헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 71)

ἣν ἐν τῇ προτέρᾳ παρέλιπον εἰσβολῇ, ἐγκαθεζόμενοι ἐδῄουν. ἐπιφανέντοσ δ’ αὐτοῖσ θατέρου τῶν ὑπάτων Λευκίου Λοκρητίου καὶ θεμένου τὴν παρεμβολὴν οὐ πρόσω καλὸν ὑπολαβόντεσ εἶναι καιρόν, πρὶν ἐλθεῖν τῷ Λοκρητίῳ τὴν ἑτέραν Ῥωμαίων δύναμιν σύμμαχον, ἧσ Οὐετούριοσ ἡγεῖτο, συνάψαι μάχην, θέμενοι τὰσ ἀποσκευὰσ ἐπὶ λόφου τινὸσ καὶ δύο σπείρασ ἐπ’ αὐταῖσ καταλιπόντεσ, οἱ λοιποὶ προῆλθον εἰσ τὸ πεδίον·

καὶ συμβαλόντεσ τοῖσ Ῥωμαίοισ ἄνδρεσ ἀγαθοὶ κατὰ τὸν ἀγῶνα ἐγίνοντο μέχρι πολλοῦ. μαθόντεσ δ’ ἐκ τῶν κατὰ νώτου φρουρῶν τινεσ καταβαίνουσαν ὑπὲρ ὄχθου στρατιὰν ὑπέλαβον ἥκειν τὸν ἕτερον τῶν ὑπάτων ἄγοντα τὴν σὺν αὐτῷ δύναμιν, καὶ δείσαντεσ, μὴ κυκλωθεῖεν ὑπ’ ἀμφοῖν, οὐκέτι διέμειναν, ἀλλ’ εἰσ φυγὴν τρέπονται. ἐν τούτῳ τῷ ἀγῶνι οἵ θ’ ἡγεμόνεσ αὐτῶν ἀμφότεροι γενναίων ἀνδρῶν ἔργα ἀποδειξάμενοι πίπτουσι, καὶ ἄλλοι πολλοὶ μαχόμενοι περὶ αὐτοὺσ ἀγαθοί·

οἱ δὲ φυγόντεσ ἐκ τῆσ μάχησ εἰσ τὰσ ἑαυτῶν ἕκαστοι πατρίδασ σκεδασθέντεσ ἀνεχώρησαν.

ἐκ δὲ τούτου πολλὴν ἄδειαν λαβὼν ὁ Λοκρήτιοσ ἔφθειρε τὴν Αἰκανῶν γῆν, καὶ Οὐετούριοσ τὴν Οὐολούσκων, ἑώσ ὁ τῶν ἀρχαιρεσίων ἐπέστη καιρόσ.

τότε δ’ ἀναστήσαντεσ τὰσ δυνάμεισ ἀπῆγον ἐπ’ οἴκου καὶ κατήγαγον ἀμφότεροι τοὺσ ἐπινικίουσ θριάμβουσ· Λοκρήτιοσ μέν, ἐπὶ τοῦ τεθρίππου παρεμβεβηκώσ, Οὐετούριοσ δὲ πεζὸσ εἰσελαύνων. δύο γὰρ οὗτοι θρίαμβοι δίδονται τοῖσ ἡγεμόσιν ὑπὸ τῆσ βουλῆσ, ὥσπερ ἔφην, τὰ μὲν ἄλλα ἔχοντεσ ἴσα, τῷ δὲ τὸν μὲν ἱππικὸν εἶναι, τὸν δὲ πεζικόν, διαφέροντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 71

(디오니시오스, Antiquitates Romanae, Books VII-IX, book 9, chapter 71)

상위

목록

SEARCH

MENU NAVIGATION