헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 17)

ταῖσ δ’ ἑξῆσ ἡμέραισ ἀπειρηκότεσ ἤδη τοῖσ κακοῖσ οἱ Οὐιεντανοὶ τοὺσ πρεσβυτάτουσ τῶν πολιτῶν ἱκετηρίασ φέροντασ ἀπέστειλαν ὡσ τὸν ὕπατον ὑπὲρ τῆσ εἰρήνησ διαλεξομένουσ. καὶ οἱ ἄνδρεσ ὀλοφυρόμενοί τε καὶ ἀντιβολοῦντεσ καὶ τἆλλ’, ὅσα ἐπαγωγὰ ἦν εἰσ ἔλεον, μετὰ πολλῶν δακρύων διεξιόντεσ πείθουσι τὸν ὕπατον ἐπιτρέψαι σφίσι τοὺσ πρεσβευτὰσ εἰσ Ῥώμην ἀποστεῖλαι τοὺσ ὑπὲρ τῆσ καταλύσεωσ τοῦ πολέμου πρὸσ τὴν βουλὴν διαλεξομένουσ, ἑώσ δ’ ἂν οἱ πρέσβεισ ἀφίκωνται φέροντεσ τὰσ ἀποκρίσεισ, μηδὲν αὐτῶν κακουργεῖν τὴν χώραν. ἵνα δ’ αὐτοῖσ ἐγγένηται ταῦτα πράττειν, σῖτόν τε ὡμολόγησαν τῇ Ῥωμαίων στρατιᾷ διμήνου παρέξειν, καὶ χρήματα εἰσ ὀψωνιασμὸν ἓξ μηνῶν, ὡσ ὁ κρατῶν ἔταξε. καὶ ὁ μὲν ὕπατοσ λαβὼν τὰ κομισθέντα καὶ διαδοὺσ τῇ στρατιᾷ ποιεῖται τὰσ πρὸσ αὐτοὺσ ἀνοχάσ.

ἡ δὲ βουλὴ τῆσ πρεσβείασ ἀκούσασα καὶ τὰ τοῦ ὑπάτου γράμματ’ ἀναλεξαμένη πολλὴν ποιουμένου παράκλησιν καὶ παραινοῦντοσ ὡσ τάχιστα καταθέσθαι τὸν πρὸσ τοὺσ Τυρρηνοὺσ πόλεμον, δόγμα ἐξήνεγκε διδόναι τὴν εἰρήνην, ὡσ ᾐτοῦντο οἱ πολέμιοι· ἐφ’ οἷσ δὲ δικαίοισ αὕτη γενήσεται, τὸν ὕπατον καταστήσασθαι Λεύκιον Αἰμίλιον, ὡσ ἂν αὐτῷ φανῇ κράτιστα ἕξειν.

ταύτασ λαβὼν τὰσ ἀποκρίσεισ ὁ ὕπατοσ σπένδεται πρὸσ τοὺσ Οὐιεντανούσ, ἐπιεικεστέραν μᾶλλον ἢ συμφορωτέραν τοῖσ κεκρατηκόσι ποιησάμενοσ εἰρήνην, οὔτε χώραν αὐτῶν ἀποτεμόμενοσ οὔτε χρημάτων ἄλλων ἐπιθεὶσ ζημίαν, οὔτε ὁμήρων δόσει τὸ πιστὸν ἐν τοῖσ συγκειμένοισ βεβαιωσάμενοσ.

τοῦτ’ αὐτῷ μέγαν ἤνεγκε φθόνον, καὶ τοῦ μὴ λαβεῖν παρὰ τῆσ βουλῆσ τὰσ ἐπὶ τοῖσ κατωρθωμένοισ χάριτασ αἴτιον ἐγένετο.

ἐνέστησαν γὰρ αὐτῷ τὸν θρίαμβον αἰτουμένῳ τὴν αὐθάδειαν αἰτιώμενοι τῶν συνθηκῶν, ὅτι οὐ μετὰ κοινῆσ γνώμησ αὐτὰσ ἔπραξεν. ἵνα δὲ μὴ πρὸσ ὕβριν ἢ πρὸσ ὀργὴν λάβῃ τὸ πρᾶγμα, ἐπὶ Οὐολούσκουσ αὐτὸν ἐψηφίσαντο τὴν δύναμιν ἀπάγειν ἐπικουρίασ τοῦ συνάρχοντοσ ἕνεκα, εἰ δύναιτο κατορθώσασ τὸν ἐκεῖ πόλεμον ‐ ἦν γὰρ ἐν αὐτῷ πολὺ τὸ ἀνδρεῖον ‐ ἀφανίσαι τὰσ ἐπὶ τοῖσ προτέροισ ἁμαρτήμασιν ὀργάσ. ὁ δ’ ἀνὴρ ἀγανακτῶν ἐπὶ τῇ ἀτιμίᾳ πολλὴν ἐποιήσατο τῆσ βουλῆσ ἐν τῷ δήμῳ κατηγορίαν, ὡσ ἀχθομένησ ἐπὶ τῷ λελύσθαι τὸν πρὸσ τοὺσ Τυρρηνοὺσ πόλεμον. ἔφη δὲ τοῦτ’ αὐτοὺσ ἐξ ἐπιβουλῆσ καὶ ὑπεροψίασ τῶν πενήτων ποιεῖν, ἵνα μὴ τῶν ὑπερορίων ἀπαλλαγέντεσ πολέμων ἀπαιτῶσι τὰσ περὶ τῆσ κληρουχίασ ὑποσχέσεισ, πολλοστὸν ἔτοσ ἤδη φενακιζόμενοι πρὸσ αὐτῶν.

ταῦτα καὶ πολλὰ τούτοισ ὅμοια εἰπὼν καὶ δι’ ὀργῆσ ἀκράτου τῶν πατρικίων ὀνείδη κατασκεδάσασ, τήν τε συστρατευσαμένην αὐτῷ δύναμιν ἀπέλυσε τῶν σημείων καὶ τὴν μετὰ Φουρίου τοῦ ἀνθυπάτου διατρίβουσαν ἐν Αἰκανοῖσ μεταπεμψάμενοσ ἀφῆκεν ἐπὶ τὰ σφέτερα· κατηγορεῖν τῶν βουλευτῶν ἐν ταῖσ ἐκκλησίαισ καὶ διιστάναι τοὺσ πένητασ ἀπὸ τῶν εὐπόρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 17

(디오니시오스, Antiquitates Romanae, Books VII-IX, book 9, chapter 17)

상위

목록

SEARCH

MENU NAVIGATION