헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 54)

ταῦτ’ εἰπόντοσ Ἀππίου καὶ τῶν ἄλλων ὀλίγου δεῖν πάντων τὴν αὐτὴν γνώμην ἀποφηναμένων ἡ μὲν βουλὴ διελύετο. οἱ δὲ δήμαρχοι δι’ ὀργῆσ ἔχοντεσ τὴν ἀποτυχίαν ἀπῄεσαν καὶ μετὰ τοῦτ’ ἐσκόπουν, ὅπωσ τιμωρήσονται τὸν ἄνδρα· ἔδοξεν οὖν αὐτοῖσ πολλὰ βουλευσαμένοισ δίκῃ τὸν Ἄππιον ὑπαγαγεῖν θάνατον ἐχούσῃ τὸ τίμημα.

καὶ μετὰ ταῦτ’ ἐν ἐκκλησίᾳ τοῦ ἀνδρὸσ κατηγορήσαντεσ παρεκάλουν ἥκειν ἅπαντασ εἰσ τὴν ἀποδειχθησομένην ἡμέραν ὡσ διοίσοντασ ὑπὲρ αὐτοῦ ψῆφον. ἃ δὲ κατηγορεῖν ἔμελλον, ταῦτ’ ἦν·

ὅτι πονηρὰσ ἐτίθει κατὰ τοῦ δήμου γνώμασ, καὶ στάσιν εἰσῆγεν εἰσ τὴν πόλιν, καὶ δημάρχῳ χεῖρασ ἐπήνεγκε παρὰ τοὺσ ἱεροὺσ νόμουσ, καὶ στρατιᾶσ ἡγησάμενοσ σὺν βλάβῃ τε καὶ αἰσχύνῃ μεγάλῃ ἀνέστρεψε. ταῦτα προειπόντεσ ἐν τῷ πλήθει, καὶ ῥητήν τινα ἀποδεἰξαντεσ ἡμέραν, ἐν ᾗ τέλοσ ἔφησαν ἐπιθήσειν τῇ δίκῃ, παρήγγειλαν αὐτῷ παρεῖναι τότ’ ἀπολογησομένῳ. ἀγανακτούντων δ’ ἁπάντων τῶν πατρικίων καὶ παρεσκευασμένων ἁπάσῃ προθυμίᾳ σώζειν τὸν ἄνδρα, καὶ τὸν Ἄππιον παρακαλούντων εἶξαι τῷ καιρῷ καὶ σχῆμα ταῖσ παρούσαισ τύχαισ ἁρμόττον μεταλαβεῖν, οὐδὲν ἔφη ποιήσειν ὁ ἀνὴρ οὔτ’ ἀγεννὲσ οὔτε τῶν προγεγονότων ἔργων ἀνάξιον, μυρίουσ δ’ ἂν ὑπομεῖναι θανάτουσ πρότερον ἢ γονάτων ἅψασθαί τινοσ·

τούσ θ’ ὑπὲρ αὐτοῦ δεῖσθαι παρεσκευασμένουσ διεκώλυεν εἰπών, ὡσ διπλασίωσ ἂν αἰδεσθείη ταῦθ’ ὑπὲρ αὐτοῦ ποιοῦντασ ἑτέρουσ ὁρῶν, ἃ μηδ’ αὐτὸν ὑπὲρ ἑαυτοῦ πράττειν πρέποντα ἡγεῖται.

ταῦτά τε δὴ καὶ πολλὰ ὅμοια τούτοισ λέγων, καὶ οὔτ’ ἐσθῆτα ἀλλάξασ οὔτε τὸ τῆσ ὄψεωσ γαῦρον ἀλλοιώσασ οὔτε φρονήματόσ τι ὑφέμενοσ, ὡσ εἶδεν ὀρθὴν καὶ μετέωρον ἐπὶ τῇ προσδοκίᾳ τοῦ ἀγῶνοσ τὴν πόλιν, ὀλίγων ἔτι λειπομένων ἡμερῶν ἑαυτὸν διεχρήσατο.

οἱ μὲν δὴ προσήκοντεσ αὐτῷ νόσον ἐσκήπτοντο γενέσθαι τοῦ θανάτου αἰτίαν·

προενεχθέντοσ δὲ τοῦ σώματοσ εἰσ τὴν ἀγορὰν ὁ μὲν υἱὸσ αὐτοῦ προσιὼν τοῖσ δημάρχοισ καὶ τοῖσ ὑπάτοισ ἠξίου τὴν νόμιμον ἐκκλησίαν αὐτῷ συναγαγεῖν καὶ τὸν ἐν ἔθει Ῥωμαίοισ ὄντα ἐπὶ ταῖσ ταφαῖσ ἀγορεύεσθαι τῶν ἀγαθῶν ἀνδρῶν λόγον ἐπιτρέψαι περὶ τοῦ πατρὸσ διελθεῖν. οἱ δὲ δήμαρχοι καλουμένησ ἔτι τῆσ ἐκκλησίασ ὑπὸ τῶν ὑπάτων ἐνίσταντο, καὶ παρήγγελλον τῷ μειρακίῳ τὸν νεκρὸν ἀποφέρειν.

οὐ μὴν ὁ δῆμόσ γ’ ἠνέσχετο οὐδὲ περιεῖδε τὴν ὕβριν, ἄτιμον ἐκβληθῆναι τὸ σῶμα, ἀλλ’ ἐπέτρεψε τῷ μειρακίῳ τὰσ νομιζομένασ ἀποδοῦναι τῷ πατρὶ τιμάσ.

Ἄππιοσ μὲν οὖν τοιαύτησ τελευτῆσ ἔτυχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 54

(디오니시오스, Antiquitates Romanae, Books VII-IX, book 9, chapter 54)

상위

목록

SEARCH

MENU NAVIGATION