헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 49)

ὡσ δ’ οὐδὲν ἐγίνετο πέρασ, χωρὶσ ἑκάστουσ ἀπολαμβάνων ὁ Κοίντιοσ, τούσ τε δημάρχουσ καὶ τὸν Ἄππιον, ἐδεῖτο καὶ ἐλιπάρει καὶ τὰ κοινὰ τῶν ἰδίων ἀναγκαιότερα ἡγεῖσθαι ἠξίου. ὁρῶν δὲ τοὺσ μὲν ἤδη πεπειροτέρουσ γεγονότασ, τὸν δὲ συνάρχοντα ἐπὶ τῆσ αὐτῆσ αὐθαδείασ μένοντα πείθει τοὺσ ἀμφὶ Λαιτώριον, ὑπὲρ ἁπάντων τῶν τ’ ἰδίων ἐγκλημάτων καὶ τῶν δημοσίων τὴν βουλὴν ποιῆσαι κυρίαν. τοῦτο διεπράξατο, συνεκάλει τὴν βουλὴν καὶ τοὺσ δημάρχουσ πολλὰ ἐπαινέσασ καὶ τοῦ συνάρχοντοσ δεηθεὶσ μὴ ἀντιπράττειν τῇ σωτηρίᾳ τῆσ πόλεωσ ἐκάλει τοὺσ εἰωθότασ ἀποφαίνεσθαι γνώμασ.

πρῶτοσ δὲ κληθεὶσ Πόπλιοσ Οὐαλέριοσ Ποπλικόλασ γνώμην ἀπεφήνατο τήνδε·

ὅσα μὲν ἀλλήλοισ ἐγκαλοῦσιν οἵ τε δήμαρχοι καὶ ὁ ὕπατοσ, ὑπὲρ ὧν ἔπαθον ἢ ἔδρασαν ἐν τῇ ταραχῇ, ἐπειδὴ οὐκ ἐξ ἐπιβουλῆσ οὐδ’ οἰκείασ πλεονεξίασ ἕνεκεν εἰσ αὐτὰ κατέστησαν, ἀλλ’ ὑπὸ τῆσ εἰσ τὰ κοινὰ φιλοτιμίασ, ἀφεῖσθαι δημοσίᾳ καὶ μηδεμίαν ὑπὲρ αὐτῶν εἶναι δίκην· περὶ δὲ τοῦ νόμου, ἐπειδὴ ὁ ὕπατοσ οὐκ ἐᾷ νόμον ἀπροβούλευτον εἰσ τὴν ἐκκλησίαν ἐκφέρειν, προβουλεῦσαι μὲν περὶ τούτου τὸ συνέδριον· τοὺσ δὲ δημάρχουσ ἅμα τοῖσ ὑπάτοισ ἐπιμέλειαν ποιήσασθαι τῆσ θ’ ὁμονοίασ τῶν πολιτῶν, ὅταν ἡ ψῆφοσ περὶ αὐτοῦ διαφέρηται, καὶ τῆσ εὐκοσμίασ. ἐπαινεσάντων δὲ τὴν γνώμην ἁπάντων εὐθὺσ ἀνέδωκε τὴν ὑπὲρ τοῦ νόμου ψῆφον ὁ Κοίντιοσ τῷ συνεδρίῳ, καὶ πολλὰ μὲν Ἀππίου κατηγορήσαντοσ, πολλὰ δὲ τῶν δημάρχων ἀντιλεξάντων, ἐνίκα παρὰ πολλὰσ ψήφουσ ἡ τὸν νόμον εἰσφέρειν ἀξιοῦσα γνώμη.

ἐπικυρωθέντοσ δὲ τοῦ προβουλεύματοσ αἵ τε ἴδιαι τῶν ἀρχόντων διαφοραὶ διελύθησαν, καὶ ὁ δῆμοσ ἀγαπητῶσ δεξάμενοσ τὸ συγχώρημα τῆσ βουλῆσ ἐπεψήφισε τὸν νόμον.

ἀπ’ ἐκείνου τοῦ χρόνου τὰ τῶν δημάρχων καὶ ἀγορανόμων ἀρχαιρέσια μέχρι τοῦ καθ’ ἡμᾶσ χρόνου δίχα οἰωνῶν τε καὶ τῆσ ἄλλησ ὀττείασ ἀπάσησ αἱ φυλετικαὶ ψηφοφοροῦσιν ἐκκλησίαι. αὕτη λύσισ ἐγένετο τῆσ τότε κατασχούσησ ταραχῆσ τὴν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 49

(디오니시오스, Antiquitates Romanae, Books VII-IX, book 9, chapter 49)

상위

목록

SEARCH

MENU NAVIGATION