헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 42)

ἐπέσχε δ’ αὐτοῦ τὰ βουλεύματα ὄντα τυραννικὰ ἑτέρα συμπεσοῦσα θεήλατοσ συμφορά. νόσοσ γὰρ ἥψατο λοιμικὴ τῆσ πόλεωσ, γενομένη μὲν καὶ κατὰ τὴν ἄλλην Ἰταλίαν, μάλιστα δὲ πλεονάσασα κατὰ τὴν Ῥώμην· καὶ οὔτ’ ἀνθρωπίνη βοήθεια ἤρκει τοῖσ κάμνουσιν οὐδεμία, ἀλλ’ ἐν τῷ ἴσῳ οἵ τε σὺν πολλῇ θεραπευόμενοι φροντίδι, καὶ οἷσ μηδὲν ἐγίνετο τῶν δεόντων, ἀπέθνησκον·

οὔτε λιτανεῖαι θεῶν καὶ θυσίαι καὶ ἐφ’ οὓσ ἄνθρωποι τελευταίουσ ἐν ταῖσ τοιαῖσδε ἀναγκάζονται καταφεύγειν συμφοραῖσ, οἱ κατ’ ἄνδρα τε γινόμενοι καὶ ὑπὲρ τοῦ κοινοῦ καθαρμοὶ τότε προσωφέλουν, διέκρινέ τε τὸ πάθοσ οὐχ ἡλικίαν, οὐ φύσιν, οὐ ῥώμην ἢ ἀσθένειαν σωμάτων, οὐ τέχνην οὐκ ἄλλο τι τῶν δοκούντων κουφίζειν τὴν νόσον, ἀλλὰ γυναιξί τ’ ἐνέπιπτε καὶ ἀνδράσι καὶ γηραιοῖσ καὶ νέοισ. οὐ μὴν πολὺν κατέσχε χρόνον, ὅπερ αἴτιον ἐγένετο τοῦ μὴ σύμπασαν διαφθαρῆναι τὴν πόλιν·

ἀλλὰ ποταμοῦ δίκην ἢ πυρὸσ ἀθρόα τοῖσ ἀνθρώποισ ἐμπεσοῦσα τήν τε προσβολὴν ὀξεῖαν καὶ τὴν ἀπαλλαγὴν ταχεῖαν ἔλαβεν. ὡσ δὲ τὸ δεινὸν ἐλώφησεν, ἐπ’ ἐξόδῳ τῆσ ἀρχῆσ ὢν ὁ Πόπλιοσ, ἐπειδὴ οὐκ ἐδύνατο κυρῶσαι τὸν νόμον ἐν τῷ περιόντι χρόνῳ τῶν ἀρχαιρεσίων ἐπιστάντων, μετῄει πάλιν τὴν δημαρχίαν εἰσ τὸν ἐπιόντα ἐνιαυτόν, πολλὰ καὶ μεγάλα τοῖσ δημόταισ ὑπισχνούμενοσ· καὶ ἀποδείκνυται πάλιν δήμαρχοσ ὑπ’ αὐτῶν καὶ δύο τῶν συναρχόντων.

οἱ δὲ πατρίκιοι πρὸσ τοῦτ’ ἀντεμηχανήσαντο πικρὸν ἄνδρα καὶ μισόδημον καὶ μηδὲν ἐλαττώσοντα τῆσ ἀριστοκρατίασ ἐπὶ τὴν ὑπατείαν προαγαγεῖν, Ἄππιον Κλαύδιον, υἱὸν Ἀππίου, τοῦ πλεῖστα τῷ δήμῳ περὶ τὴν κάθοδον ἐναντιωθέντοσ.

καὶ αὐτὸν πολλὰ ἀντειπόντα καὶ οὐδ’ εἰσ τὸ πεδίον ἐλθεῖν βουληθέντα ἕνεκα τῶν ἀρχαιρεσίων, οὐδὲν ἧττον προὐβούλευσάν τε καὶ ἐψηφίσαντ’ ἀπόντα ὕπατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 42

(디오니시오스, Antiquitates Romanae, Books VII-IX, book 9, chapter 42)

상위

목록

SEARCH

MENU NAVIGATION