Dionysius of Halicarnassus, De Demosthene, chapter 41 3:

(디오니시오스, De Demosthene, chapter 41 3:)

διὰ δὴ ταῦτα νῦν ὑμᾶσ ἐγὼ συνέλεξα, ἵνα, ἅ διανοοῦμαι πράττειν, ὑποθῶ ὑμῖν· μέλλω ζεύξασ τὸν Ἑλλήσποντον ἐλαύνειν στρατὸν διὰ τῆσ Εὐρώπησ ἐπὶ τὴν Ἑλλάδα, ἵνα Ἀθηναίουσ τιμωρήσωμαι, ὅσα δὴ πεποιήκασι Πέρσασ τε καὶ πατέρα τὸν ἐμόν. ὁρᾶτε μὲν δὴ καὶ Δαρεῖον προθυμούμενον στρατεύεσθαι ἐπὶ τοὺσ ἄνδρασ τούτουσ, ἀλλ’ ὃ μὲν τετελεύτηκε, καὶ οὐκ ἐξεγένετ’ αὐτῷ τιμωρήσασθαι, ἐγὼ δ’ ὑπέρ τ’ ἐκείνου καὶ τῶν ἄλλων Περσῶν οὐ πρότερον παύσομαι, πρὶν ἕλω τε καὶ πυρώσω τὰσ Αθήνασ. οἵ γε ἐμέ τε καὶ πατέρα τὸν ἐμὸν ὑπῆρξαν ἄδικα ποιοῦντεσ· πρῶτα μὲν εἰσ Σάρδεισ ἐλθόντεσ ἅμα Ἀρισταγόρᾳ τῷ Μιλησίῳ, δούλῳ δὲ ἡμετέρῳ, ἐνέπρησαν τά τε ἄλση καὶ τὰ ἱερά. δεύτερα δὲ ἡμᾶσ οἱᾶ ἔδρασαν εἰσ τὴν γῆν τὴν σφετέραν ἀποβάντασ, ὅτε Δᾶτίσ τε καὶ Ἀρταφέρνησ ἐστρατήγουν, ἐπίστασθέ που πάντεσ. τούτων μέντοι ἕνεκα ἀνώρμημαι ἐπ’ αὐτοὺσ στρατεύεσθαι, ἀγαθὰ δ’ ἐν αὐτοῖσ τοσάδε ἀνευρίσκω λογιζόμενοσ·

일치하는 문장이 없습니다.

SEARCH

MENU NAVIGATION