헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 57)

τῷ δ’ ἑξῆσ ἔτει Τίτου Κοιντίου Καπετωλίνου καὶ Κοίντου Σερουιλίου Πρίσκου τὴν ὕπατον ἀρχὴν παρειληφότων ἥ τ’ οἰκεία δύναμισ Ῥωμαίων ἅπασα ἐν τοῖσ ὅπλοισ ἦν, καὶ τὰ συμμαχικὰ ἑκούσια παρῆν, πρὶν ἐπαγγελθῆναι αὐτοῖσ στρατείαν. τοῦτ’ εὐχάσ τε ποιησάμενοι τοῖσ θεοῖσ οἱ ὕπατοι καὶ καθήραντεσ τὸν στρατὸν ἐξῄεσαν ἐπὶ τοὺσ πολεμίουσ.

Σαβῖνοι μὲν οὖν, ἐφ’ οὓσ ὁ Σερουίλιοσ ἤλασεν, οὔτ’ εἰσ μάχην κατέστησαν οὔτ’ ἐξῆλθον εἰσ τὴν ὕπαιθρον·

μένοντεσ δ’ ἐν τοῖσ φρουρίοισ ἠνείχοντο γῆσ τ’ αὐτοῖσ τεμνομένησ καὶ οἰκιῶν ἐμπιμπραμένων θεραπείασ τ’ αὐτομολούσησ· ὥστε κατὰ πολλὴν εὐπέτειαν ἀπελθεῖν ἐκ τῆσ χώρασ αὐτῶν τοὺσ Ῥωμαίουσ ὠφελείαισ τε βαρεῖσ καὶ αὐχήμασι λαμπρούσ, καὶ ἡ μὲν Σερουιλίου στρατεία τοῦτ’ ἔσχε τὸ τέλοσ· οἱ δὲ σὺν τῷ Κοιντίῳ στρατεύσαντεσ ἐπί τ’ Αἰκανοὺσ καὶ Οὐολούσκουσ ‐ συνεληλύθεσαν γὰρ εἰσ τὸν αὐτὸν τόπον ἐξ ἀμφοτέρων τῶν ἐθνῶν οἱ προαγωνιούμενοι τῶν ἄλλων, καὶ πρὸ τῆσ Ἀντιατῶν πόλεωσ ἀντεστρατοπεδεύσαντο ‐ θᾶττον ἢ βάδην χωροῦντεσ ἐπιφαίνονται αὐτοῖσ·

καὶ οὐ πολὺν τόπον τοῦ χάρακοσ αὐτῶν ἀποσχόντεσ, ἐν ᾧ πρῶτον ὤφθησάν τε καὶ εἶδον ἐκείνουσ χωρίῳ ταπεινῷ ὄντι τὰσ ἀποσκευὰσ ἔθεντο, τοῦ μὴ δεδοικέναι τὰ πολέμια πλήθει μακρῷ προὔχοντα δόξαν ποιῆσαι βουλόμενοι.

ὡσ δ’ εὐτρεπῆ τὰ εἰσ μάχην ἑκατέροισ ἅπαντα ἦν, ἐξῄεσαν εἰσ τὸ πεδίον, καὶ συμπεσόντεσ ἠγωνίζοντο μέχρι μεσούσησ ἡμέρασ οὔτ’ εἴκοντεσ τοῖσ πολεμίοισ οὔτ’ ἐπιβαίνοντεσ, ἀεί τε τὸ κάμνον μέροσ ἀνισοῦντεσ τοῖσ ἐπὶ ταῖσ ἐφεδρείαισ τεταγμένοισ ἑκάτεροι.

ἐν δὲ τούτῳ μάλιστα οἱ Αἰκανοὶ καὶ Οὐολοῦσκοι πλήθει τῶν Ῥωμαίων προὔχοντεσ ἀνέφερον καὶ περιῆσαν, τῶν πολεμίων οὐκ ἐχόντων ἴσον τῇ προθυμίᾳ τὸ πλῆθοσ. ὁ δὲ Κοίντιοσ ὁρῶν νεκρούσ τε πολλοὺσ τῶν σφετέρων καὶ τῶν περιόντων τοὺσ πλείουσ τραυματίασ ἐμέλλησε μὲν ἀνακαλεῖσθαι τὴν δύναμιν, δείσασ δέ, μὴ δόξαν παράσχῃ τοῖσ πολεμίοισ φυγῆσ, παρακινδυνευτέον σφίσιν εἶναι ἔγνω.

ἐπιλεξάμενοσ δὲ τῶν ἱππέων τοὺσ κρατίστουσ κατὰ τὸ δεξιόν, ὃ μάλιστα ἔκαμνεν, τοῖσ σφετέροισ παρεβοήθει.

καὶ τὰ μὲν ἐπιτιμῶν τοῖσ ἡγεμόσιν αὐτοῖσ τῆσ ἀνανδρίασ, τὰ δ’ ὑπομιμνήσκων τῶν προτέρων ἀγώνων, τὰ δὲ τὴν αἰσχύνην ἐπιλεγόμενοσ καὶ τὸν κίνδυνον, ὃσ καταλήψεσθαι αὐτοὺσ ἔμελλεν ἐν τῇ φυγῇ, τελευτῶν εἶπεν οὐκ ἀληθέσ, ὃ μάλιστα μὲν τοῖσ σφετέροισ θάρσοσ παρέστησε, τοῖσ δὲ πολεμίοισ δέοσ.

ἔφη γάρ, ὅτι θάτερον αὐτῶν ἤδη κέρασ ἐξέωσε τοὺσ πολεμίουσ καὶ ἐγγὺσ ἤδη ἐστὶ τοῦ ἐκείνων χάρακοσ. ταῦτ’ εἰπὼν ἐνσείει τοῖσ πολεμίοισ, καὶ καταβὰσ ἀπὸ τοῦ ἵππου σὺν τοῖσ ἀμφ’ αὐτὸν ἐπιλέκτοισ τῶν ἱππέων συστάδην ἐμάχετο.

ἐκ δὲ τούτου τόλμα τισ ἐμπίπτει τοῖσ κάμνουσι τέωσ, καὶ ὠθοῦνται ἅπαντεσ ὥσπερ ἕτεροί τινεσ γεγονότεσ· καὶ οἱ Οὐολοῦσκοι ‐ τῇδε γὰρ ἐκεῖνοι ἐτάξαντο ‐ μέχρι πολλοῦ διακαρτερήσαντεσ ἐνέκλιναν. τῶν πολεμίων μέροσ, καὶ παρεκελεύετο μὴ λείπεσθαι ἀρετῇ τῶν ἑτέρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 57

(디오니시오스, Antiquitates Romanae, Books VII-IX, book 9, chapter 57)

상위

목록

SEARCH

MENU NAVIGATION