Dionysius of Halicarnassus, De Demosthene, chapter 40 2:

(디오니시오스, De Demosthene, chapter 40 2:)

εξομένασ, ἵνα μὴ συναπτόμεναι πρὸσ ἀλλήλασ αἱ καταλήγουσαί τε εἰσ τραχὺ γράμμα καὶ αἱ τὴν ἀρχὴν ἀπό τινοσ τοιούτου λαμβάνουσαι σπαδονισμοὺσ τῶν ἤχων ποιῶσι καὶ ἀντιτυπίασ, τῇ δὲ παρεμπιπτούσῃ λέξει προσαναπαυόμεναι μαλακοὺσ φαίνεσθαι ποιῶσι τοὺσ ἤχουσ καὶ συνεχεῖσ. τὸ γὰρ ὅλον ἐστὶν αὐτῆσ βούλημα καὶ ἡ πολλὴ πραγματεία περὶ τὸ συσπασθῆναί τε καὶ συνυφάνθαι πάντα τὰ μόρια τῆσ περιόδου, μιᾶσ λέξεωσ ἀποτελοῦντα φαντασίαν, καὶ ἔτι πρὸσ τούτῳ περὶ τὸ πᾶσαν εἶναι τὴν λέξιν, ὥσπερ ἐν ταῖσ μουσικαῖσ συμφωνίαισ, ἡδεῖαν καὶ λιγυράν. τούτων δὲ τὸ μὲν αἱ τῶν ἁρμονιῶν ἀκρίβειαι ποιοῦσι, τὸ δ’ αἱ τῶν γραμμάτων δυνάμεισ οἰκείωσ ἐχόντων πρὸσ ἄλληλα ταῖσ κατὰ τοὺσ νόμουσ συμπαθείαισ, ὑπὲρ ὧν ἑτέρασ ἐπιστήμησ ἡ θεωρία. ἐπιτρόχαλοσ δή τισ γίνεται καὶ καταφερὴσ ἡ ῥύσισ τῆσ λέξεωσ, ὥσπερ κατὰ πρανοῦσ φερόμενα χωρίου νάματα μηδενὸσ αὐτοῖσ ἀντικρούοντοσ, καὶ διαρρεῖ διὰ τῆσ ἀκοῆσ ἡδέωσ πωσ καὶ ἀσπαστῶσ οὐδὲν ἧττον ἢ τὰ δι’ ᾠδῆσ καὶ ὀργάνου μουσωθέντα κρούματα καὶ μέλη.

일치하는 문장이 없습니다.

SEARCH

MENU NAVIGATION