헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 5)

οἱ δὲ μετὰ τούτουσ ἀποδειχθέντεσ ὕπατοι, Γνάϊοσ Μάλλιοσ καὶ Μάρκοσ Φάβιοσ τὸ δεύτερον ἄρχειν αἱρεθείσ, ψήφισμα τῆσ βουλῆσ ποιησαμένησ στρατὸν ἐξάγειν ἐπὶ τὴν Οὐιεντανῶν πόλιν, ὅσον ἂν πλεῖστον δυνηθῶσι, προὔθηκαν ἡμέραν, ἐν ᾗ τὸν κατάλογον ἔμελλον ποιήσεσθαι τῆσ στρατιᾶσ. γινομένου δ’ αὐτοῖσ ἐμποδὼν ἐπὶ κωλύσει τῆσ καταγραφῆσ ἑνὸσ τῶν δημάρχων, Τεβερίου Ποντοφικίου καὶ τὸ περὶ τῆσ κληρουχίασ ψήφισμα ἀνακαλουμένου, θεραπεύσαντεσ τῶν συναρχόντων αὐτοῦ τινασ, ὥσπερ ἐποίησαν οἱ πρὸ αὐτῶν ὕπατοι, διέστησαν τὸ ἀρχεῖον· καὶ μετὰ τοῦτ’ ἔπραττον ἐπὶ πολλῆσ ἐξουσίασ τὰ δόξαντα τῇ βουλῇ.

γενομένησ δὲ τῆσ καταγραφῆσ ἐν ὀλίγαισ ἡμέραισ ἐξῄεσαν ἐπὶ τοὺσ πολεμίουσ, δύο μὲν ἑκάτεροσ ἄγων Ῥωμαίων τάγματα τῶν ἐξ αὐτῆσ καταγραφέντων τῆσ πόλεωσ, οὐκ ἐλάττω δὲ ταύτησ χεῖρα τὴν ὑπὸ τῶν ἀποίκων τε καὶ ὑπηκόων ἀποσταλεῖσαν.

ἀφίκετο δ’ αὐτοῖσ παρὰ τοῦ Λατίνων τε καὶ Ἑρνίκων ἔθνουσ διπλάσιον τοῦ κληθέντοσ ἐπικουρικόν. οὐ μὴν ἐχρήσαντό γε παντί· πολλὴν δὲ χάριν αὐτοῖσ εἰδέναι φήσαντεσ τῆσ προθυμίασ ἀπέλυσαν τῆσ ἀποσταλείσησ δυνάμεωσ τὴν ἡμίσειαν. ἔταξαν δὲ καὶ πρὸ τῆσ πόλεωσ τρίτον ἐκ δυεῖν ταγμάτων τῶν ἐν ἀκμῇ στρατόν, φύλακα τῆσ χώρασ ἐσόμενον, εἴ τισ ἑτέρα δύναμισ πολεμίων ἐκ τοῦ ἀδοκήτου φανείη·

τοὺσ δ’ ὑπὲρ τὸν στρατιωτικὸν κατάλογον, οἷσ ἔτι δύναμισ ἦν ὅπλων χρήσεωσ, ἐν τῇ πόλει κατέλιπον ἄκρασ τε καὶ τείχη φυλάξοντασ. ἀγαγόντεσ δὲ πλησίον τῆσ Οὐιεντανῶν πόλεωσ τὰσ δυνάμεισ κατεστρατοπέδευσαν ἐπὶ λόφοισ δυσὶν οὐ μακρὰν ἀφεστηκόσιν ἀπ’ ἀλλήλων.

ἡ τῶν πολεμίων δύναμισ ἐξεστρατευμένη πρὸ τῆσ πόλεωσ πολλή τε καὶ ἀγαθή.

συνεληλύθεσαν γὰρ ἐξ ἁπάσησ Τυρρηνίασ οἱ δυνατώτατοι τοὺσ ἑαυτῶν πενέστασ ἐπαγόμενοι, καὶ ἐγένετο τοῦ Ῥωμαικοῦ στρατοῦ μεῖζον τὸ Τυρρηνικὸν οὐκ ὀλίγῳ. τοῖσ δ’ ὑπάτοισ τό τε πλῆθοσ ὁρῶσι τῶν πολεμίων καὶ τὴν λαμπρότητα τῶν ὅπλων πολὺ δέοσ ἐνέπεσε, μή ποτ’ οὐχ ἱκανοὶ γένωνται στασιαζούσῃ δυνάμει τῇ σφετέρᾳ πρὸσ ὁμονοοῦσαν τὴν τῶν πολεμίων ἀντιταξάμενοι ὑπερβαλέσθαι· ἐδόκει τ’ αὐτοῖσ ὀχυρωσαμένοισ τὰ στρατόπεδα τρίβειν τὸν πόλεμον ἐκδεχομένοισ, εἴ τινα δώσει πλεονεξίασ ἀφορμὴν αὐτοῖσ τὸ τῶν πολεμίων θράσοσ ἀλογίστῳ καταφρονήσει ἐπαρθέν.

ἀκροβολισμοὶ δὴ μετὰ τοῦτο συνεχεῖσ ἐγίνοντο καὶ ψιλῶν συμπλοκαὶ βραχεῖαι, μέγα δ’ ἢ λαμπρὸν ἔργον οὐδέν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 5

(디오니시오스, Antiquitates Romanae, Books VII-IX, book 9, chapter 5)

상위

목록

SEARCH

MENU NAVIGATION