헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 11)

ὡσ δ’ εἰσ τὸ πεδίον ἀμφότεροι κατέστησαν, καὶ τὸ πολεμικὸν ἐσήμηναν αἱ σάλπιγγεσ, ἔθεον ἀλαλάξαντεσ ὁμόσε· καὶ συμπεσόντεσ ἀλλήλοισ ἱππεῖσ ἱππεῦσι καὶ πεζοὶ πεζοῖσ ἐμάχοντο, καὶ πολὺσ ἐξ ἀμφοτέρων ἐγίνετο φόνοσ. κέρασ, οὗ τὴν ἡγεμονίαν εἶχεν ὁ ἕτεροσ τῶν ὑπάτων Μάλλιοσ, ἐξέωσαν τὸ καθ’ ἑαυτοὺσ μέροσ, καὶ καταβάντεσ ἀπὸ τῶν ἵππων ἐμάχοντο πεζοί.

οἱ δ’ ἐν τῷ εὐωνύμῳ κέρατι ταχθέντεσ ὑπὸ τοῦ δεξιοῦ τῶν πολεμίων ἐκυκλοῦντο. ἦν γὰρ ἡ Τυρρηνῶν φάλαγξ κατὰ τοῦτο τὸ χωρίον ὑπερπετήσ τε καὶ οὐκ ὀλίγῳ μείζων τῆσ ἑτέρασ.

παρερρήγνυτο δὴ ταύτῃ τὸ Ῥωμαικὸν στράτευμα καὶ πολλὰσ πληγὰσ ἐλάμβανεν. ἡγεῖτο δὲ τούτου κέρωσ Κόιντοσ Φάβιοσ, πρεσβευτὴσ καὶ ἀντιστράτηγοσ ὤν, ὁ δὶσ ὑπατεύσασ· καὶ μέχρι πολλοῦ ἀντεῖχε τραύματα λαμβάνων παντοδαπά, ἔπειτα λόγχῃ βληθεὶσ εἰσ τὰ στέρνα μέχρι τῶν σπλάγχνων ἐλθούσησ τῆσ αἰχμῆσ ἔξαιμοσ γενόμενοσ πίπτει. ὡσ δὲ τοῦτ’ ἤκουσεν ὁ ἕτεροσ τῶν ὑπάτων, Μάρκοσ Φάβιοσ ‐ ἦν δὲ κατὰ μέσην τὴν φάλαγγα τεταγμένοσ ‐ τοὺσ κρατίστουσ τῶν λόχων ἀναλαβὼν καὶ τὸν ἕτερον τῶν ἀδελφῶν Καίσωνα Φάβιον ἀνακαλεσάμενοσ, παρήλαυνεν τὴν ἑαυτοῦ φάλαγγα καὶ μέχρι πολλοῦ προελθών, ἐπειδὴ παρήλλαξεν τὸ δεξιὸν τῶν πολεμίων κέρασ, ἤλαυνεν ἐπὶ τοὺσ κυκλουμένουσ.

ἐμπεσὼν δ’ αὐτοῖσ φόνον τε τοῖσ ἐν χερσὶ ποιεῖ πολὺν καὶ φυγὴν τῶν πρόσω, τόν τ’ ἀδελφὸν ἔτι ἐμπνέοντα καταλαβὼν αἴρεται.

ἐκεῖνοσ μὲν οὗν οὐ πολὺν ἔτι χρόνον ἐπιβιοὺσ ἀποθνήσκει·

τοῖσ δὲ τιμωροῦσιν αὐτῷ θυμὸσ ἔτι πλείων παρέστη καὶ μείζων πρὸσ τὸ ἀντίπαλον· καὶ οὐδὲν ἔτι τῆσ ἰδίασ ψυχῆσ προνοούμενοι σὺν ὀλίγοισ εἰσ μέσουσ ἐμπεσόντεσ τοὺσ μάλιστα συνεστηκότασ τῶν πολεμίων, σωροὺσ ἐξεπλήρουν νεκρῶν. κατὰ μὲν δὴ τοῦτο τὸ μέροσ ἔκαμεν ἡ Τυρρηνῶν φάλαγξ, καὶ οἱ πρότερον ὠσάμενοι τοὺσ πολεμίουσ ὑπὸ τῶν κεκρατημένων ἀνεκόπησαν. οἱ δὲ τὸ εὐώνυμον ἔχοντεσ κέρασ κάμνοντεσ ἤδη καὶ φυγῆσ ἄρχοντεσ, ἐτρέψαντο τοὺσ καθ’ ἑαυτούσ.

παλτῷ γάρ τισ βαλὼν τὸν Μάλλιον διὰ τοῦ γόνατοσ ἄχρι τῆσ ἰγνύασ διήρεισε τὴν λόγχην· καὶ τὸν μὲν οἱ πέριξ ἄραντεσ ἐπὶ τὴν παρεμβολὴν ἀπεκόμιζον, οἱ δὲ πολέμιοι τὸν ἡγεμόνα τῶν Ῥωμαίων τεθνηκέναι δόξαντεσ ἐπερρώσθησαν, καὶ παραβοηθησάντων αὐτοῖσ τῶν ἑτέρων ἐνέκειντο τοῖσ Ῥωμαίοισ οὐκ ἔχουσιν ἡγεμόνα.

ἠναγκάσθησαν δὲ πάλιν οἱ Φάβιοι καταλιπόντεσ τὸ εὐώνυμον κέρασ τῷ δεξιῷ βοηθεῖν·

καὶ οἱ Τυρρηνοὶ προσιόντασ αὐτοὺσ στίφει καρτερῷ μαθόντεσ τῆσ μὲν ἐπὶ πλέον διώξεωσ ἀποτρέπονται, πυκνώσαντεσ δὲ τοὺσ λόχουσ ἐμάχοντο ἐν τάξει, καὶ πολλοὺσ μὲν τῶν σφετέρων ἀπέβαλον, πολλοὺσ δὲ καὶ τῶν Ῥωμαίων ἀπέκτειναν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 11

(디오니시오스, Antiquitates Romanae, Books VII-IX, book 9, chapter 11)

상위

목록

SEARCH

MENU NAVIGATION