헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 8

(디오니시오스, Antiquitates Romanae, Books VII-IX, book 9, chapter 8)

χερσὶν ἔχον, οὔτε πειθοῖ προσαγαγέσθαι λόγων τοὺσ οὐδὲ πεισθῆναι βουλομένουσ, δύο ταύτασ ὑπέλαβον ἔσεσθαι τῶν στασιαζόντων αἰτίασ τῆσ διαλλαγῆσ, τοῖσ μὲν ἐπιεικεστέρασ μετειληφόσι φύσεωσ ‐ ἐνῆν γάρ τι καὶ τοιοῦτον ἐν τῷ πολλῷ ‐ τὴν ἐπὶ τοῖσ ὀνειδισμοῖσ τῶν πολεμίων αἰσχύνην, τοῖσ δὲ δυσαγώγοισ ἐπὶ τὸ καλόν, ἣν ἅπασα δέδοικεν ἀνθρώπου φύσισ ἀνάγκην. ἵνα δὴ ταῦτα γένοιτο ἀμφότερα, ἐφῆκαν τοῖσ πολεμίοισ λόγῳ τ’ αἰσχύνειν κακίζοντασ σφῶν ὡσ ἄνανδρον τὴν ἡσυχίαν, καὶ ἔργοισ ὑπεροψίασ τε καὶ καταφρονήσεωσ πολλῆσ γινομένοισ ἀναγκάζειν ἀγαθοὺσ γενέσθαι τοὺσ ἑκουσίωσ εἶναι μὴ βουλομένουσ.

γινομένων γὰρ τούτων πολλὰσ ἐλπίδασ εἶχον ἥξειν ἐπὶ τὸ στρατήγιον ἅπαντασ ἀγανακτοῦντασ καὶ καταβοῶντασ καὶ κελεύοντασ ἡγεῖσθαι σφῶν ἐπὶ τοὺσ πολεμίουσ· ὅπερ καὶ συνέβη. Ῥωμαῖοι ἐπὶ τῷ ἔργῳ, τέωσ μὲν κατ’ ὀλίγουσ, ἔπειτ’ ἀθρόοι συντρέχοντεσ ἐπὶ τὰσ σκηνὰσ τῶν ὑπάτων ἐκεκράγεσάν τε καὶ προδοσίαν αὐτοῖσ ἐνεκάλουν, καὶ εἰ μή τισ ἡγήσεται σφίσι τῆσ ἐξόδου, δίχα ἐκείνων αὐτοὶ τὰ ὅπλα ἔχοντεσ ἐπὶ τοὺσ πολεμίουσ ἔλεγον ἐξελεύσεσθαι.

ὡσ δ’ ἐξ ἁπάντων ἐγίνετο τοῦτο, παρεῖναι τὸν χρόνον, ὃν περιέμενον, οἱ στρατηγοὶ νομίσαντεσ ἐκέλευον τοῖσ ὑπηρέταισ συγκαλεῖν τὸ πλῆθοσ εἰσ ἐκκλησίαν·

καὶ προελθὼν Φάβιοσ τοιάδε εἶπε·