헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 62)

ἀφικόμενοι δ’ εἰσ τὴν Ῥώμην ἀπέδειξαν ὑπάτουσ Αὖλον Ποστόμιον Ἄλβον καὶ Σερούιον Φούριον. οἱ μὲν δὴ νεωστὶ παρειλήφεσαν τὴν ἀρχήν, παρὰ δὲ τῶν συμμάχων Λατίνων ἄγγελοι Ῥωμαίοισ κατὰ σπουδὴν διαπεμφθέντεσ ἧκον.

οὗτοι καταστάντεσ ἐπὶ τὴν βουλὴν διεσάφουν Ἀντιατῶν τὰ πράγματα οὐ βέβαια εἶναι, κρύφα τε διαπρεσβευομένων πρὸσ αὐτοὺσ Αἰκανῶν καὶ ἀναφανδὸν εἰσιόντων εἰσ τὴν πόλιν ἀγορᾶσ προφάσει πολλῶν Οὐολούσκων, οὓσ ἐπήγοντο οἱ πρότερον ἐκλιπόντεσ τὴν πόλιν Ἀντιατῶν, ὅτ’ ἐκληρουχεῖτο διὰ πενίαν καὶ πρὸσ Αἰκανοὺσ ἀπαυτομολήσαντεσ, ὥσπερ ἔφην. συνδιεφθάρθαι τε τοῖσ ἐπιχωρίοισ ἅμα ἤγγελλον καὶ τῶν ἐποίκων συχνούσ·

καὶ εἰ μὴ προκαταληφθήσονται φυλακῇ ἀξιόχρεῳ, ἀναστήσεσθαί τινα ἔλεγον κἀκεῖθεν ἀπροσδόκητον Ῥωμαίοισ πόλεμον. καὶ ἐγκαθεζομένην ἐν τῇ σφετέρᾳ γῇ φέρειν τε πάντα καὶ ἄγειν, στρατεύειν δ’ ἅμα τοῖσ Αἰκανοῖσ καὶ Οὐολούσκουσ τὴν πλείω τοῦ στρατοῦ μοῖραν παρεχομένουσ.

πρὸσ ταῦτ’ ἐψηφίσατο ἡ βουλὴ τοῖσ μὲν Ἀντιατῶν ταράττουσι τὰ πράγματα ‐ ἧκον γὰρ ἀπολογησόμενοί τινεσ ἐξ αὐτῶν καὶ καταφανεῖσ ἐγένοντο οὐδὲν ὑγιὲσ φρονοῦντεσ ‐ φυλακὴν ἑτέραν πέμψαι, ἣ ἔμελλε δι’ ἀσφαλείασ ἕξειν τὴν πόλιν·

ἐπὶ δ’ Αἰκανοὺσ ἄγειν τὴν στρατιὰν τὸν ἕτερον τῶν ὑπάτων Σερούιον Φούριον· καὶ ἐγίνετο ταχεῖα ἀμφοῖν ἡ ἔξοδοσ. οἱ δ’ Αἰκανοὶ μαθόντεσ ἐξεληλυθυῖαν τὴν Ῥωμαίων στρατιάν, ἀναστάντεσ ἐκ τῆσ Ἑρνίκων ἐχώρουν αὐτοῖσ ὁμόσε.

ἐπεὶ δ’ εἶδον ἀλλήλουσ, ἐκείνην μὲν τὴν ἡμέραν οὐ πολὺ διαστάντεσ κατεστρατοπέδευσαν, τῇ δ’ ἑξῆσ ἐπὶ τὸν χάρακα τῶν Ῥωμαίων οἱ πολέμιοι ἧκον διάπειραν αὐτῶν τῆσ γνώμησ ληψόμενοι. ὡσ δ’ οὐκ ἐξῄεσαν εἰσ μάχην, ἀκροβολισμοῖσ χρησάμενοι καὶ οὐδὲν ἀξιόλογον δράσαντεσ σὺν μεγάλῳ αὐχήματι ἀπῆλθον.

ὁ μέντοι Ῥωμαίων ὕπατοσ ἐκλιπὼν τὸν χάρακα τῇ ἐπιούσῃ·

τὸ γὰρ χωρίον οὐ λίαν ἀσφαλὲσ ἦν· μετεστρατοπεδεύσατο ἐν ἐπιτηδειοτέρῳ, ἔνθα τάφρον τ’ ὠρύξατο βαθυτέραν καὶ χάρακα ἐβάλετο ὑψηλότερον. τοῖσ δὲ πολεμίοισ ταῦθ’ ὁρῶσι πολὺ θράσοσ προσεγένετο· καὶ ἔτι μᾶλλον, ἐπειδὴ σύμμαχοσ αὐτοῖσ ἀφίκετο στρατιὰ παρὰ τοῦ Οὐολούσκων τε καὶ Αἰκανῶν ἔθνουσ, οὐδὲν ἔτι διαμελλήσαντεσ ἐπῆγον τῷ Ῥωμαίων χάρακι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 62

(디오니시오스, Antiquitates Romanae, Books VII-IX, book 9, chapter 62)

상위

목록

SEARCH

MENU NAVIGATION