헬라어 문장 검색 - Διοδορ́Βιβλιοτ́5́77́

(디오도로스 시켈로스, Bibliotheca Historica, book 5, chapter 76)

Ἡρακλέα δὲ μυθολογοῦσιν ἐκ Διὸσ γενέσθαι παμπόλλοισ ἔτεσι πρότερον τοῦ γεννηθέντοσ ἐξ Ἀλκμήνησ. τοῦτον δὲ μητρὸσ μὲν μὴ παρειληφέναι τίνοσ ἦν, αὐτὸ δὲ μόνον ὅτι ῥώμῃ σώματοσ πολὺ τῶν ἁπάντων διενεγκὼν ἐπῆλθε τὴν οἰκουμένην, κολάζων μὲν τοὺσ ἀδίκουσ, ἀναιρῶν δὲ τὰ τὴν χώραν ἀοίκητον ποιοῦντα θηρία· πᾶσι δ’ ἀνθρώποισ τὴν ἐλευθερίαν περιποιήσασ ἀήττητοσ μὲν ἐγένετο καὶ ἄτρωτοσ, διὰ δὲ τὰσ εὐεργεσίασ ἀθανάτου τιμῆσ ἔτυχε παρ’ ἀνθρώποισ. τὸν δ’ ἐξ Ἀλκμήνησ Ἡρακλέα παντελῶσ νεώτερον ὄντα, καὶ ζηλωτὴν γενόμενον τῆσ τοῦ παλαιοῦ προαιρέσεωσ, διὰ τὰσ αὐτὰσ αἰτίασ τυχεῖν τε τῆσ ἀθανασίασ καὶ χρόνων ἐγγενομένων διὰ τὴν ὁμωνυμίαν δόξαι τὸν αὐτὸν εἶναι, καὶ τὰσ τοῦ προτέρου πράξεισ εἰσ τοῦτον μεταπεσεῖν, ἀγνοούντων τῶν πολλῶν τἀληθέσ.

ὁμολογοῦσι δὲ τοῦ παλαιοτέρου θεοῦ κατὰ τὴν Αἴγυπτον πράξεισ τε καὶ τιμὰσ ἐπιφανεστάτασ διαμένειν καὶ πόλιν ὑπ’ ἐκείνου κτισθεῖσαν. Βριτόμαρτιν δὲ τὴν προσαγορευομένην Δίκτυνναν μυθολογοῦσι γενέσθαι μὲν ἐν Καινοῖ τῆσ Κρήτησ ἐκ Διὸσ καὶ Κάρμησ τῆσ Εὐβούλου τοῦ γεννηθέντοσ ἐκ Δήμητροσ·

ταύτην δ’ εὑρέτιν γενομένην δικτύων τῶν εἰσ κυνηγίαν προσαγορευθῆναι Δίκτυνναν, καὶ τὰσ μὲν διατριβὰσ ποιήσασθαι μετὰ τῆσ Ἀρτέμιδοσ, ἀφ’ ἧσ αἰτίασ ἐνίουσ δοκεῖν τὴν αὐτὴν εἶναι Δίκτυννάν τε καὶ Ἄρτεμιν, θυσίαισ δὲ καὶ ναῶν κατασκευαῖσ τετιμῆσθαι παρὰ τοῖσ Κρησὶ τὴν θεὸν ταύτην. τοὺσ δ’ ἱστοροῦντασ αὐτὴν ὠνομάσθαι Δίκτυνναν ἀπὸ τοῦ συμφυγεῖν εἰσ ἁλιευτικὰ δίκτυα, διωκομένην ὑπὸ Μίνω συνουσίασ ἕνεκα, διημαρτηκέναι τῆσ ἀληθείασ·

οὔτε γὰρ τὴν θεὸν εἰσ τοιαύτην ἀσθένειαν ἐλθεῖν πιθανὸν ὑπάρχειν ὥστε προσδεηθῆναι τῆσ παρ’ ἀνθρώπων βοηθείασ, τοῦ μεγίστου τῶν θεῶν οὖσαν θυγατέρα, οὔτε τῷ Μίνῳ δίκαιον προσάπτειν τοιαύτην ἀσέβειαν, παραδεδομένῳ συμφώνωσ δικαίαν προαίρεσιν καὶ βίον ἐπαινούμενον ἐζηλωκέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 76

(디오도로스 시켈로스, Bibliotheca Historica, book 5, chapter 76)

상위

목록

SEARCH

MENU NAVIGATION