헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 59)

ἐν δὲ τῷ μετὰ τούτουσ ἔτει ὕπατοι μὲν ἦσαν Τιβέριοσ Αἰμίλιοσ τὸ δεύτερον καὶ Κόιντοσ Φάβιοσ, ἑνὸσ τῶν τριῶν ἀδελφῶν υἱὸσ τῶν ἡγησαμένων τε τῆσ ἀποσταλείσησ φρουρᾶσ εἰσ Κρεμέραν, καὶ διαφθαρέντων ἐκεῖ σὺν τοῖσ πελάταισ. ἡ δὲ βουλὴ τῶν δημάρχων ἀνακινούντων πάλιν τὸ πλῆθοσ ἐπὶ τῇ κληρουχίᾳ, καὶ συναγωνιζομένου θατέρου τῶν ὑπάτων αὐτοῖσ Αἰμιλίου δόγμα ἐπεκύρωσε, θεραπεῦσαί τε καὶ ἀναλαβεῖν τοὺσ πένητασ βουλομένη, διανεῖμαί τινα μοῖραν αὐτοῖσ ἐκ τῆσ Ἀντιατῶν χώρασ, ἣν τῷ προτέρῳ ἔτει δόρατι ἑλόντεσ κατέσχον. καὶ ἀπεδείχθησαν ἡγεμόνεσ τῆσ κληρουχίασ Τίτοσ Κοίντιοσ Καπιτωλῖνοσ, ᾧ παρέδοσαν Ἀντιᾶται σφᾶσ αὐτούσ, καὶ σὺν αὐτῷ Λεύκιοσ Φούριοσ καὶ Αὖλοσ Οὐεργίνιοσ.

ἦν δ’ οὐκ ἀγώνισμα πᾶσι τοῖσ πολλοῖσ καὶ πένησι Ῥωμαίων ἡ διανομὴ τῆσ χώρασ ὡσ ἀπελαυνομένοισ τῆσ πατρίδοσ, ὀλίγων τ’ ἀπογραψαμένων ἔδοξε τῇ βουλῇ, ἐπειδὴ οὐκ ἀξιόχρεωσ ἦν ὁ ἀπόστολοσ, ἐπιτρέψαι Λατίνων τε καὶ Ἑρνίκων τοῖσ βουλομένοισ τῆσ ἀποικίασ μετέχειν.

οἱ μὲν δὴ εἰσ Ἄντιον ἀποσταλέντεσ κατένεμον τὴν γῆν τοῖσ σφετέροισ, μοῖράν τινα ἐξ αὐτῆσ τοῖσ Ἀντιάταισ ὑπολειπόμενοι. ἐν δὲ τῷ μεταξὺ χρόνῳ στρατεία τῶν ὑπάτων ἀμφοτέρων ἐγένετο, Αἰμιλίου μὲν εἰσ τὴν Σαβίνων χώραν, Φαβίου δ’ εἰσ τὴν Αἰκανῶν.

καὶ τῷ μὲν Αἰμιλίῳ πολὺν ἐν τῇ πολεμίᾳ μείναντι χρόνον οὐδεμία δύναμισ ὑπήντησε μαχουμένη περὶ τῆσ γῆσ, ἀλλ’ ἀδεῶσ αὐτὴν κείρασ, ἐπειδὴ καθῆκεν ὁ χρόνοσ τῶν ἀρχαιρεσίων, ἀπῆγε τὰσ δυνάμεισ. Φαβίῳ δ’ Αἰκανοί, πρὶν εἰσ ἀνάγκην ἐλθεῖν στρατιᾶσ διαφθαρείσησ ἢ τειχῶν ἁλισκομένων, ἐπεκηρυκεύσαντο περὶ διαλλαγῶν καὶ φιλίασ.

ὁ δ’ ὕπατοσ δύο τε μηνῶν τροφὰσ τῇ στρατιᾷ καὶ δύο χιτῶνασ κατ’ ἄνδρα καὶ ἀργύριον εἰσ ὀψωνιασμὸν ἑξαμήνου καὶ εἴ τι ἄλλο κατήπειγεν εἰσπραξάμενοσ, ἀνοχὰσ ἐποιήσατο πρὸσ αὐτούσ, ἑώσ ἂν εἰσ Ῥώμην ἀφικόμενοι παρὰ τῆσ βουλῆσ εὑρ́ωνται τὰσ διαλύσεισ.

ἡ μέντοι βουλὴ ταῦτα μαθοῦσα τῷ Φαβίῳ ἐπέτρεψεν αὐτοκράτορι διαλύσασθαι πρὸσ τοὺσ Αἰκανούσ, ἐφ’ οἷσ ἂν αὐτὸσ προαιρῆται. μετὰ τοῦτο συνθῆκαι γίνονται ταῖσ πόλεσι μεσιτεύσαντοσ αὐτὰσ τοῦ ὑπάτου τοιαίδε·

τέλεσι τοῖσ ἰδίοισ ἐκπέμποντασ .

ταῦτα συνθέμενοσ ἀπῆγε τὴν δύναμιν Φάβιοσ καὶ εἰσ τὸν ἐπιόντα ἐνιαυτὸν ἀρχὰσ ἅμα τῷ συνυπάτῳ κατέστησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 59

(디오니시오스, Antiquitates Romanae, Books VII-IX, book 9, chapter 59)

상위

목록

SEARCH

MENU NAVIGATION