헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 58)

καὶ μετὰ τοῦτ’ οὐδὲν ἔτι διέμενε τῶν πολεμίων, ἀλλὰ πάντεσ εἰσ τὸν χάρακα ξυνέφευγον. οὐ μέντοι δίωξίσ γ’ αὐτῶν ἐπὶ πολὺ ἐγένετο, ἀλλ’ εὐθὺσ οἱ Ῥωμαῖοι ἀπετράποντο, ὑπὸ κόπου τὰ σώματα παρειμένοι καὶ οὐδὲ τὰ ὅπλα ἔτι ὅμοια ἔχοντεσ. ὀλίγων δὲ διελθουσῶν ἡμερῶν, ἃσ ἐσπείσαντο ταφῆσ τε τῶν οἰκείων νεκρῶν καὶ θεραπείασ τῶν κεκμηκότων ἕνεκα, παρεσκευασμένοι τὰ εἰσ τὸν πόλεμον ἐλλείποντα, ἑτέραν ἠγωνίσαντο μάχην περὶ τῷ Ῥωμαίων χάρακι. προσελθούσησ γὰρ ἄλλησ δυνάμεωσ τοῖσ Οὐολούσκοισ τε καὶ Αἰκανοῖσ ἐκ τῶν πέριξ χωρίων οὐ διὰ μακροῦ ὄντων, ἐπαρθεὶσ ὁ στρατηγὸσ αὐτῶν, ὅτι καὶ πενταπλάσιοι τῶν πολεμίων ἦσαν οἱ σφέτεροι, τήν τε παρεμβολὴν τῶν Ῥωμαίων οὐκ ἐν ἐχυρῷ οὖσαν ὁρῶν κράτιστον ὑπέλαβεν εἶναι καιρὸν ἐπιχειρεῖν αὐτοῖσ.

ἐνθυμηθεὶσ δὲ ταῦτα περὶ μέσασ νύκτασ ἦγε τὴν δύναμιν ἐπὶ τὸν χάρακα τῶν Ῥωμαίων, καὶ κύκλῳ περιστήσασ ἐφρούρει, μὴ λάθοιεν ἀπιόντεσ.

ὁ δὲ Κοίντιοσ, ὡσ ἔμαθε τῶν πολεμίων τὸ πλῆθοσ, ἀγαπητῶσ ἐδέξατο καὶ περιμείνασ, ἑώσ ἡμέρα τ’ ἐγένετο καὶ ὡρ́α πληθυούσησ μάλιστ’ ἀγορᾶσ, κάμνοντασ ἤδη τοὺσ πολεμίουσ αἰσθόμενοσ ὑπό τ’ ἀγρυπνίασ καὶ ἀκροβολισμῶν, καὶ οὐ κατὰ λόχουσ οὐδὲ ἐν τάξει προσάγοντασ, ἀλλὰ πολλαχῇ κεχυμένουσ καὶ σποράδασ, ἀνοίξασ τὰσ πύλασ τοῦ χάρακοσ ἐξέδραμεν ἅμα τοῖσ ἐπιλέκτοισ τῶν ἱππέων·

καὶ οἱ πεζοὶ πυκνώσαντεσ τοὺσ λόχουσ ἠκολούθουν. οἱ δὲ Οὐολοῦσκοι καταπλαγέντεσ αὐτῶν τὸ θράσοσ καὶ τὸ μανικὸν τῆσ ἐφόδου βραχὺν ἀνασχόμενοι χρόνον ἀνακρούονταί τε καὶ ἅμα ὑποχωροῦσιν ἀπὸ τοῦ χάρακοσ καί ‐ ἦν γάρ τισ οὐ πρόσω τοῦ στρατοπέδου λόφοσ ὑψηλὸσ ἐπιεικῶσ ‐ εἰσ τοῦτον οὖν ἀνατρέχουσιν ὡσ ἀναπαυσόμενοί τε καὶ αὖθισ εἰσ τάξιν καταστησόμενοι.

