헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 23)

οἱ γοῦν Τυρρηνοὶ τούσ τ’ ἄνδρασ διαφθείραντεσ καὶ τὸ ἐν τῇ Κρεμέρᾳ φρούριον παραλαβόντεσ ἐπὶ τὴν ἄλλην στρατιὰν τῶν Ῥωμαίων ἦγον τὰσ δυνάμεισ. ἔτυχε δ’ οὐ μακρὰν κατεστρατοπεδευκὼσ ὁ ἕτεροσ τῶν ὑπάτων Μενήνιοσ οὐκ ἐν ἀσφαλεῖ χωρίῳ·

καὶ ὅτε ἡ Φαβίων συγγένεια καὶ τὸ πελατικὸν αὐτῶν ἀπώλλυντο, τριάκοντά που σταδίουσ ἀπεῖχεν ἀφ’ οὗ τὸ πάθοσ ἐγένετο τόπου, δόξαν τ’ οὐκ ὀλίγοισ παρέσχε, γνοὺσ ἐν οἱοίσ κακοῖσ ἦσαν οἱ Φάβιοι, μηδεμίαν αὐτῶν ποιήσασθαι φροντίδα τῆσ τ’ ἀρετῆσ καὶ δόξησ τοῖσ ἀνδράσι φθονῶν. τοιγαροῦν μετὰ ταῦθ’ ὑπαχθεὶσ ὑπὸ τῶν δημάρχων εἰσ δίκην ἐπὶ ταύτῃ μάλιστα τῇ αἰτίᾳ ἑάλω. σφόδρα γὰρ ἐπένθησεν ἡ Ῥωμαίων πόλισ ἀνδρῶν τοσούτων καὶ τοιούτων ἀρετὰσ ἀποκειραμένη, καὶ πρὸσ ἅπαν τὸ δόξαν αὐτοῖσ αἴτιον γεγονέναι τῆσ τοιαύτησ συμφορᾶσ πικρῶσ καὶ ἀπαραιτήτωσ εἶχεν·

τὴν δ’ ἡμέραν ἐκείνην, ἐν ᾗ τὸ πάθοσ ἐγένετο, μέλαινάν τε καὶ ἀποφράδα τίθεται, καὶ οὐδενὸσ ἂν ἔργου ἐν ταύτῃ χρηστοῦ ἄρξαιτο, τὴν τότε συμβᾶσαν αὐτῇ τύχην ὀττευομένη. ὡσ δὲ πλησίον ἐγένοντο τῶν Ῥωμαίων οἱ Τυρρηνοί, συνιδόντεσ αὐτῶν τὸ στρατόπεδον ‐ ἦν δ’ ὑπὸ λαγόνι κείμενον ὄρουσ ‐ τῆσ τ’ ἀπειρίασ τοῦ στρατηγοῦ κατεφρόνησαν, καὶ τὸ δοθὲν ὑπὸ τῆσ τύχησ πλεονέκτημα ἀγαπητῶσ ἔλαβον.

καὶ αὐτίκα τοὺσ ἱππεῖσ ἀναλαβόντεσ κατὰ τὴν ἑτέραν πλευρὰν τοῦ λόφου οὐδενὸσ κωλύοντοσ ἀνέβησαν ἐπὶ τὴν κορυφήν.

καταλαβόμενοι δὲ τὸν ὑπὲρ κεφαλῆσ τῶν Ῥωμαίων κόρυμβον ἔθεντο ἐν τούτῳ τὰ ὅπλα, καὶ τὴν ἄλλην δύναμιν ἀσφαλῶσ ἀναβιβάσαντεσ ὑψηλῷ χάρακι καὶ βαθείᾳ τάφρῳ τὴν παρεμβολὴν ὠχυρώσαντο. εἰ μὲν οὖν συνιδὼν ὁ Μενήνιοσ, οἱο͂ν ἔδωκε πλεονέκτημα τοῖσ πολεμίοισ, μετέγνω τε τὴν ἁμαρτάδα καὶ εἰσ ἀσφαλέστερον ἀπήγαγε χωρίον τὴν στρατιάν, σοφὸσ ἂν ἦν, νῦν δὲ δι’ αἰσχύνησ λαμβάνων τὸ δοκεῖν ἡμαρτηκέναι καὶ τὸ αὔθαδεσ πρὸσ τοὺσ μεταδιδάσκοντασ φυλάττων, αἰσχύνησ ἄξιον πτῶμα ἔπεσεν.

