헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 31)

ἐπειδὴ δὲ καὶ τῆσ γνώμησ κατηγοροῦσί μου προδοσίαν μὲν οὐ τολμῶντεσ ἐπικαλεῖν οὐδ’ ἀνανδρίαν, ἐφ’ οἷσ αἱ κατὰ τῶν ἄλλων στρατηγῶν γίνονται κρίσεισ, ἀπειρίαν δὲ τοῦ στρατηγεῖν καὶ ἀφροσύνην, ὅτι κίνδυνον ὑπέμεινα οὐκ ἀναγκαῖον ἐπὶ τὸν χάρακα τῶν πολεμίων ὠσάμενοσ, βούλομαι καὶ περὶ τούτου λόγον ὑποσχεῖν ὑμῖν, προχειρότατον μὲν τοῦτ’ ἔχων εἰπεῖν, ὅτι τὸ μὲν ἐπιτιμᾶν τοῖσ γενομένοισ πάνυ ῥᾴδιον καὶ παντὸσ ἀνθρώπου, τὸ δὲ παραβάλλεσθαι πράγμασι καλοῖσ χαλεπὸν καὶ ὀλίγων· καὶ ὅτι οὐχ ὥσπερ τὰ γεγονότα φαίνεται, ὁποῖά ἐστιν, οὕτω καὶ τὰ μέλλοντα, ὁποῖα ἔσται· ἀλλ’ ἐκεῖνα μὲν αἰσθήσει καὶ πάθεσι καταλαμβανόμεθα, ταῦτα δὲ μαντείαισ καὶ δόξαισ εἰκάζομεν, ἐν αἷσ πολὺ τὸ ἀπατηλόν· καὶ ὅτι ῥᾷστον ἁπάντων ἐστὶ λόγῳ στρατηγεῖν πολέμουσ ἔξω τοῦ δεινοῦ βεβηκότασ, ὃ ποιοῦσιν οἱ κατηγοροῦντεσ ἐμοῦ.

ἀλλ’ ἵνα ταῦτ’ ἀφῶ, φέρε πρὸσ θεῶν εἴπατέ μοι, μόνοσ ἢ πρῶτοσ ὑμῖν ἐγὼ φαίνομαι βιάσασθαι φρούριον ἐπιβαλόμενοσ καὶ πρὸσ ὑψηλὰ χωρία τὰσ δυνάμεισ ἀγαγών; ἢ πολλῶν μετ’ ἄλλων ὑμετέρων στρατηγῶν, ἐξ ὧν οἱ μὲν κατώρθωσαν, τοῖσ δ’ οὐκ ἐχώρησεν ἡ πεῖρα κατὰ νοῦν;

τί δήποτ’ οὖν τοὺσ ἄλλουσ ἀφέντεσ ἐμὲ σ κρίνετε, εἰ ταῦτ’ ἀστρατηγησίασ καὶ ἀφροσύνησ ἔργα νομίζετε; πόσα δ’ ἄλλα τούτου τολμηρότερα τοῖσ ἡγεμόσιν ἔπεισι πράττειν, ὅταν τὸ ἀσφαλὲσ καὶ λελογισμένον ἥκιστα οἱ καιροὶ δέχωνται; οἱ μέν γε τὰσ σημαίασ ἁρπάσαντεσ τῶν σφετέρων ἔρριψαν εἰσ τοὺσ πολεμίουσ, ἵνα τοῖσ βλακεύουσι καὶ ἀποδειλιῶσιν ἐκ τοῦ ἀναγκαίου παραστῇ τὸ εὔψυχον ἐπισταμένοισ, ὅτι τοὺσ μὴ ἀνασώσαντασ τὰ σημεῖα ὑπὸ τῶν στρατηγῶν δεῖ σὺν αἰσχύνῃ ἀποθανεῖν·

οἱ δ’ εἰσ τὴν τῶν πολεμίων χώραν ἐμβαλόντεσ ἔλυσαν τὰ ζεύγματα τῶν ποταμῶν, οὓσ διέβησαν, ἵνα τοῖσ φεύγειν διανοουμένοισ ἄποροσ ἡ τοῦ σωθῆναι ἐλπὶσ φανεῖσα θάρσοσ παραστήσῃ καὶ μένοσ ἐν ταῖσ μάχαισ·

οἱ δὲ τὰσ σκηνὰσ καὶ τὰ σκευοφόρα κατακαύσαντεσ ἀνάγκην ἐπέθηκαν τοῖσ σφετέροισ ἐκ τῆσ πολεμίασ, ὅσων δέονται, λαμβάνειν. ἐῶ τἆλλα μυρία ὄντα λέγειν, καὶ ὅσα τολμηρὰ ἔργα καὶ ἐνθυμήματα ἕτερα στρατηγῶν ἱστορίᾳ τε καὶ πείρᾳ παραλαβόντεσ ἔχομεν, ἐφ’ οἷσ οὐδεὶσ πώποτε τῶν ψευσθέντων τῆσ ἐλπίδοσ ὑπέσχε δίκασ.

εἰ μὴ ἄρα ἔχει τισ ὑμῶν αἰτιάσασθαί με, ὅτι προβαλὼν τοὺσ ἄλλουσ εἰσ προὖπτον ὄλεθρον, αὐτὸσ ἔξω τοῦ κινδύνου τὸ σῶμα εἶχον. εἰ δὲ μετὰ πάντων τ’ ἐξηταζόμην καὶ τελευταῖοσ ἀπηλλαττόμην καὶ τῆσ αὐτῆσ τοῖσ ἄλλοισ μετεῖχον τύχησ, τί ἀδικῶ; καὶ περὶ μὲν ἐμοῦ ταῦθ’ ἱκανὰ εἰρήσθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 31

(디오니시오스, Antiquitates Romanae, Books VII-IX, book 9, chapter 31)

상위

목록

SEARCH

MENU NAVIGATION