헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 61)

ἐπὶ δὲ τῆσ ἐνάτησ καὶ ἑβδομηκοστῆσ ὀλυμπιάδοσ, ἣν ἐνίκα Ξενοφῶν Κορίνθιοσ ἄρχοντοσ Ἀθήνησιν Ἀρχεδημίδου, παραλαμβάνουσι τὴν ὑπατείαν Τῖτοσ Κοίντιοσ Καπιτωλῖνοσ καὶ Κόιντοσ Φάβιοσ Οὐιβουλανόσ· Κοίντιοσ μὲν τὸ τρίτον ἐπὶ τὴν ἀρχὴν ἀποδειχθεὶσ ὑπὸ τοῦ δήμου, Φάβιοσ δὲ τὸ δεύτερον.

οἷσ ἡ βουλὴ ἀμφοτέροισ στρατιὰσ μεγάλασ καὶ εὖ παρεσκευασμένασ παραδοῦσα ἐξέπεμψε. Κοίντιοσ μὲν οὖν ἐτάχθη φυλάττειν τὴν σφετέραν γῆν, ὅση τοῖσ πολεμίοισ ὅμοροσ ἦν, Φάβιοσ δὲ τὴν Αἰκανῶν δῃοῦν·

καὶ καταλαμβάνει τοὺσ Αἰκανοὺσ ἐπὶ τοῖσ μεθορίοισ ὑπομένοντασ αὐτὸν σὺν δυνάμει πολλῇ. καὶ ἐπειδὴ τὰσ παρεμβολὰσ ἐν τοῖσ κρατίστοισ ἑκάτεροι χωρίοισ κατεστήσαντο, προῄεσαν εἰσ τὸ πεδίον Αἰκανῶν προκαλεσαμένων καὶ ἀρξάντων τῆσ μάχησ, καὶ διέμειναν ἐπὶ πολὺ τῆσ ἡμέρασ ἐκθύμωσ καὶ φιλοπόνωσ ἀγωνιζόμενοι, καὶ τὸ νικᾶν οὐ παρ’ ἄλλον τινὰ ἢ παρ’ ἑαυτὸν ἕκαστοσ τιθέμενοσ. ὡσ δὲ τὰ ξίφη τοῖσ πλείοσιν αὐτῶν διὰ τὰσ συνεχεῖσ πληγὰσ ἄχρηστα ἐγεγόνει, σημηνάντων τὸ ἀνακλητικὸν τῶν ἡγεμόνων ἀπῆλθον ἐπὶ τοὺσ χάρακασ.

καὶ μετὰ τοῦτο τὸ ἔργον ἀγὼν μὲν ἐκ παρατάξεωσ οὐκέτ’ αὐτῶν ἐγένετο, ἀκροβολισμοὶ δέ τινεσ συμπλοκαὶ ψιλῶν περί τε ὕδασι καὶ ἐν ἀγορᾶσ παραπομπαῖσ συνεχεῖσ· κἀν τούτοισ μέντοι τὰ πολλὰ ἦσαν ἰσόρροποι.

ἐν ᾧ δὲ ταῦτ’ ἐγίνετο χρόνῳ, μοῖρά τισ ἀπὸ τῆσ Αἰκανῶν στρατιᾶσ παρελθοῦσα καθ’ ἑτέρασ ὁδοὺσ ἐνέβαλεν εἰσ τὴν Ῥωμαίων γῆν, ἣ πλεῖστον ἀφειστήκει τῆσ ὁμόρου καὶ διὰ τοῦτ’ ἀφύλακτοσ ἦν·

ἐξ ἧσ ἀνθρώπουσ τε πολλοὺσ συνήρπασε καὶ χρήματα, λαθοῦσά τε τοὺσ σὺν τῷ Κοιντίῳ περιπόλουσ τῆσ σφετέρασ γῆσ ἀπῆλθεν ἐπὶ τὰ οἰκεῖα. τοῦτο συνεχῶσ ἐγίνετο καὶ πολλὴν παρεῖχεν αἰσχύνην τοῖσ ὑπάτοισ. ἔπειτα μαθὼν διὰ κατασκόπων τε καὶ αἰχμαλώτων ὁ Φάβιοσ ἐξεληλυθυῖαν ἐκ τοῦ χάρακοσ τῶν Αἰκανῶν τὴν κρατίστην δύναμιν, ἐν τῇ παρεμβολῇ καταλιπὼν τοὺσ πρεσβυτάτουσ αὐτὸσ ἐξῆλθε νύκτωρ ἱππέων ἐπαγόμενοσ καὶ τοῦ πεζοῦ τὸ ἀκμαιότατον.

οἱ μὲν οὖν Αἰκανοὶ διηρπακότεσ τὰ χωρία, οἷσ ἐνέβαλον, ἀπῄεσαν ἐπαγόμενοι πολλὰσ ὠφελείασ, ὁ δὲ Φάβιοσ οὐ πολὺ προελθοῦσιν αὐτοῖσ ἐπιφαίνεται καὶ τήν τε λείαν ἀφαιρεῖται καὶ μάχῃ τοὺσ ὑπομείναντασ νικᾷ γενομένουσ ἄνδρασ ἀγαθούσ· οἱ δὲ λοιποὶ σποράδεσ ἐμπειρίᾳ ὁδῶν λαθόντεσ τοὺσ διώκοντασ κατέφυγον εἰσ τὸν χάρακα.

ἐπεὶ δὲ ταύτῃ ἀνεκρούσθησαν οἱ Αἰκανοὶ τῇ συμφορᾷ παρὰ δόξαν σφίσι γενομένῃ, λύσαντεσ τὴν παρεμβολὴν ὑπὸ νύκτα ᾤχοντο καὶ οὐκέτι τὸ λοιπὸν ἐξῄεσαν ἐκ τῆσ πόλεωσ·

ἀλλ’ ἠνείχοντο σῖτόν τε, ὃσ ἐν ἀκμῇ τότε ἦν, συγκομιζόμενον ὑπὸ τῶν πολεμίων καὶ ἀγέλασ βοσκημάτων ἀπελαυνομένασ ὁρῶντεσ, χρήματά τε διαρπαζόμενα καὶ αὐλὰσ πυρὶ διδομένασ καὶ αἰχμαλώτουσ πολλοὺσ ἀγομένουσ. τοῦτο διαπραξάμενοσ ὁ Φάβιοσ, ἐπειδὴ παραδοῦναι τὰσ ἀρχὰσ ἑτέροισ ἔδει, τὴν δύναμιν ἀναστήσασ ἀπῆγε· τὸ δ’ αὐτὸ καὶ Κοίντιοσ ἐποίει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 61

(디오니시오스, Antiquitates Romanae, Books VII-IX, book 9, chapter 61)

상위

목록

SEARCH

MENU NAVIGATION