헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 18)

μετὰ δὲ τούτουσ παραλαμβάνουσι τὴν ὑπατείαν Γάιοσ Ὁράτιοσ καὶ Τῖτοσ Μενήνιοσ ἐπὶ τῆσ ἑβδομηκοστῆσ καὶ ἕκτησ ὀλυμπιάδοσ, ἣν ἐνίκα στάδιον Σκάμανδροσ Μιτυληναῖοσ ἄρχοντοσ Ἀθήνησι Φαίδωνοσ. τούτοισ κατ’ ἀρχὰσ μὲν ὁ πολιτικὸσ θόρυβοσ ἐμποδὼν ἐγένετο πράττειν τὰ κοινὰ ἠρεθισμένου τοῦ δήμου καὶ οὐδὲν ἐῶντοσ ἕτερον ἐπιτελεῖσθαι τῶν κοινῶν, ἑώσ ἂν μερίσηται τὴν δημοσίαν γῆν, χρόνῳ δ’ ὕστερον εἶξε τὰ παρακινοῦντα καὶ ταραττόμενα τῇ ἀνάγκῃ συγχωρήσαντα καὶ ἐπὶ τὰσ στρατείασ ἑκούσια ἦλθε. Τυρρηνῶν γὰρ αἱ μὴ μετασχοῦσαι τῆσ εἰρήνησ ἕνδεκα πόλεισ ἀγορὰν ποιησάμεναι κοινὴν κατηγόρουν τοῦ Οὐιεντανῶν ἔθνουσ, ὅτι τὸν πρὸσ Ῥωμαίουσ πόλεμον οὐ μετὰ κοινῆσ γνώμησ κατελύσαντο, καὶ δυεῖν θάτερον αὐτοὺσ ἠξίουν πράττειν, ἢ λύειν τὰ πρὸσ Ῥωμαίουσ ὁμολογηθέντα ἢ πολεμεῖν σφίσι μετ’ ἐκείνων.

οἱ δὲ Οὐιεντανοὶ τῆσ μὲν εἰρήνησ τὴν ἀνάγκην ᾐτιῶντο, ὅπωσ δ’ ἂν αὐτὴν καταλύσαιντο εὐπρεπῶσ εἰσ κοινὸν ἐτίθεσαν σκοπεῖν.

ἔπειτα ὑποτίθεταί τισ αὐτοῖσ ἔγκλημα ποιησαμένοισ τὸν ἐπιτειχισμὸν τῆσ Κρεμέρασ καὶ τὸ μὴ ἀπανίστασθαι τοὺσ φρουροὺσ ἀπ’ αὐτῆσ, λόγῳ μὲν πρῶτον ἀξιοῦν αὐτοὺσ ἐκλιπεῖν τὸ χωρίον, ἐὰν δὲ μὴ πείθωσι, πολιορκεῖν τὸ φρούριον, καὶ ταύτην ἀρχὴν ποιήσασθαι τοῦ πολέμου. ταῦτα συνθέμενοι ἀπηλλάττοντο ἐκ τοῦ συλλόγου·

καὶ μετ’ οὐ πολὺ Οὐιεντανοὶ μὲν ἀποστείλαντεσ πρεσβείαν ὡσ τοὺσ Φαβίουσ ἀπῄτουν παρ’ αὐτῶν τὸ φρούριον, Τυρρηνία δὲ πᾶσα ἦν ἐν τοῖσ ὅπλοισ. ταῦτα Ῥωμαῖοι αἰσθόμενοι Φαβίων αὐτοῖσ ἐπιστειλάντων ἔγνωσαν ἀμφοτέρουσ ἐκπορεύεσθαι τοὺσ ὑπάτουσ ἐπὶ τὸν πόλεμον, τόν τ’ ἀπὸ Τυρρηνίασ ἐπαγόμενον σφίσι καὶ τὸν ἔτι πρὸσ Οὐολούσκουσ συνεστῶτα. Ὁράτιοσ μὲν οὖν ἄγων δύο τάγματα καὶ ἀπὸ τῶν ἄλλων συμμάχων τοὺσ ἱκανοὺσ ἐξήγαγε τὴν δύναμιν ἐπὶ Οὐολούσκουσ.

Μενήνιοσ δὲ τοσαύτην στρατιὰν ἑτέραν ἄγων ἐπὶ Τυρρηνοὺσ ἔμελλε ποιεῖσθαι τὴν ἔξοδον.

παρασκευαζομένου δ’ αὐτοῦ καὶ τρίβοντοσ τὸν χρόνον ἔφθη τὸ ἐν Κρεμέρᾳ φρούριον ἐξαιρεθὲν ὑπὸ τῶν πολεμίων, καὶ τὸ Φαβίων γένοσ ἅπαν ἀπολόμενον. περὶ δὲ τῆσ κατασχούσησ τοὺσ ἄνδρασ συμφορᾶσ διττὸσ φέρεται λόγοσ, ὁ μὲν ἧττον πιθανόσ, ὁ δὲ μᾶλλον τῆσ ἀληθείασ ἁπτόμενοσ. θήσω δ’ αὐτοὺσ ἀμφοτέρουσ, ὡσ παρέλαβον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 18

(디오니시오스, Antiquitates Romanae, Books VII-IX, book 9, chapter 18)

상위

목록

SEARCH

MENU NAVIGATION