헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 47)

διεξελθὼν δὲ τὸν ὑπὲρ τοῦ δήμου λόγον, ἐπιστρέψασ ἐπὶ τὸν Ἄππιον· ἔπειτα σὺ τολμᾷσ, εἶπε, λοιδορεῖσθαι τούτοισ, δι’ οὓσ μεγάλη μὲν ἐκ μικρᾶσ, ἐπιφανὴσ δ’ ἐξ ἀδόξου γέγονεν ἡ πόλισ; καὶ στασιαστὰσ ἑτέρουσ ἀποκαλεῖσ καὶ φυγαδικήν τινα τύχην ὀνειδίζεισ, ὥσπερ οὐχ ἁπάντων ἔτι τούτων μεμνημένων τὸ καθ’ ὑμᾶσ, ὅτι στασιάσαντεσ οἱ σοὶ πρόγονοι πρὸσ τοὺσ ἐν τέλει καὶ τὴν ἑαυτῶν πατρίδα καταλιπόντεσ ἐνθάδ’ ἱδρύθησαν ἱκέται; εἰ μὴ ἄρα ὑμεῖσ μὲν ἐκλιπόντεσ τὴν ἑαυτῶν πατρίδα πόθῳ τῆσ ἐλευθερίασ καλὸν ἔργον ἐπράττετε, Ῥωμαῖοι δὲ τὰ ὅμοια ὑμῖν δεδρακότεσ οὐ καλόν. τολμᾷσ δὲ καὶ τὴν τῶν δημάρχων ἐξουσίαν ὡσ ἐπὶ κακῷ παρεληλυθυῖαν εἰσ τὴν πόλιν λοιδορεῖν, καὶ πείθεισ τουτουσὶ καταλῦσαι τὴν τῶν πενήτων ἐπικουρίαν τὴν ἱερὰν καὶ ἀκίνητον καὶ μεγάλαισ ἠσφαλισμένην ἐκ θεῶν τε καὶ ἀνθρώπων ἀνάγκαισ, ὦ μισοδημότατε καὶ τυραννικώτατε; καὶ οὐδὲ τοῦτ’ ἄρα ἐδυνήθησ μαθεῖν, ὅτι τῇ τε βουλῇ καὶ τῇ σεαυτοῦ ἀρχῇ ταῦτα λέγων λοιδορῇ;

καὶ γὰρ ἡ βουλὴ διαναστᾶσα πρὸσ τοὺσ βασιλεῖσ, ὧν οὐκέτι τὰσ ὑπερηφανίασ καὶ τὰσ ὕβρεισ ὑποφέρειν ἠξίου, τὸ τῶν ὑπάτων ἀρχεῖον κατεστήσατο, καὶ πρὶν ἐκείνουσ ἐξελάσαι τῆσ πόλεωσ ἑτέρουσ ἐποίησε τῆσ βασιλικῆσ ἐξουσίασ κυρίουσ.

ὥσθ’ ἃ περὶ τῆσ δημαρχίασ λέγεισ, ὡσ ἐπὶ κακῷ παρεληλυθυίασ, ἐπειδὴ τὴν ἀρχὴν ἀπὸ διχοστασίασ ἔλαβε, ταῦτα καὶ κατὰ τῆσ ὑπατείασ λέγεισ.

οὐδὲ γὰρ ἐκείνην ἄλλη τισ εἰσήγαγε πρόφασισ, ἀλλ’ ἡ πρὸσ τοὺσ βασιλεῖσ τῶν πατρικίων στάσισ. ἀλλὰ τί ταῦτά σοι διαλέγομαι, ὡσ χρηστῷ καὶ μετρίῳ πολίτῃ, ὃν ἅπαντεσ ἴσασιν οὗτοι σκαιὸν ὄντα διὰ γένοσ καὶ πικρὸν καὶ μισόδημον καὶ τὸ θηριῶδεσ ὑπὸ φύσεωσ οὐδέποτ’ ἐξημερῶσαι δυνάμενον, ἀλλ’ οὐχ ὁμόσε χωρῶ σοι τὰ ἔργα ἐπίπροσθεν ποιησάμενοσ τῶν λόγων, καὶ δείκνυμι, ὅσην ἰσχὺν ὁ δῆμοσ ἔχων λέληθέ σε, ὃν οὐκ ᾐσχύνθησ ἀνέστιον καὶ ῥυπαρὸν καλῶν, καὶ ὅσον ἥδε ἡ ἀρχὴ δυναμένη, ἥν δε ὁ νόμοσ ἐκτρέπεσθαι καὶ εἴκειν ἀναγκάζει;

παρεὶσ δὲ καὶ αὐτὸσ ἅπασαν εἰρωνείαν ἔργου ἕξομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 47

(디오니시오스, Antiquitates Romanae, Books VII-IX, book 9, chapter 47)

상위

목록

SEARCH

MENU NAVIGATION