οἱᾶ γὰρ ἐξ ὑπερδεξίων αὐτοῦ τόπων οἱ πολέμιοι τὰσ ἐξόδουσ ἑκάστοτε ποιούμενοι πολλὰ ἐπλεονέκτουν, ἀγοράσ τ’ αὐτῶν ἀγομένασ ὑπὸ τῶν ἐμπόρων ἁρπάζοντεσ, καὶ τοῖσ ἐπὶ χιλὸν ἢ ὕδωρ ἐκπορευομένοισ ἐπιτιθέμενοι·

καὶ περιειστήκει τῷ μὲν ὑπάτῳ μήτε καιροῦ εἶναι κυρίῳ, ἐν ᾧ τὸν ἀγῶνα ἔμελλε ποιεῖσθαι, μήτε τόπου, ἃ δοκεῖ μεγάλα εἶναι κατηγορήματα ἡγεμόνων στρατηγίασ ἀπείρων·

τοῖσ δὲ Τυρρηνοῖσ ἀμφότερα, ὡσ ἐβούλοντο, εἶχε ταῦτα. καὶ οὐδὲ τότ’ ἀπαναστῆσαι τὴν στρατιὰν ὁ Μενήνιοσ ὑπέμεινεν, ἀλλ’ ἐξαγαγὼν παρέταξεν ὡσ εἰσ μάχην, καταφρονήσασ τῶν τὰ συμφέροντα ὑποτιθεμένων.

καὶ οἱ Τυρρηνοὶ τὴν ἄνοιαν τοῦ στρατηγοῦ μέγα εὐτύχημα ἡγησάμενοι κατέβαινον ἐκ τοῦ χάρακοσ οὐκ ἐλάττουσ ἢ διπλάσιοι τῶν πολεμίων ὄντεσ. ὡσ δὲ συνέπεσον ἀλλήλοισ, φόνοσ ἐγίγνετο τῶν Ῥωμαίων πολὺσ οὐ δυναμένων ἐν τῇ τάξει μένειν.

ἐξεώθουν γὰρ αὐτοὺσ οἱ Τυρρηνοὶ τοῦ τε χωρίου τὴν φύσιν ἔχοντεσ σύμμαχον καὶ τῶν ἐφεστηκότων κατόπιν ‐ ἐτάξαντο γὰρ ἐπὶ βάθοσ ‐ ἐμπτώσει πολλῇ συνεργούμενοι. πεσόντων δὲ τῶν ἐπιφανεστάτων λοχαγῶν, ἡ λοιπὴ τῶν Ῥωμαίων δύναμισ ἐγκλίνασα ἔφευγεν ἐπὶ τὸν χάρακα·

οἱ δ’ ἠκολούθουν, καὶ τάσ τε σημαίασ αὐτῶν ἀφαιροῦνται καὶ τοὺσ τραυματίασ συλλαμβάνουσι καὶ τῶν νεκρῶν γίνονται κύριοι. καὶ κατακλείσαντεσ αὐτοὺσ εἰσ πολιορκίαν καὶ δι’ ὅλησ τῆσ λοιπῆσ ἡμέρασ προσβολὰσ ποιησάμενοι πολλὰσ καὶ οὐδὲ τὴν νύκτα ἀφέντεσ αἱροῦσι τὸν χάρακα ἐκλιπόντων αὐτὸν τῶν ἔνδον, καὶ γίνονται πολλῶν σωμάτων τε καὶ χρημάτων ἐγκρατεῖσ· οὐδὲ γὰρ ἀποσκευάσασθαι δύναμιν ἔσχον οἱ φεύγοντεσ, ἀλλ’ ἀγαπητῶσ αὐτὰ τὰ σώματα διέσωσαν, οὐδὲ τὰ ὅπλα πολλοὶ φυλάττοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 23

(디오니시오스, Antiquitates Romanae, Books VII-IX, book 9, chapter 23)

상위

목록

SEARCH

MENU NAVIGATION