헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 19

(디오니시오스, Antiquitates Romanae, Books VII-IX, book 9, chapter 19)

πορευόμενοι. οἱ δὲ Τυρρηνοὶ προεγνωκότεσ αὐτῶν τὴν ἔξοδον ἐλόχησαν τῆσ ὁδοῦ χωρίον μέρει τῆσ στρατιᾶσ, τὴν δὲ λοιπὴν δύναμιν συντεταγμένην ἔχοντεσ οὐ πολλῷ ὕστερον ἠκολούθουν.

ὡσ δ’ ἐπλησίασαν οἱ Φάβιοι ταῖσ ἐνέδραισ, ἐξαναστάντεσ τοῦ λόχου οἱ Τυρρηνοὶ προσπίπτουσιν αὐτοῖσ, οἱ μὲν κατὰ μέτωπον, οἱ δ’ ἐκ τῶν πλαγίων, καὶ μετ’ οὐ πολὺ ἡ τῶν ἄλλων Τυρρηνῶν δύναμισ προσέβαλεν ἐκ τῶν κατόπιν· καὶ περιστάντεσ αὐτοῖσ πανταχόθεν, οἱ μὲν σφενδόναισ, οἱ δὲ τόξοισ, οἱ δὲ σαυνίοισ τε καὶ λόγχαισ στοχαζόμενοι, τῷ πλήθει τῶν βελῶν ἅπαντασ κατειργάσαντο. οὗτοσ μὲν οὖν ἧττον ἔμοιγε πιθανὸσ φαίνεται εἶναι λόγοσ.

οὔτε γὰρ εἰκὸσ ἀπὸ στρατοπέδου θυσίασ ἕνεκα τοὺσ ὑπὸ ταῖσ σημαίαισ τοσούτουσ ἄνδρασ εἰσ τὴν πόλιν ἀναστρέφειν ἄνευ ψηφίσματοσ βουλῆσ, δυναμένων τῶν ἱερουργιῶν καὶ δι’ ἑτέρων ἐπιτελεσθῆναι τῶν μετεχόντων μὲν τοῦ αὐτοῦ γένουσ, προβεβηκότων δὲ ταῖσ ἡλικίαισ· οὔτ’ εἰ πάντεσ ἀπεληλύθεσαν ἐκ τῆσ πόλεωσ, καὶ μηδεμία μοῖρα τοῦ Φαβίων γένουσ ἐν τοῖσ ἐφεστίοισ ὑπελείπετο, πάντασ εἰκὸσ ἦν τοὺσ κατέχοντασ τὸ φρούριον ἐκλιπεῖν αὐτοῦ τὴν φυλακήν· ἤρκουν γὰρ ἂν καὶ τρεῖσ ἢ τέτταρεσ ἀφικόμενοι συντελέσαι περὶ τοῦ γένουσ ὅλου τὰ ἱερά.

διὰ μὲν δὴ ταύτασ τὰσ αἰτίασ οὐκ ἔδοξέ μοι πιστὸσ εἶναι ὁ λόγοσ.