헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 22)

τὸ δὲ συναπτόμενον τούτοισ ὑπό τινων οὔτ’ ἀληθὲσ ὂν οὔτε πιθανόν, ἐκ παρακούσματοσ δέ τινοσ πεπλασμένον ὑπὸ τοῦ πλήθουσ, ἄξιον μὴ παραλιπεῖν ἀνεξέταστον. λέγουσι γὰρ δή τινεσ, τῶν ἓξ καὶ τριακοσίων Φαβίων ἀπολομένων ὅτι ἓν μόνον ἐλείφθη τοῦ γένουσ παιδίον, πρᾶγμα οὐ μόνον ἀπίθανον, ἀλλὰ καὶ ἀδύνατον εἰσάγοντεσ. οὔτε γὰρ ἀτέκνουσ τε καὶ ἀγάμουσ ἅπαντασ εἶναι δυνατὸν ἦν τοὺσ ἐξελθόντασ εἰσ τὸ φρούριον Φαβίουσ.

ὁ γὰρ ἀρχαῖοσ αὐτῶν νόμοσ γαμεῖν τ’ ἠνάγκαζε τοὺσ ἐν ἡλικίᾳ, καὶ τὰ γεννώμενα πάντα ἐπάναγκεσ τρέφειν·

ὃν οὐκ ἂν δήπου κατέλυσαν οἱ Φάβιοι μόνοι πεφυλαγμένον ἄχρι τῆσ ἑαυτῶν ἡλικίασ ὑπὸ τῶν πατέρων. εἰ δὲ δὴ καὶ τοῦτο θείη τισ, ἀλλ’ ἐκεῖνό γ’ οὐκ ἂν ἔτι συγχωρήσειε, τὸ μηδ’ ἀδελφοὺσ αὐτῶν εἶναί τισιν ἡλικίαν ἔτι παίδων ἔχοντασ.

μύθοισ γὰρ δὴ ταῦτά γε καὶ πλάσμασιν ἐοίκε θεατρικοῖσ. οἱ δὲ πατέρεσ αὐτῶν, ὅσοι παῖδασ ἔτι ποιεῖν εἶχον ἡλικίαν, τοσαύτησ κατασχούσησ τὸ γένοσ ἐρημίασ οὐκ ἂν ἑκόντεσ τε καὶ ἄκοντεσ ἑτέρουσ παῖδασ ἐποιήσαντο, ἵνα μήτε ἱερὰ ἐκλειφθῇ πατρῷα μήτε δόξα τηλικαύτη διαφθαρῇ γένουσ; εἰ μὴ ἄρα οὐδὲ πατέρεσ αὐτῶν τισιν ἐλείποντο, ἀλλὰ πάντα εἰσ ταὐτὸ συνῆλθεν ἐπὶ τῶν ἓξ καὶ τριακοσίων ἀνδρῶν ἐκείνων τὰ ἀδύνατα·

μὴ παῖδασ αὐτοῖσ καταλειφθῆναι νηπίουσ, μὴ γυναῖκασ ἐγκύουσ, μὴ ἀδελφοὺσ ἀνήβουσ, μὴ πατέρασ ἐν ἀκμῇ.

ταύτῃ μὲν δὴ τὸν λόγον ἐξετάζων οὐκ ἀληθῆ νενόμικα, ἐκεῖνον δ’ ἀληθῆ· τῶν τριῶν ἀδελφῶν, Καίσωνόσ τε καὶ Κοίντου καὶ Μάρκου τῶν ὑπατευσάντων τὰσ συνεχεῖσ ἑπτὰ ὑπατείασ, ἐγκαταλειφθῆναι πείθομαι Μάρκῳ παιδίον, καὶ τοῦτ’ εἶναι τὸ λεγόμενον ἐκ τοῦ Φαβίων οἴκου λοιπόν.

οὐδὲν δὲ κωλύει τῷ μηκέτι τῶν ἄλλων ἐπιφανῆ τινα καὶ λαμπρὸν ἔξω τοῦ ἑνὸσ τοῦδε ἀνδρωθέντοσ γενέσθαι ταύτην παραστῆναι τοῖσ πολλοῖσ τὴν δόξαν, ὅτι μόνοσ ἐκεῖνοσ ἐκ τοῦ Φαβίων γένουσ ἐστὶ λοιπόσ·

οὐχ ὡσ μηδενὸσ ἄλλον ὄντοσ, ἀλλ’ ὡσ μηδενὸσ ἐκείνοισ ὁμοίου, ἀρετῇ τεκμαιρομένοισ τὸ συγγενέσ, οὐ φύσει· καὶ περὶ μὲν τούτων ταῦθ’ ἱκανά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 22

(디오니시오스, Antiquitates Romanae, Books VII-IX, book 9, chapter 22)

상위

목록

SEARCH

MENU NAVIGATION