헬라어 문장 검색 - Διοδορ́Βιβλιοτ́5́05́

(디오도로스 시켈로스, Bibliotheca Historica, book 5, chapter 4)

ὁμοίωσ δὲ ταῖσ προειρημέναισ δυσὶ θεαῖσ καὶ τὴν Κόρην λαχεῖν τοὺσ περὶ τὴν Ἔνναν λειμῶνασ· πηγὴν δὲ μεγάλην αὐτῇ καθιερωθῆναι ἐν τῇ Συρακοσίᾳ τὴν ὀνομαζομένην Κυάνην. τὸν γὰρ Πλούτωνα μυθολογοῦσι τὴν ἁρπαγὴν ποιησάμενον ἀποκομίσαι τὴν Κόρην ἐφ’ ἁρ́ματοσ πλησίον τῶν Συρακουσῶν, καὶ τὴν γῆν ἀναρρήξαντα αὐτὸν μὲν μετὰ τῆσ ἁρπαγείσησ δῦναι καθ’ ᾅδου, πηγὴν δ’ ἀνεῖναι τὴν ὀνομαζομένην Κυάνην, πρὸσ ᾗ κατ’ ἐνιαυτὸν οἱ Συρακόσιοι πανήγυριν ἐπιφανῆ συντελοῦσι, καὶ θύουσιν οἱ μὲν ἰδιῶται τὰ ἐλάττω τῶν ἱερείων, δημοσίᾳ δὲ ταύρουσ βυθίζουσιν ἐν τῇ λίμνῃ, ταύτην τὴν θυσίαν καταδείξαντοσ Ἡρακλέουσ καθ’ ὃν καιρὸν τὰσ Γηρυόνου βοῦσ ἐλαύνων περιῆλθε πᾶσαν Σικελίαν.

μετὰ δὲ τὴν τῆσ Κόρησ ἁρπαγὴν μυθολογοῦσι τὴν Δήμητραν μὴ δυναμένην ἀνευρεῖν τὴν θυγατέρα λαμπάδασ ἐκ τῶν κατὰ τὴν Αἴτνην κρατήρων ἀναψαμένην ἐπελθεῖν ἐπὶ πολλὰ μέρη τῆσ οἰκουμένησ, τῶν δ’ ἀνθρώπων τοὺσ μάλιστ’ αὐτὴν προσδεξαμένουσ εὐεργετῆσαι τὸν τῶν πυρῶν καρπὸν ἀντιδωρησαμένην.

φιλανθρωπότατα δὲ τῶν Ἀθηναίων ὑποδεξαμένων τὴν θεόν, πρώτοισ τούτοισ μετὰ τοὺσ Σικελιώτασ δωρήσασθαι τὸν τῶν πυρῶν καρπόν·

ἀνθ’ ὧν ὁ δῆμοσ οὗτοσ περιττότερον τῶν ἄλλων ἐτίμησαν τὴν θεὸν θυσίαισ τ’ ἐπιφανεστάταισ καὶ τοῖσ ἐν Ἐλευσῖνι μυστηρίοισ, ἃ διὰ τὴν ὑπερβολὴν τῆσ ἀρχαιότητοσ καὶ ἁγνείασ ἐγένετο πᾶσιν ἀνθρώποισ περιβόητα. παρὰ δὲ τῶν Ἀθηναίων πολλοὶ μεταλαβόντεσ τῆσ ἐκ τοῦ σίτου φιλανθρωπίασ, καὶ τοῖσ πλησιοχώροισ μεταδιδόντεσ τοῦ σπέρματοσ, ἐπλήρωσαν πᾶσαν τὴν οἰκουμένην. οἱ δὲ κατὰ τὴν Σικελίαν, διὰ τὴν τῆσ Δήμητροσ καὶ Κόρησ πρὸσ αὐτοὺσ οἰκειότητα πρῶτοι τῆσ εὑρέσεωσ τοῦ σίτου μεταλαβόντεσ, ἑκατέρᾳ τῶν θεῶν κατέδειξαν θυσίασ καὶ πανηγύρεισ, ἐπωνύμουσ αὐταῖσ ποιήσαντεσ καὶ τῷ χρόνῳ διασημήναντεσ τὰσ δοθείσασ δωρεάσ.

τῆσ μὲν γὰρ Κόρησ τὴν καταγωγὴν ἐποιήσαντο περὶ τὸν καιρὸν ἐν ᾧ τὸν τοῦ σίτου καρπὸν τελεσιουργεῖσθαι συνέβαινε, καὶ ταύτην τὴν θυσίαν καὶ πανήγυριν μετὰ τοσαύτησ ἁγνείασ καὶ σπουδῆσ ἐπιτελοῦσιν ὅσησ εἰκόσ ἐστι τοὺσ τῇ κρατίστῃ δωρεᾷ προκριθέντασ τῶν ἄλλων ἀνθρώπων ἀποδιδόναι τὰσ χάριτασ·

τῆσ δὲ Δήμητροσ τὸν καιρὸν τῆσ θυσίασ προέκριναν ἐν ᾧ τὴν ἀρχὴν ὁ σπόροσ τοῦ σίτου λαμβάνει, ἐπὶ δ’ ἡμέρασ δέκα πανήγυριν ἄγουσιν ἐπώνυμον τῆσ θεοῦ ταύτησ, τῇ τε λαμπρότητι τῆσ παρασκευῆσ μεγαλοπρεπεστάτην καὶ τῇ διασκευῇ μιμούμενοι τὸν ἀρχαῖον βίον.

ἔθοσ δ’ ἐστὶν αὐτοῖσ ἐν ταύταισ ταῖσ ἡμέραισ αἰσχρολογεῖν κατὰ τὰσ πρὸσ ἀλλήλουσ ὁμιλίασ διὰ τὸ τὴν θεὸν ἐπὶ τῇ τῆσ Κόρησ ἁρπαγῇ λυπουμένην γελάσαι διὰ τὴν αἰσχρολογίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 4

(디오도로스 시켈로스, Bibliotheca Historica, book 5, chapter 4)

상위

목록

SEARCH

MENU NAVIGATION