιεικῆ περὶ τῶν ἄλλων ἔχω, ἀρξάμενοσ ἀπὸ σοῦ, φίλτατε Ἀμμαῖε, καὶ ἐκ τῆσ εὐμουσίασ τῆσ σῆσ λαμβάνων. εἰ δέ τισ ἀπαιτήσει καὶ ταῦτ’ ἔτι μαθεῖν ὅπῃ ποτ’ ἔχει, τοὺσ ὑπομνηματισμοὺσ ἡμῶν λαβών, οὓσ περὶ τῆσ συνθέσεωσ τῶν ὀνομάτων πεπραγματεύμεθα, πάντα ὅσα ποθεῖ τῶν ἐνθάδε παραλειπομένων εἴσεται. ἐγὼ δὲ τῇδέ πῃ περιγράψασ τὸν ὑπὲρ τούτων λόγον ἐπὶ τὸ περιλειπόμενον ἐλεύσομαι μέροσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기