ἀλλ’ οὐ γὰρ αὐτοῖσ ἐξεγένετο καταστῆναί τε καὶ ἑαυτοὺσ ἀναλαβεῖν, ἀλλ’ ἐκ ποδὸσ ἠκολούθησαν αὐτοῖσ οἱ πολέμιοι πιλήσαντεσ, ὡσ μάλιστ’ ἦν δυνατὸν τοὺσ λόχουσ, ἵνα μὴ καταραχθῶσι πρὸσ ἄναντεσ χωρίον βιαζόμενοι.

καὶ γίνεται μέγασ ἀγὼν ἐπὶ πολὺ μέροσ τῆσ ἡμέρασ, νεκροί τε πίπτουσι πολλοὶ ἀφ’ ἑκατέρων.

καὶ Οὐολοῦσκοι πλήθει τε ὑπερέχοντεσ καὶ τὸ ἐκ τοῦ τόπου προσειληφότεσ ἀσφαλέσ, οὐδετέρου τούτων οὐδὲν ἀγαθὸν ἀπήλαυσαν, ἀλλ’ ὑπὸ τῆσ Ῥωμαίων προθυμίασ καὶ ἀρετῆσ ἐκβιασθέντεσ τόν τε λόφον ἐξέλιπον καὶ ἐπὶ τὸν χάρακα φεύγοντεσ οἱ πολλοὶ ἀπέθνησκον. οὐ γὰρ εἰάσαν αὐτοὺσ οἱ Ῥωμαῖοι διώκοντεσ, ἀλλ’ ἐκ ποδὸσ ἠκολούθησαν καὶ οὐ πρότερον ἀπετράποντο, ἢ τὴν παρεμβολὴν αὐτῶν ἑλεῖν κατὰ κράτοσ.

δ’ ἐπιούσῃ ἡμέρᾳ τὰ εἰσ πολιορκίαν ἐπιτήδεια παρεσκευασμένοσ ὁ ὕπατοσ ἐπὶ τὴν Ἀντιατῶν πόλιν οὐ πλείω ἀπέχουσαν τριάκοντα σταδίων ἦγε τὴν δύναμιν.

ἔτυχον δὲ φυλακῆσ ἕνεκα τοῖσ Ἀντιάταισ Αἰκανῶν τινεσ ἐπίκουροι παρόντεσ καὶ φυλάττοντεσ τὰ τείχη·

οἳ τότε δείσαντεσ τὸ Ῥωμαίων τολμηρὸν δρασμὸν ἐκ τῆσ πόλεωσ ἐπεχείρουν ποιεῖσθαι. γενομένησ δὲ τοῖσ Ἀντιάταισ γνώσεωσ κωλυόμενοι πρὸσ αὐτῶν ἀπιέναι γνώμην ἐποιοῦντο παραδοῦναι Ῥωμαίοισ ἐπιοῦσι τὴν πόλιν. τοῦτο μαθόντεσ ἐκ μηνύσεωσ οἱ Ἀντιᾶται τῷ τε καιρῷ εἴκουσι, καὶ κοινῇ μετ’ ἐκείνων βουλευσάμενοι παραδιδόασι τῷ Κοιντίῳ τὴν πόλιν, ἐφ’ ᾧ Αἰκανοὺσ μὲν ὑποσπόνδουσ ἀπελθεῖν, Ἀντιάτασ δὲ φρουρὰν δέξασθαι καὶ τὰ κελευόμενα ὑπὸ Ῥωμαίων ποιεῖν.

ἐπὶ τούτοισ κύριοσ γενόμενοσ τῆσ πόλεωσ ὁ ὕπατοσ, καὶ λαβὼν ὀψώνιά τε καὶ τἆλλα, ὅσων ἔδει τῇ στρατιᾷ, καὶ φρουρὰν ἐγκαταστήσασ, ἀπῆγε τὴν δύναμιν· ἀνθ’ ὧν αὐτὸν ἡ βουλὴ ὑπαντήσει τε φιλανθρώπῳ ἐδέξατο, καὶ θριάμβου πομπῇ ἐτίμησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 58

(디오니시오스, Antiquitates Romanae, Books VII-IX, book 9, chapter 58)

상위

목록

SEARCH

MENU NAVIGATION