호흡부호 보기
강세부호 보기
장단부호 보기
작은 Iota 보기
모든 부호 보기
μετὰ δὲ ταῦτα Τριόπαν, ἕνα τῶν Ἡλίου καὶ Ῥόδου παίδων, φεύγοντα διὰ τὸν Τενάγεω τοῦ ἀδελφοῦ φόνον εἰσ τὴν Χερρόνησον ἀφικέσθαι. ἐνταῦθα δὲ καθαρθέντα τὸν φόνον ὑπὸ Μελισσέωσ τοῦ βασιλέωσ εἰσ τὴν Θετταλίαν πλεῦσαι ἐπὶ συμμαχίαν τοῖσ Δευκαλίωνοσ παισί, καὶ συνεκβαλεῖν ἐκ τῆσ Θετταλίασ τοὺσ Πελασγούσ, καὶ μερίσασθαι τὸ καλούμενον Δώτιον πεδίον. ἐνταῦθα δὲ τὸ τέμενοσ τῆσ Δήμητροσ ἐκκόψαντα τῇ ὕλῃ καταχρῆσθαι πρὸσ βασιλείων κατασκευήν·
δἰ ἣν αἰτίαν ὑπὸ τῶν ἐγχωρίων μισηθέντα φυγεῖν ἐκ Θετταλίασ, καὶ καταπλεῦσαι μετὰ τῶν συμπλευσάντων λαῶν εἰσ τὴν Κνιδίαν, ἐν ᾗ κτίσαι τὸ καλούμενον ἀπ’ αὐτοῦ Τριόπιον. ἐντεῦθεν δ’ ὁρμώμενον τήν τε Χερρόνησον κατακτήσασθαι καὶ τῆσ ὁμόρου Καρίασ πολλήν.
περὶ δὲ τοῦ γένουσ τοῦ Τριόπα πολλοὶ τῶν συγγραφέων καὶ ποιητῶν διαπεφωνήκασιν· οἱ μὲν γὰρ ἀναγράφουσιν αὐτὸν υἱὸν εἶναι Κανάχησ τῆσ Αἰόλου καὶ Ποσειδῶνοσ, οἱ δὲ Λαπίθου τοῦ Ἀπόλλωνοσ καὶ Στίλβησ τῆσ Πηνειοῦ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기