헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 66

(디오니시오스, Antiquitates Romanae, Books VII-IX, book 9, chapter 66)

ἐν ᾧ δὲ ταῦτ’ ἐγίνετο χρόνῳ, πεπυσμένοσ ἅτεροσ τῶν ὑπάτων Σερούιοσ ἐπὶ βοήθειαν αὐτῷ προσιόντα τὸν συνύπατον δείσασ, μὴ ὑπαντήσωσιν αὐτῷ οἱ πολέμιοι καὶ διακλείσωσι τῆσ πρὸσ αὐτὸν ὁδοῦ, περισπᾶν αὐτοὺσ διενοεῖτο προσβολὰσ ποιούμενοσ τῷ χάρακι. ἀλλὰ γὰρ φθάσαντεσ αὐτὸν οἱ πολέμιοι, ἐπειδὴ ἔγνωσαν τὴν συμφορὰν τῶν σφετέρων, ἣν ἀπήγγειλαν οἱ περισωθέντεσ ἐκ τῆσ προνομῆσ, λύσαντεσ τὴν παρεμβολὴν ἐν τῇ πρώτῃ νυκτὶ μετὰ τὴν μάχην εἰσ τὴν πόλιν ἀπῆραν, οὐχ ἅπαντα πεπραχότεσ, ὅσα ἐβούλοντο.

χωρὶσ γὰρ τῶν ἀποθανόντων ἔν τε ταῖσ μάχαισ καὶ κατὰ τὰσ προνομὰσ τοὺσ ὑστερήσαντασ ἐν τῇ τότε φυγῇ πολλῷ πλείουσ τῶν προτέρων ἀπέβαλον.

οἱ γὰρ ὑπὸ καμάτου τε καὶ τραυμάτων βαρυνόμενοι σχολῇ προβαίνοντεσ ἐγκαταλιπόντων αὐτοὺσ τῶν μελῶν ἔπιπτον, μάλιστα δὲ περὶ τὰ νάματα καὶ ποταμοὺσ ὑπὸ δίψησ φλεγόμενοι· οὓσ οἱ Ῥωμαίων ἱππεῖσ καταλαμβάνοντεσ ἐφόνευον. οὐ μὲν δὴ οὐδὲ Ῥωμαῖοι πάντα ἐκ τοῦ τότε ἀγῶνοσ εὐτυχηκότεσ ἀνέστρεψαν, ἄνδρασ μὲν γὰρ ἀγαθοὺσ καὶ πολλοὺσ ἐν ταῖσ μάχαισ ἀπολωλέκεσαν, καὶ πρεσβευτὴν ἁπάντων λαμπρότατον γενόμενον ἐν τῷ ἀγῶνι·

νίκην δ’ οὐδεμιᾶσ ἥττονα τῇ πόλει φέροντεσ ἀνέστρεψαν.

ταῦτ’ ἐπ’ ἐκείνων τῆσ ἀρχῆσ ἐπράχθη.