호흡부호 보기
강세부호 보기
장단부호 보기
작은 Iota 보기
모든 부호 보기
οἳ τοσούτῳ χείρουσ ἐσμὲν τῶν προγόνων, ὅσον οἳ μὲν ὑπὲρ τοῦ σῶσαι τοὺσ Ἕλληνασ τήν τε πατρίδα τὴν ἑαυτῶν ἐξέλιπον καὶ μαχόμενοι πρὸσ τοὺσ βαρβάρουσ ἐνίκησαν. μυρία καὶ ταύτησ ἐστὶ λαβεῖν τῆσ ἀσθενείασ δείγματα. ἔξω γὰρ ὀλίγων τινῶν, οἷσ οὐκ ἐκ προνοίασ μᾶλλον ἢ κατ’ αὐτοματισμὸν συμβέβηκε τὸ συνεστράφθαι, τἆλλα ἐν πλάτει λέγεται. ἄτονοσ δὲ δὴ καὶ λαβὰσ οὐ κραταιὰσ ἔχουσα πῶσ ἐστιν ἡ λέξισ; τῷ ἐπιφέρειν τινὰ τοῖσ εἰρημένοισ διάνοιαν τοιαύτην· τοσοῦτον δὲ χείρουσ ἐσμὲν τῶν προγόνων οὐ μόνον τῶν εὐδοκιμησάντων ἀλλὰ καὶ τῶν μισηθέντων, ὅσον ἐκεῖνοι μὲν εἰ πολεμεῖν πρόσ τινα ψηφίσαιντο, μεστῆσ οὔσησ ἀργυρίου καὶ χρυσίου τῆσ ἀκροπόλεωσ ὅμωσ ὑπὲρ τῶν δοξάντων τοῖσ ἑαυτῶν σώμασιν ᾤοντο δεῖν κινδυνεύειν, ἡμεῖσ δ’ εἰσ τοσαύτην ἀπορίαν ἐληλυθότεσ καὶ τοσοῦτοι τὸ πλῆθοσ ὄντεσ, ὥσπερ βασιλεὺσ ὁ μέγασ μισθωτοῖσ χρώμεθα τοῖσ στρατοπέδοισ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기