헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 16)

τῷ δὲ κατόπιν ἔτει Λευκίου τ’ Αἰμιλίου καὶ Γαίου Σερουιλίου τὴν ὑπατείαν παρειληφότων ἀπηγγέλη Ῥωμαίοισ, ὅτι Οὐολοῦσκοι καὶ Αἰκανοὶ συνθήκασ πεποίηνται στρατιὰσ κατ’ αὐτῶν ἅμα ἐξάγειν, καὶ οὐ διὰ μακροῦ εἰσ τὴν χώραν ἐμβαλοῦσι· καὶ ἦν ἀληθῆ τὰ λεγόμενα. θᾶττον γοῦν ἢ προσεδόκα τισ ἀμφότεροι τὰσ δυνάμεισ ἔχοντεσ ἐδῄουν τὴν κατὰ σφᾶσ ἕκαστοι χώραν, ὡσ οὐχ ἱκανῶν ἐσομένων Ῥωμαίων τῷ τε Τυρρηνικῷ πολέμῳ ἀντέχειν καὶ σφᾶσ ἐπιόντασ δέχεσθαι. καὶ ἕτεροι αὖθισ ἥκοντεσ ἐκπεπολεμῶσθαι πρὸσ αὐτοὺσ Τυρρηνίαν ἀπήγγελλον ὅλην καὶ παρεσκευάσθαι Οὐιεντανοῖσ κοινὴν ἀποστέλλειν συμμαχίαν.

κατέφυγον γὰρ ὡσ αὐτοὺσ ἀδύνατοι ὄντεσ ἐξελεῖν δι’ ἑαυτῶν τὸ φρούριον Οὐιεντανοί, συγγενείασ τε ὑπομιμνῄσκοντεσ καὶ φιλίασ καὶ ὅσουσ μετ’ αὐτῶν ἤραντο πολέμουσ διεξιόντεσ· ἀντὶ πάντων δὲ τούτων ἀξιοῦντεσ συνάρασθαι σφίσι τοῦ κατὰ Ῥωμαίων πολέμου, ὡσ σφῶν τε προκαθημένων Τυρρηνίασ ὅλησ καὶ τὸν πόλεμον ἀνακωχευόντων τὸν ἀπὸ Ῥώμησ ῥέοντα κατὰ πάντων τῶν ὁμοεθνῶν.

καὶ οἱ Τυρρηνοὶ πεισθέντεσ ὑπέσχοντο πέμψειν αὐτοῖσ ὅσην ἠξίουν σημμαχίαν. ταῦθ’ ἡ βουλὴ μαθοῦσα ἐψηφίσατο τρισσὰσ ἐκπέμψειν στρατιάσ, καὶ γενομένων ἐν τάχει τῶν καταλόγων Λεύκιοσ μὲν Αἰμίλιοσ ἐπὶ Τυρρηνοὺσ ἐπέμφθη·

συνήρατο δ’ αὐτῷ τῆσ ἐξόδου Καίσων Φάβιοσ, ὁ νεωστὶ τὴν ἀρχὴν ἀποθέμενοσ, δεηθεὶσ τῆσ βουλῆσ ἐπιτρέψαι αὐτῷ τοῖσ ἐν Κρεμέρᾳ συγγενέσιν, οὓσ ὁ ἀδελφὸσ αὐτοῦ φρουρήσοντασ τὸ χωρίον ἐξήγαγε, συνεῖναί τε καὶ τῶν αὐτῶν ἀγώνων μετέχειν· καὶ ἐξῆλθε σὺν τοῖσ ἀμφ’ αὐτὸν ἐξουσίᾳ κοσμηθεὶσ ἀνθυπάτῳ. Γάιοσ δὲ Σερουίλιοσ ὁ ἕτεροσ τῶν ὑπάτων ἐπὶ Οὐολούσκουσ ἐστράτευσε·

Σερούιοσ δὲ Φούριοσ ἀνθύπατοσ ἐπὶ τὸ Αἰκανῶν ἔθνοσ. ἑκάστῳ δ’ αὐτῶν δύο μὲν τάγματα Ῥωμαίων εἵπετο, Λατίνων δὲ καὶ Ἑρνίκων καὶ τῶν ἄλλων συμμάχων οὐκ ἐλάττω τῆσ Ῥωμαικῆσ δυνάμεωσ. τῷ μὲν οὖν ἀνθυπάτῳ Σερουίῳ κατὰ νοῦν ὁ πόλεμοσ ἐχώρησε καὶ σὺν τάχει. μιᾷ γὰρ ἐτρέψατο τοὺσ Αἰκανοὺσ μάχῃ καὶ ταύτῃ δίχα πόνου, τῇ πρώτῃ τοὺσ πολεμίουσ ἐκπλήξασ ἐφόδῳ, καὶ τὸ λοιπὸν ἐδῄου τὴν γῆν αὐτῶν καταπεφευγότων εἰσ τὰ ἐρύματα. Σερουιλίῳ δὲ θατέρῳ τῶν ὑπάτων ὑπὸ σπουδῆσ τε καὶ αὐθαδείασ ἐπὶ τὸν ἀγῶνα χωρήσαντι πολὺ τὸ παρὰ γνώμην ἀπήντησε, καρτερῶσ πάνυ τῶν Οὐολούσκων ἀντιταξαμένων, ὥστ’ ἠναγκάσθη πολλοὺσ καὶ ἀγαθοὺσ ἄνδρασ ἀπολέσασ μηκέτι χωρεῖν ὁμόσε τοῖσ πολεμίοισ, ἀλλ’ ἐν τῷ χάρακι ὑπομένων ἀκροβολισμοῖσ καὶ ψιλῶν συμπλοκαῖσ διαφέρειν τὸν πόλεμον.

Λεύκιοσ δ’ Αἰμίλιοσ, ὁ πεμφθεὶσ ἐπὶ Τυρρηνούσ, εὑρὼν ἐξεστρατευμένουσ πρὸ τῆσ πόλεωσ τοὺσ Οὐιεντανοὺσ καὶ σὺν αὐτοῖσ πολὺ τὸ παρὰ τῶν ὁμοεθνῶν ἐπικουρικόν, οὐδὲν ἔτι μελλήσασ ἔργου εἴχετο·

ἡμέραν δ’, ἀφ’ ἧσ τὸν χάρακα ἔθετο, διαλιπὼν ἐξῆγε τὰσ δυνάμεισ εἰσ μάχην, θρασέωσ πάνυ τῶν Οὐιεντανῶν ὁμόσε χωρούντων.

ἰσορρόπου δὲ τοῦ ἀγῶνοσ γινομένου τοὺσ ἱππεῖσ ἀναλαβὼν ἐνσείει τοῖσ πολεμίοισ κατὰ τὸ δεξιὸν κέρασ, καί, ἐπειδὴ τοῦτο διεσάλευσεν, ἐπὶ θάτερον ἐχώρει, ὅπου μὲν ἱππάσιμον εἰή χωρίον ἀπὸ τῶν ἵππων μαχόμενοσ, ὅπου δ’ ἄνιππον ἀποκαταβαίνων τε καὶ πεζὸσ ἀγωνιζόμενοσ. πονούντων δὲ τῶν κεράτων ἀμφοτέρων οὐδ’ οἱ κατὰ μέσον ἔτι ἀντεῖχον, ἀλλ’ ἐξεώσθησαν ὑπὸ τῶν πεζῶν, καὶ μετὰ τοῦτο πάντεσ ἔφυγον ἐπὶ τὸν χάρακα. ὁ δ’ Αἰμίλιοσ ἠκολούθει τοῖσ φεύγουσι συντεταγμένην τὴν δύναμιν ἔχων καὶ πολλοὺσ διέφθειρε.

γενόμενοσ δὲ πλησίον τοῦ χάρακοσ καὶ προσβαλὼν ἐκ διαδοχῆσ ἐκείνην τε παρέμεινε τὴν ἡμέραν καὶ τὴν ἐπιοῦσαν νύκτα, τῇ δ’ ἑξῆσ ἡμέρᾳ κόπῳ τε καὶ τραύμασι τῶν πολεμίων καὶ ἀγρυπνίᾳ ἀπειρηκότων ἐγκρατὴσ γίνεται τοῦ χάρακοσ. ἐπιβαίνοντασ ἤδη τοὺσ Ῥωμαίουσ τοῖσ περισταυρώμασιν, ἐκλιπόντεσ τὸ στρατόπεδον ἔφευγον, οἱ μὲν εἰσ τὴν πόλιν, οἱ δ’ εἰσ τὰ πλησίον ὄρη.

ταύτην μὲν οὖν τὴν ἡμέραν ἐν τῷ χάρακι τῶν πολεμίων ἔμεινεν ὁ ὕπατοσ, τῇ δ’ ἑξῆσ ἡμέρᾳ στεφανώσασ τοὺσ ἀριστεύσαντασ ἐν ταῖσ μάχαισ ταῖσ ἐκπρεπεστάταισ δωρεαῖσ, πάντα τὰ ἐγκαταληφθέντα ἐν τῷ χάρακι ὑποζύγιά τε καὶ ἀνδράποδα καὶ σκηνὰσ πολλῶν ἀγαθῶν γεμούσασ τοῖσ στρατιώταισ ἐχαρίσατο.

καὶ ἐγένετο ἐν πολλῇ εὐπορίᾳ τὸ τῶν Ῥωμαίων στράτευμα ὡσ ἐξ οὐδεμιᾶσ ἑτέρασ πώποτε μάχησ. περιαγόμενον ἔξω τῶν ἀναγκαίων πλούτου τε καὶ τέχνησ ἔργα παντοῖα πρὸσ ἡδονὰσ μεμηχανημένα καὶ τρυφάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 16

(디오니시오스, Antiquitates Romanae, Books VII-IX, book 9, chapter 16)

상위

목록

SEARCH

MENU NAVIGATION